അയര്‍ലണ്ടില്‍ ഗാര്‍ഹികാവശ്യത്തിന് ഉപയോഗിക്കുന്ന വൈദ്യുതി, ഗ്യാസ് എന്നിവയ്ക്ക് വിലക്കുറവ് പ്രഖ്യാപിച്ച് SSE Airtricity. ജൂലൈ ആദ്യം മുതല്‍ ഇവയുടെ വിലയില്‍ 10% കുറവ് വരുത്തുമെന്നാണ് കമ്പനി പ്രഖ്യാപിച്ചിരിക്കുന്നത്. അതേസമയം സ്റ്റാന്‍ഡിങ് ചാര്‍ജ്ജുകളില്‍ മാറ്റമില്ല.
കുറച്ച നിരക്ക് വഴി പ്രതിവര്‍ഷം വൈദ്യുതി ബില്ലില്‍ 150 യൂറോയും, ഗ്യാസ് ഇനത്തില്‍ 100 യൂറോയും ശരാശരി ലാഭിക്കാമെന്നാണ് കണക്കാക്കുന്നത്. രാജ്യത്ത് SSE Airtricity-യുടെ കണക്ഷനുകള്‍ എടുത്തിട്ടുള്ള 250,000 വൈദ്യുതി ഉപഭോക്താക്കള്‍ക്കും, 90,000 ഗ്യാസ് ഉപഭോക്താക്കള്‍ക്കും ആശ്വാസകരമാകുന്നാണ് പ്രഖ്യാപനം.
ഈ വര്‍ഷം ഇത് രണ്ടാ തവണയാണ് കമ്പനി വിലക്കുറവ് പ്രഖ്യാപിക്കുന്നത്. ഫെബ്രുവരിയില്‍ വെദ്യുതിക്ക് 12.8%, ഗ്യാസിന് 11.5% എന്നിങ്ങനെ വില കുറച്ചിരുന്നു.
