ഈ കഴിഞ്ഞ നവംബര്‍ മാസം ഡബ്ലിൻ, കോർക്ക് വിമാനത്താവളങ്ങൾ ചരിത്രത്തിലെ ഏറ്റവും യാത്രാ തിരക്കേറിയ മാസമായി മാറി.
കഴിഞ്ഞ മാസം, ഡബ്ലിനിൽ 2.3 ദശലക്ഷം യാത്രക്കാരാണ് യാത്ര ചെയ്തത്, ഇത് കഴിഞ്ഞ വർഷത്തെ നവംബറിന്റെ അപേക്ഷിച്ച് 3% വർധനവാണ്.
ഡബ്ലിൻ വിമാനത്താവളത്തിൽ നവംബർ മാസത്തിലെ ഏറ്റവും തിരക്കേറിയ ദിവസമായ നവംബർ 1-ാം തിയതി, വെള്ളിയാഴ്ച, 100,000 യാത്രക്കാരാണ് വിമാനത്താവളത്തിന്റെ രണ്ട് ടെർമിനലുകളും വഴി കടന്നുപോയത്.
2024-ലെ ആകെ യാത്രക്കാരുടെ എണ്ണം 30.97 ദശലക്ഷം ആയി, ഇത് 2023-ലെ ഈ കാലയളവിന്റെ അപേക്ഷിച്ച് 5% വർധനവാണ്.
32 ദശലക്ഷം യാത്രക്കാരുടെ പരിധി പാലിക്കാൻ ഡിഎഎ അവശ്യമുള്ള നടപടികൾ തുടരുമെന്നും അറിയിച്ചു.
കോര്‍ക്ക് വിമാനതാവളവും 2024-ൽ ദ്രുതഗതിയിലുള്ള വളർച്ച രേഖപ്പെടുത്തി.
നവംബർ മാസത്തിൽ 201,000 യാത്രക്കാരാണ് കോര്‍ക്ക് വിമാനതാവളത്തിലൂടെ സഞ്ചരിച്ചത്, ഇത് 2023 നവംബറിനേക്കാൾ 5% വർധനയാണ്. ഇതോടെ കോര്‍ക്ക് എയര്‍പോര്‍ട്ട് 2024-ൽ അയര്‍ലണ്ട് ലെ ഏറ്റവും വേഗത്തിൽ വളരുന്ന വിമാനത്താവളമായി മാറി.
ഡബ്ലിൻ, കോര്‍ക്ക് എയര്‍പോര്‍ട്ട് കളുടെ ഏറ്റവും പ്രചാരത്തിലുള്ള ലക്ഷ്യസ്ഥലം ലണ്ടൻ ഹീത്രോ വിമാനത്താവളമായിരുന്നു.
