സാന്റിഫോർഡ് സ്ട്രൈക്കേഴ്സ് ക്രിക്കറ്റ്‌ ക്ലബ്‌ സംഘടിപ്പിക്കുന്ന രണ്ടാമത് ഡബ്ലിൻ പ്രീമിയർ ലീഗ് ടെന്നീസ് ബോൾ ക്രിക്കറ്റ്‌ ടൂർണമെന്റ് ഡബ്ലിൻ അത്സാ ക്രിക്കറ്റ്‌ ഗ്രൗണ്ടിൽ വെച്ച് ജൂൺ 29 ശനിയാഴ്ച നടത്തപ്പെടുന്നു.
Just right overseas Limited മുഖ്യ സ്പോൺസറും Tilex, Ingredients Asian store സഹസ്പോൺസർമാരുമായ ടൂർണമെന്റിൽ അയർലണ്ടിൽ ഉടനീളമുള്ള 24 ടീമുകളാണ് പങ്കെടുക്കുന്നത്.
വിജയിക്കുന്ന ടീമിന് 801 യൂറോ ക്യാഷ് പ്രൈസും ഡി.പി.എൽ എവർ റോളിംഗ് ട്രോഫിയും നൽകുന്നതാണ്. റണ്ണേഴ്സ് അപ്പ്‌ ആകുന്ന ടീമിന് 401 യൂറോ ക്യാഷ് പ്രൈസും ഡി. പി. എൽ എവർ റോളിംഗ് ട്രോഫിയുമാണ് സമ്മാനം.
കൂടാതെ മികച്ച ബാറ്റ്സ്മാൻ, ബൗളർ, പ്ലെയർ ഓഫ് ദ മാച്ച് (ഫൈനൽ), ഫെയർ പ്ലേ അവാർഡ് (ടീം) എന്നിവയും നൽകപ്പെടുന്നതാണ്. പങ്കെടുക്കുന്ന എല്ലാ ടീമുകൾക്കും സാന്റിഫോർഡ് സ്ട്രൈക്കേഴ്സ് ക്രിക്കറ്റ്‌ ടീം ആശംസകൾ നേരുന്നതായി സംഘാടകർ പറഞ്ഞു.
