അയർലണ്ടിൽ 1,939 ശിക്ഷിക്കപ്പെട്ട ലൈംഗിക കുറ്റവാളികൾ സമൂഹത്തിൽ ജീവിക്കുന്നതായി ഗാര്‍ഡയുടെ കണക്കുകൾ വ്യക്തമാക്കുന്നു. സെക്സ് ഓഫെൻഡേഴ്സ് ആക്റ്റ് 24 വർഷം മുമ്പ് നടപ്പാക്കിയതിനു ശേഷം ജയിലിൽ നിന്ന് മോചിതരായവരുടെ വിവരങ്ങൾ സൂക്ഷിക്കണമെന്ന നിയമത്തിന്റെ അടിസ്ഥാനത്തിലാണ് ഈ കണക്കുകൾ തയ്യാറാക്കിയിരിക്കുന്നത്.
നിലവിൽ 733 ലൈംഗിക കുറ്റവാളികൾ ജയിലിൽ കഴിയുന്നുണ്ടെന്നും, ഇവരെ കൂടി ഉൾപ്പെടുത്തുമ്പോൾ ആകെ 2,700-ഓളം പേരെ An Garda Síochána നിരീക്ഷിക്കുന്നുണ്ടെന്നും റിപ്പോർട്ടിൽ പറയുന്നു.
സെക്സ് ഓഫെൻഡേഴ്സ് ആക്ടിൽ (Sex Offenders Act) വരുത്തിയ ഭേദഗതികൾ അനുസരിച്ച്, ശിക്ഷിക്കപ്പെട്ട ലൈംഗിക കുറ്റവാളികളുടെ ഏറ്റവും പുതിയ ഫോട്ടോകൾ എടുക്കാനും, മുൻ കുറ്റവാളിയുടെ താമസസ്ഥലം അല്ലെങ്കിൽ ജോലി ക്രമീകരണങ്ങൾ സംബന്ധിച്ച് ആശങ്കയുണ്ടെങ്കിൽ മൂന്നാം കക്ഷികളുമായി വിവരങ്ങൾ പങ്കിടാനും ഗാർഡായ്ക്ക് അധികാരം നൽകിയിട്ടുണ്ട്. ഈ ഭേദഗതികൾ, സെക്സ് ഓഫെൻഡർമാരുടെ പ്രവർത്തനങ്ങൾ നിരീക്ഷിക്കുന്നതിനും സമൂഹത്തിന്റെ സുരക്ഷ ഉറപ്പാക്കുന്നതിനുമായി ഗാർഡായ്ക്ക് കൂടുതൽ അധികാരങ്ങൾ നൽകുന്നു.
ജയിലിൽ നിന്നും പുറത്തിറങ്ങിയ ലൈംഗിക കുറ്റവാളികൾ ‘നോട്ടിഫിക്കേഷൻ’ ആവശ്യകതകൾക്ക് വിധേയരാണ്. ഇതനുസരിച്ച്, ജയിലിൽ നിന്ന് പുറത്തുവന്നതിന് മൂന്ന് ദിവസത്തിനുള്ളിൽ അവർ തങ്ങളുടെ താമസസ്ഥലത്തെക്കുറിച്ച് ഗാർഡായെ അറിയിക്കണം. കൂടാതെ, അവർ ഉപയോഗിക്കുന്ന പേരുകളും, രാജ്യം വിടുന്നതിനോ തിരിച്ചുവരുന്നതിനോ മുമ്പുള്ള വിവരങ്ങളും നൽകണം. ഇത്തരം നിയന്ത്രണങ്ങൾ ലൈംഗിക കുറ്റവാളികളുടെ പ്രവർത്തനങ്ങൾ നിരീക്ഷിക്കുന്നതിന് ഗാർഡായെ സഹായിക്കുന്നു.
ലൈംഗിക കുറ്റവാളികളുടെ അതിക്രമങ്ങൾക്ക് ഇരയായ നിരവധി പേർ ശിക്ഷിക്കപ്പെട്ട കുറ്റവാളികളുടെ ഐഡന്റിറ്റിയും താമസസ്ഥലവും രഹസ്യമായി സംരക്ഷിക്കുന്ന നിയമങ്ങളെ അവർ വിമർശിക്കുന്നു.
ലൈംഗിക കുറ്റവാളികളുടെ പുനരധിവാസവും സമൂഹത്തിലേക്കുള്ള പുനഃപ്രവേശനവും ഏറെ സങ്കീർണ്ണവും വെല്ലുവിളി നിറഞ്ഞതുമായ വിഷയമാണെന്ന് ഗാര്‍ഡ പറയുന്നു.
നിരവധി ക്രിമിനൽ അന്വേഷണങ്ങൾ തുടരുന്ന സാഹചര്യത്തിൽ, ലൈംഗിക കുറ്റവാളികളുടെ ഡാറ്റാബേസ് അല്ലെങ്കിൽ രജിസ്റ്ററി യിൽ ഉൾപ്പെടുന്നവരുടെ എണ്ണം വരും മാസങ്ങളിലും വർഷങ്ങളിലും വർധിക്കാനുള്ള സാധ്യതയുണ്ടെന്നാണ് ഗാര്‍ഡയുടെ അനുമാനം.
