അയര്‍ലണ്ടില്‍ നഴ്‌സായി ജോലി ചെയ്തുവരികയായിരുന്ന മലയാളി സീമാ മാത്യു (45) അന്തരിച്ചു. കൗണ്ടി ടിപ്പററിയിലെ നീനാ St. Colons Community Nursing Unit-ലെ സ്റ്റാഫ് നഴ്‌സായിരുന്ന സീമ, ഏതാനും നാളുകളായി അസുഖത്തെ തുടര്‍ന്ന് ചികിത്സയിലായിരുന്നു. ഇന്നലെ രാവിലെ 11 മണിയോടെ നീനയിലെ വീട്ടില്‍ വച്ചായിരുന്നു അന്ത്യം.
തൊടുപുഴ ചിലവ് പുളിയന്താനത്ത് ജെയ്‌സണ്‍ ജോസ് ആണ് ഭര്‍ത്താവ്. മക്കള്‍: ജെഫിന്‍, ജുവല്‍, ജെറോം.
വര്‍ഷങ്ങളായി അയര്‍ലണ്ടിലാണ് സീമയും കുടുംബവും താമസം. പ്രദേശത്തെ എല്ലാ സാമൂഹികപ്രവര്‍ത്തനങ്ങളിലും കുടുംബം സജീവസാന്നിദ്ധ്യമായിരുന്നു.
നവംബര്‍ 18 തിങ്കളാഴ്ച രാവിലെ 11 മണി മുതല്‍ 1.30 വരെ നീനാ Kellers Funeral Home-ല്‍ (E45X094) സീമയ്ക്ക് അന്തിമോപചാരം അര്‍പ്പിക്കാനുള്ള സൗകര്യമുണ്ടായിരിക്കും. തുടര്‍ന്ന് ഉച്ചയ്ക്ക് 2 മണിക്ക് നീനാ സെന്റ് മേരീസ് റോസറി ചര്‍ച്ചില്‍ (E45YH29) വച്ച് സീറോ മലബാര്‍ ക്രമത്തിലുള്ള ഫ്യൂണറല്‍ മാസും, സംസ്‌കാരവും നടത്തപ്പെടും.
