ക്രിസ്മസ് രാവുകളെ വരവേൽക്കാനായി അയർലണ്ടിലെ കോർക്കിൽ മെലോഡിയ 2024 നടത്തപ്പെടുന്നു. കഴിഞ്ഞ രണ്ടു വർഷങ്ങളായി കോർക്ക് ഹോളിട്രിനിറ്റി ഇന്ത്യൻ ഓർത്തഡോക്സ് സഭയുടെ ആഭിമുഖ്യത്തിൽ നടത്തിവന്നിരുന്ന എക്യുമെനിക്കൽ കരോൾ സന്ധ്യ മെലോഡിയ, ഈ പ്രാവശ്യവും വിപുലമായ പ്രോഗ്രാമുകളോട് കൂടി നവംബർ 24 ഞായറാഴ്ചയാണ് നടത്തപ്പെടുന്നത്.
ഞായർ ഉച്ചകഴിഞ്ഞ് 3.30 മുതൽ കോർക്കിലെ ടോഗർ ഫിൻബാർസ് ജി എ എ ക്ലബ്ബിൽ വെച്ച് നടത്തപ്പെടുന്ന പരിപാടിയിൽ അയർലണ്ടിലെ വിവിധ ദേവാലയങ്ങളിൽ നിന്നും, ഇതര സംഘടനകളിൽ നിന്നുള്ള 12 ടീമുകൾ പങ്കെടുക്കുന്നു.
കഴിഞ്ഞ വർഷങ്ങളിൽ ഈ പരിപാടി വളരെ വിജയകരമായി നടത്തി വന്നതുപോലെ ഈ വർഷവും ഏവരുടെയും സാന്നിധ്യ സഹകരണം പ്രതീക്ഷിക്കുന്നതായി സംഘാടകർ പറഞ്ഞു.
