കങ്കണ റണൗട്ട് നായികയും, സംവിധായികയുമായ ചിത്രം ‘എമര്‍ജന്‍സി’ ട്രെയിലര്‍ റിലീസായി. ഇന്ത്യയുടെ കരുത്തുറ്റ പ്രധാനമന്ത്രിയായിരുന്ന ഇന്ദിരാ ഗാന്ധിയുടെ ജീവിതവും, അടിയന്തരാവസ്ഥയും പ്രമേയമാകുന്ന ചിത്രത്തില്‍ ഇന്ദിരയായാണ് കങ്കണ എത്തുന്നത്. ചിത്രം സെപ്റ്റംബര്‍ 6-ന് തിയറ്ററുകളിലെത്തും.
ചിത്രത്തിന്റെ കഥ കങ്കണയുടേത് തന്നെയാണ്. റിതേഷ് ഷാ ആണ് തിരക്കഥ. ചിത്രത്തിന്റെ നിര്‍മ്മാതാക്കളില്‍ ഒരാളും കങ്കണയാണ്. അനുപം ഖേര്‍, ശ്രേയസ് തല്‍പഡേ, മഹിമ ചൗധരി, മിലിന്ദ് സോമന്‍, സതീഷ് കൗശിക് തുടങ്ങിയവര്‍ക്കൊപ്പം ചിത്രത്തില്‍ മലയാളി താരം വിശാഖ് നായരും അഭിനയിക്കുന്നുണ്ട്. സഞ്ജയ് ഗാന്ധിയെ ആണ് വിശാഖ് അവതരിപ്പിക്കുന്നത്.
അതേസമയം കങ്കണ നായികയായി ഈയിടെ പുറത്തിറങ്ങിയ ഒരുപിടി ചിത്രങ്ങള്‍ ബോക്‌സ് ഓഫീസില്‍ പരാജയം നേരിട്ടിരുന്നു. അതിനാല്‍ ‘എമര്‍ജന്‍സി’ വിജയം നേടിയാല്‍ അത് നടിയുടെ തിരിച്ചുവരവായിരിക്കും. കങ്കണ എംപിയായ ശേഷം റിലീസ് ആകുന്ന ആദ്യ സിനിമയുമാണ് ‘എമര്‍ജന്‍സി.’
ട്രെയിലര്‍ കാണാം:
