ഡബ്ലിന്‍ സിറ്റി കൗണ്‍സിലിന്റെ ഉടമസ്ഥതയിലുള്ള വാന്‍ മോഷ്ടിച്ച് ഓടിച്ചുപോകവേ റെയില്‍വേ ബാരിയിറിലിടിച്ച് അപകടം. വ്യാഴാഴ്ച ഉച്ചയ്ക്ക് ശേഷമാണ് മാലിന്യം ശേഖരിക്കുന്ന കൗണ്‍സില്‍ വാന്‍ Parliament Street-ല്‍ നിന്നും മോഷണം പോയത്. വാഹനത്തില്‍ നിന്നും കൗണ്‍സില്‍ ജീവനക്കാരന്‍ മാലിന്യം പുറന്തള്ളുന്നതിനിടെയായിരുന്നു മോഷണം.
തുടര്‍ന്ന് 5.30-ഓടെ Ormond Quay-യില്‍ വച്ച് ഗാര്‍ഡ വാഹനത്തിന് കൈ കാണിച്ചെങ്കിലും ഓടിച്ചയാള്‍ നിര്‍ത്തിയില്ല. ഇതോടെ വാഹനം മോഷ്ടിച്ചതാണെന്ന് മനസിലാക്കിയ ഗാര്‍ഡ നിരീക്ഷണം നടത്തിവരുന്നതിനിടെ Sutton-ലെ ലെവല്‍ ക്രോസിന് സമീപമുള്ള ബാരിയറില്‍ ഇടിക്കുകയായിരുന്നു. വലിയ ഗതാഗതക്കുരുക്കിനും, ഡാര്‍ട്ട് സര്‍വീസ് തടസപ്പെടാനും ഇത് കാരണമായി.
വാഹനം ഓടിച്ചിരുന്നയാളെ പരിക്കുകളോടെ ആശുപത്രിയില്‍ പ്രവേശിപ്പിച്ചിരിക്കുകയാണ്. ഇയാളുടെ പരിക്കുകള്‍ ഗുരുതരമല്ല.
