ഡബ്ലിൻ: അത്യന്തം ആവേശം നിറഞ്ഞ പതിനൊന്നാമത് ലൂക്കൻ കോൺഫിഡന്റ് ക്രിക്കറ്റേഴ്സ് ചാമ്പ്യൻസ് ട്രോഫി കിരീടം LCC കരസ്ഥമാക്കി. 24 ടീമുകൾ പങ്കെടുത്ത ഈ വർഷത്തെ ഏറ്റവും വലിയ ക്രിക്കറ്റ് ടൂർണമെന്റിനാണ് മെയ് 25 , 26 തിയതികളിൽ അയർലൻഡ് സാക്ഷ്യംവഹിച്ചത്. ഫൈനൽ മസരത്തിൽ AMC-യെ പരാജയപ്പെടുത്തിയാണ് LCC വിജയകിരീടമണിഞ്ഞത്.
കോൺഫിഡന്റ് ട്രാവൽ സ്പോൺസർ ചെയ്ത 1001 യൂറോ ക്യാഷ് അവാർഡും എവറോളിങ് ട്രോഫിയും വിജയികളായ ലൂക്കൻ ടീമിനു ലഭിച്ചപ്പോൾ ബിക്കാനോ സെവൻ സീസ് വെജിറ്റബിൾസ് നൽകുന്ന 501 യൂറോ ക്യാഷ് അവാർഡും എവറോളിങ് ട്രോഫിയും AMC-ക്കു ലഭിച്ചു.
പ്രതികൂല കാലാവസ്ഥയിലും ടൂർണമെന്റ് വിജയത്തിനായി സഹകരിച്ച എല്ലാ ടീമിനും നന്ദി അറിയിക്കുന്നതായി സംഘാടകർ പറഞ്ഞു.
LCC-യുടെ വിക്കറ്റ്കീപ്പർ ബാറ്റർ അബ്ദുളളയാണ് ഫൈനലിലെ മികച്ച താരം. ടൂർണമെന്റിലെ മികച്ച ബാറ്റ്സ്മാൻ ആയി AMC-യുടെ നവീൻ പോളും, മികച്ചബൗളർ ആയി WCF-ലെ മണിയും തിരഞ്ഞെടുക്കപ്പെട്ടു.
കോൺഫിഡന്റ് ട്രാവൽസ്, ബിക്കാനോ സെവൻ സീസ് വെജിറ്റബ്ൾസ്, പ്യൂവർ ദോശ ബാറ്റേഴ്സ് , ടൈലക്സ്, റിക്രൂട്ട്നെറ്റ്, സ്പൈസ് ബസാർ, റോയൽ കാറ്റെർസ് തുടങ്ങിയ സ്ഥാപനങ്ങളുടെ സഹകരണത്തോടെ നടത്തപ്പെട്ട ടൂർണമെന്റ് വൻവിജയമാക്കി മാറ്റിയ എല്ലാ നല്ലവരായ ക്രിക്കറ്റ് പ്രേമികൾക്കും നന്ദി അറിയിക്കുന്നതായി സംഘാടകരായ ലൂക്കൻ കോൺഫിഡന്റ് ക്രിക്കറ്റേഴ്സ് അറിയിച്ചു.
