ധനകാര്യ വകുപ്പിന്‍റെ കണക്കുകള്‍ പ്രകാരം രാജ്യത്തെ കോർപ്പറേഷൻ നികുതി കഴിഞ്ഞ വർഷം 18% വർധിച്ച് 28 ബില്യൺ യൂറോയായി.
ആപ്പിൾ കമ്പനിയുടെ നികുതി കേസിൽ നിന്ന് ഇതുവരെ സമാഹരിച്ച 11 ബില്യൺ യൂറോ, കോർപ്പറേഷൻ നികുതി കണക്കുകളിൽ ഉൾപ്പെടുത്തിയപ്പോൾ ആകെ ലഭിച്ചത് 39.1 ബില്യൺ യൂറോയാണ്.
എന്നാൽ ഭാവി ചെലവുകൾക്കായി വളരെ ലാഭകരമായ കുറച്ച് ബഹുരാഷ്ട്ര കമ്പനികളിൽ നിന്നുള്ള ഇത്തരം നികുതികളെ ആശ്രയിക്കുന്നത് അയർലണ്ടിന് തുടരാനാവില്ലെന്ന് ധനകാര്യ വകുപ്പ് മുന്നറിയിപ്പ് നൽകി.
2024-ലെ എക്‌സ്‌ചെക്കർ റിട്ടേൺസ് കാണിക്കുന്നത് ഐറിഷ് സമ്പദ്‌വ്യവസ്ഥ ശക്തമായി തുടരുന്നു എന്നാണ്.
ആദായനികുതി കഴിഞ്ഞ വർഷത്തെ അപേക്ഷിച്ച് 6.6% ഉയർന്ന് 35 ബില്യൺ യൂറോയിലെത്തി, ഇത് തൊഴിൽ വിപണി ആരോഗ്യകരമായി തുടരുന്നുവെന്ന് സൂചിപ്പിക്കുന്നു.
2023-ൽ 7.3% വർധിച്ച് 21.8 ബില്യൺ യൂറോയുടെ വാറ്റ് വരവോടെ ഉപഭോക്തൃ ചെലവ് ശക്തമായി.
മൊത്തത്തിൽ 2024-ൽ ഖജനാവിൽ 12.8 ബില്യൺ യൂറോ മിച്ചമുണ്ടായിരുന്നു, എന്നാൽ ആപ്പിളിൽ നിന്നുള്ള 11 ബില്യൺ യൂറോ ഒഴിവാക്കിയപ്പോൾ മിച്ചം € 1.8 ബില്യൺ ആയി.
രാജ്യത്തെ കഴിഞ്ഞ വർഷത്തെ മൊത്തം വരുമാനം €108 ബില്യൺ ആയി വർധിച്ചു, ഇത് 2023-നെ അപേക്ഷിച്ച് €20 ബില്യൺ കൂടുതല്‍ ആണെന്ന് ധനകാര്യ വകുപ്പിന്‍റെ കണക്കുകള്‍ സൂചിപ്പിക്കുന്നു.
