കൗണ്ടി മീത്തില്‍ 400 പേര്‍ക്ക് ജോലി നല്‍കാന്‍ രാജ്യത്തെ പ്രമുഖ ലോജിസ്റ്റിക്‌സ് കമ്പനിയായ Primeline Distribution. Ashbourne-ലെ Croke Park-ല്‍ 50 മില്യണ്‍ യൂറോ ചെലവിട്ട് നിര്‍മ്മിക്കുന്ന കേന്ദ്രത്തിലാണ് നൂറുകണക്കിന് പേര്‍ക്ക് ജോലി നല്‍കുക. വിവിധ തസ്തികകളില്‍ ഇവിടെ ജോലി ഒഴിവുകൾ ഉണ്ടാകും. ഇതോടെ രാജ്യത്ത് കമ്പനിക്കായി ജോലി ചെയ്യുന്നവരുടെ എണ്ണം 1,500-ല്‍ അധികമാകും.
അയര്‍ലണ്ടിലെ 7,500 സ്ഥാപനങ്ങളിലായി 25,000 ഡെലിവറികളാണ് ഓരോ ആഴ്ചയും Primeline Distribution നടത്തിവരുന്നത്.
Ashbourne-നും പുറത്തും വലിയ വളര്‍ച്ചയ്ക്ക് പുതിയ തീരുമാനം കാരണമാകുമെന്ന് വാര്‍ത്ത സ്വാഗതം ചെയ്തുകൊണ്ട് വാണിജ്യ, തൊഴില്‍ വകുപ്പ് മന്ത്രി Peter Burke പറഞ്ഞു.
