അയര്‍ലണ്ടിലെ അഞ്ചു കൗണ്ടികളിൽ ഹിമ പാതത്തിനും വിവിധ പ്രദേശങ്ങളിൽ കാറ്റിനുമുള്ള യെല്ലോ മുന്നറിയിപ്പ് നല്‍കി.
കാവൻ, ഡോണിഗൽ, മോനഗൻ, ലെയ്ട്രിം, ലൗത്ത് എന്നിവിടങ്ങളില്‍ ഹിമപാത മുന്നറിയിപ്പ് ഇന്ന് രാവിലെ 9 മണി വരെ തുടരും എന്ന് Met Éireann അറിയിച്ചു.
ഡോണിഗൽ, ഗാൽവേ, ലെയ്ട്രിം, മയോ, സ്ലിഗോ എന്നീ കൗണ്ടികളിൽ കാറ്റിനുള്ള യെല്ലോ മുന്നറിയിപ്പ് ഇന്ന് പുലർച്ചെ 3 മണിക്ക് ആരംഭിച്ചു, ഉച്ചയ്ക്ക് 2 മണി വരെ പ്രാബല്യത്തിൽ തുടരും.
ക്ലയർ, ലിമെറിക്ക്, കേറി കൗണ്ടികളിൽ കാറ്റ് മുന്നറിയിപ്പ് ഇന്ന് ഉച്ചയ്ക്ക് 3 മണി വരെ തുടരുമെന്നും Met Éireann വ്യക്തമാക്കി.
തീരപ്രദേശങ്ങളിൽ തിരമാലകൾ കര കവിഞ്ഞുവരാനുള്ള സാധ്യതയും മുന്നറിയിപ്പില്‍ ഉണ്ട്.
