യു.കെയിലെ University of Manchester-ന്റെ ഹോണററി ഡോക്ടറേറ്റ് ഐറിഷ് പ്രസിഡന്റ് മൈക്കല്‍ ഡി. ഹിഗ്ഗിന്‍സ് ഇന്ന് ഏറ്റുവാങ്ങും. സാഹിത്യം, പൊതുജീവനം എന്നിവയ്ക്ക് ഹിഗ്ഗിന്‍സ് നല്‍കിയ സംഭാവനകള്‍ കണക്കിലെടുത്താണ് അദ്ദേഹത്തിന് Honorary Doctorate of Letters honoris causa (excellence in the arts) നല്‍കി ആദരിക്കുന്നത്. University of Manchester ചാന്‍സലറായ നസീര്‍ അഫ്‌സല്‍ ആണ് ഡോക്ടറേറ്റ് സമ്മാനിക്കുക.
ചടങ്ങില്‍ പങ്കെടുക്കാനായി പ്രസഡന്റ് ഹിഗ്ഗിന്‍സ് ഇന്ന് രാവിലെ മാഞ്ചസ്റ്ററിലേയ്ക്ക് പുറപ്പെട്ടു. ഒപ്പം അടുത്ത അഞ്ച് വര്‍ഷം യൂണിവേഴ്‌സിറ്റിയില്‍ പാഠ്യവിഷയമാക്കുന്ന John Kennedy lecture series എന്ന ലെക്ചര്‍ സീരിസിലെ ആദ്യ ലെക്ചറും ഹിഗ്ഗിന്‍സ് നാളെ നല്‍കും.
ഈ വര്‍ഷം മറ്റ് ഏതാനും അവാര്‍ഡ് സ്വീകരണങ്ങള്‍ കൂടി പ്രസിഡന്റ് ഹിഗ്ഗിന്‍സിന് ഉണ്ട്. ജൂണില്‍ യുനൈറ്റഡ് നേഷന്‍സിന്റെ Food and Agriculture Organisation നല്‍കുന്ന Agricola Medal-ഉം ഹിഗ്ഗിന്‍സ് ഏറ്റുവാങ്ങും.
