FIRE

ഡബ്ലിനിലെ Killiney-യില്‍ വീണ്ടും ഗോസ് (gorse) ചെടികള്‍ക്ക് വന്‍ തീപിടിത്തം. Killiney Hill-ല്‍ കൂട്ടമായി വളരുന്ന ഗോസ് ചെടികള്‍ക്ക് ശനിയാഴ്ച രാത്രി 11 മണിയോടെയാണ് തീപിടിച്ചത്. ശക്തമായ തീപിടിത്തത്തില്‍ വീടുകളുടെ മേല്‍ക്കൂരകളെക്കാള്‍ ഉയരത്തില്‍ ജ്വാലകളുയര്‍ന്നു. Dublin Fire Brigade എത്തിയാണ് തീ നിയന്ത്രണവിധേയമാക്കിയത്. രണ്ട് ഫയര്‍ എഞ്ചിനുകളും, ഒരു വൈല്‍ഡ് ലൈഫ് റെസ്‌പോണ്‍സ് ജീപ്പുമാണ് സ്ഥലത്തെത്തിയത്. ശക്തമായ കാറ്റാണ് തീ പടരാന്‍ ഇടയാക്കിയതെന്ന് സംഘം അറിയിച്ചു.

കൗണ്ടി ഡബ്ലിനിലെ Killiney-യില്‍ ഗോസ് (gorse) ചെടികളുടെ കൂട്ടത്തിന് വന്‍ തീപിടിത്തം. ഇവിടുത്തെ Mullins Hill-ല്‍ കൂട്ടമായി വളരുന്ന ചെടികള്‍ക്കാണ് ഇന്നലെ രാത്രി തീപിടിച്ചത്. ഡബ്ലിന്‍ ഫയര്‍ ബ്രിഗേഡിന്റെ നിരവധി യൂണിറ്റുകളെത്തിയാണ് തീ നിയന്ത്രണവിധേയമാക്കിയത്. പ്രദേശത്ത് ശക്തമായ കാറ്റ് വീശിയത് പുക മറ്റിടങ്ങളിലേയ്ക്കും പരക്കാന്‍ കാരണമായിട്ടുണ്ട്. രാത്രിയിലുടനീളം അഗ്നിശമന സേന തീയണയ്ക്കാന്‍ ശ്രമിക്കുകയായിരുന്നു. അതേസമയം ഡബ്ലിനിലെ Crumlin Shopping Centre-ലും ഇന്നലെ രാത്രിയോടെ തീപിടിത്തം ഉണ്ടായി. തീ നിയന്ത്രണവിധേയമാക്കിയതായും, ആര്‍ക്കും പരിക്കില്ലെന്നും അധികൃതര്‍ അറിയിച്ചു. സംഭവത്തില്‍ ഗാര്‍ഡ … Read more

Waterford City-യിലെ പഴയ ഹോട്ടലില്‍ വന്‍ തീപിടിത്തം. ഇന്നലെ വൈകിട്ടായിരുന്നു തീപിടിത്തം ഉണ്ടായത്. വാട്ടര്‍ഫോര്‍ഡ് കാസിലിന്റെ ഉടമസ്ഥനും, കില്‍ക്കെന്നിയിലെ ബിസിനസുകാരനുമായ Seamus Walsh-ന്റെ ഉടമസ്ഥതയിലുള്ളതാണ് ഈ കെട്ടിടം. മുമ്പ് Ard Ri, Jury’s എന്നീ പേരുകളിലായിരുന്നു ഹോട്ടല്‍ പ്രവര്‍ത്തിച്ചിരുന്നത്. 2005-ലാണ് ഹോട്ടല്‍ അവസാനമായി പ്രവര്‍ത്തിച്ചത്. ശേഷം പൂട്ടി. ഇക്കാലയളവിനിടെ പലവട്ടം ഇവിടെ തീപിടിത്തം ഉണ്ടായിട്ടുണ്ട്.

കൗണ്ടി വെക്സ്ഫോഡിലെ വീട്ടിലുണ്ടായ തീപിടിത്തത്തിൽ മൂന്ന് പേരെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു. New Ross- ലെ ഒരു വീട്ടിൽ ഞായറാഴ്ച പുലർച്ചെ ആണ് തീപിടിത്തം ഉണ്ടായത്. ഇവിടുത്തെ താമസക്കാരായ 20 -ലേറെ പ്രായമുള്ള രണ്ട് പുരുഷന്മാർ, 40- ലേറെ പ്രായമുള്ള ഒരു സ്ത്രീ എന്നിവരെയാണ് പരിക്കുകളോടെ University Hospital Waterford- ൽ പ്രവേശിപ്പിച്ചിരിക്കുന്നത്. സാരമായി പരിക്കേറ്റ ഇവരുടെ ഇവരുടെ ആരോഗ്യനില തൃപ്തികരമാണ്. സംഭവത്തിൽ ഗാർഡ അന്വേഷണമരംഭിച്ചു.

