ഓള്‍ അയര്‍ലണ്ട് സീനിയര്‍ ഫുട്‌ബോള്‍ ചാംപ്യന്‍ഷിപ്പ് (Gaelic football- GAA) കിരീടം Armagh കൗണ്ടിക്ക്. ഞായറാഴ്ച ഡബ്ലിനിലെ Croke Park സ്റ്റേഡിയത്തില് നടന്ന ഫൈനലില്‍ ഗോള്‍വേയുടെ 0-13-നെതിരെ 1-11 സ്‌കോറിനാണ് Armagh-യുടെ വിജയം.
ഏകദേശം 82,300-ഓളം കാണികള്‍ തിങ്ങിനിറഞ്ഞ സ്റ്റേഡിയത്തില് നാടകീയ വിജയത്തോടെ രണ്ടാം തവണയാണ് Armagh, Sam Maguire കപ്പുയര്‍ത്തിയത്. അതേസമയം 2022 ഫൈനലില്‍ കെറിയോട് പരാജയമേറ്റുവാങ്ങിയ ഗോള്‍വേയ്ക്ക് ഇത്തവണയും ചാംപ്യന്മാരാകാതെ മടങ്ങേണ്ടിവന്നു.
ഇതിന് മുമ്പ് 2002-ലാണ് Armagh ഓള്‍ അയര്‍ലണ്ട് ചാംപ്യന്മാരായത്. അന്ന് ടീം ക്യാപ്റ്റനായിരുന്ന Kieran McGeeney ആണ് ഇത്തവണ കിരീടം നേടിയ Armagh-യുടെ കോച്ച് എന്നത് മറ്റൊരു സവിശേഷത. 2001-ലാണ് ഗോള്‍വേ അവസാനമായി ഓള്‍ അയര്‍ലണ്ട് ചാംപ്യന്മാരായത്.