കൗണ്ടി ലിമറിക്കിലെ Castletroy-യില്‍ വീട്ടിലുണ്ടായ തീപിടിത്തത്തില്‍ ഒരാള്‍ മരിച്ചു. Kilmurry Village-യിലെ University of Limerick-ന്റെ ഓണ്‍ ക്യാംപസ് സ്റ്റുഡന്റ് അക്കോമഡേഷന്‍ സൈറ്റുകളിലൊന്നിലെ വീട്ടിലാണ് വ്യാഴാഴ്ച അര്‍ദ്ധരാത്രിയോടെ തീപിടിത്തമുണ്ടായത്. 80-ലേറെ പ്രായമുള്ളയാളാണ് സംഭവത്തില്‍ മരിച്ചത്. ഇദ്ദേഹം ഇവിടെ അദ്ധ്യാപകനായി ജോലി ചെയ്തുവരികയായിരുന്നു. അഞ്ച് മണിക്കൂറോളം നീണ്ട ശ്രമത്തിലാണ് അഗ്നിരക്ഷാസേന തീയണച്ചത്. സംഭവത്തില്‍ ഗാര്‍ഡ അന്വേഷണമാരംഭിച്ചിട്ടുണ്ട്. മരിച്ചയാളുടെ പോസ്റ്റ്‌മോര്‍ട്ടം ഇന്ന് നടക്കും.

ഡബ്ലിനിലെ പ്രശസ്തമായ Shelbourne Hotel-ല്‍ തീപിടിത്തം. ബുധനാഴ്ച രാവിലെ 10.30-ഓടെ നടന്ന തീപിടിത്തത്തില്‍ ആര്‍ക്കും പരിക്കില്ല. അഗ്നിരക്ഷാസേനയുടെ ആറ് യൂണിറ്റുകള്‍ ശ്രമിച്ചാണ് ഹോട്ടലിലെ തീയണച്ചത്. അതേസമയം തീപടര്‍ന്നതിന് പിന്നാലെ ഹോട്ടല്‍ജീവനക്കാര്‍ തന്നെ നടത്തിയ രക്ഷാപ്രവര്‍ത്തനം വലിയ ഗുണം ചെയ്‌തെന്ന് അഗ്നിരക്ഷാസേന പറഞ്ഞു. പ്രദേശത്ത് ഗതാഗതനിയന്ത്രണവുമായി ഗാര്‍ഡയും സ്ഥിതി ചെയ്തിരുന്നു. തീ അണച്ച് സ്ഥിതി നിയന്ത്രണവിധേയമാക്കിയ ശേഷം അന്തേവാസികളെ തിരികെ ഹോട്ടലില്‍ പ്രവേശിക്കാന്‍ അനുവദിച്ചു. Leinster House-ന് സമീപം St Stephen’s Green-ലാണ് ഹോട്ടല്‍ സ്ഥിതി ചെയ്യുന്നത്.

ഡബ്ലിനില്‍ മോട്ടോര്‍ ഗാരേജിന് തീപിടിച്ച് നിരവധി കാറുകള്‍ കത്തിനശിച്ചു. ചൊവ്വാഴ്ച രാത്രിയാണ് വടക്കുപടിഞ്ഞാറന്‍ ഡബ്ലിനിലെ Ballycoolin-ലുള്ള Dean Motors എന്ന സ്ഥാപനത്തില്‍ തീപടര്‍ന്നത്. 11 മണിയോടെ ഉണ്ടായ തീപിടിത്തത്തെത്തുടര്‍ന്ന് ഡബ്ലിന്‍ ഫയര്‍ ബ്രിഗേഡിന്റെ ആറ് യൂണിറ്റുകളും, ഗാര്‍ഡയും സംഭവസ്ഥലത്തേയ്ക്ക് കുതിച്ചെത്തി. കട്ടിയില്‍ പുക ഉയര്‍ന്നതിനെത്തുടര്‍ന്ന് പ്രദേശവാസികളോട് വാതിലുകളും, ജനലുകളും അടച്ചിടാന്‍ നിര്‍ദ്ദേശം നല്‍കിയിരുന്നു. കാറ്റ് കാരണം പുക പലയിടത്തേയ്ക്കും പരക്കാനുള്ള സാധ്യത കൂടി മുന്നില്‍ക്കണ്ടായിരുന്നു ഇത്. സംഭവത്തില്‍ ആര്‍ക്കും പരിക്കില്ല. സ്ഥലത്ത് ഫോറന്‍സിക് സംഘം പരിശോധന നടത്തി.