പല ജനപ്രിയ ഹെല്‍ത്ത് ഇന്‍ഷുറന്‍സ് പ്ലാനുകളും നിര്‍ത്തലാക്കുന്നതായി പ്രഖ്യാപിച്ച് അയര്‍ലണ്ടിലെ പ്രമുഖ ഇന്‍ഷുറന്‍സ് സ്ഥാപനമായ VHI. ചെലവേറിയ പല ഹെല്‍ത്ത് പ്ലാനുകളുമാണ് നിര്‍ത്തലാക്കാന്‍ കമ്പനി തീരുമാനിച്ചിരിക്കുന്നത്.
പുതിയ വരിക്കാര്‍ക്ക് Health Plus Extra plan (€3,400 per adult), Health Plus Access (€2,574 per adult), Health Plus Excess (€2,471 per adult), Health Access (€2,276 per adult) എന്നിവ ഇനിമുതല്‍ ലഭ്യമാകില്ല. നിലവിലെ ഉപഭോക്താക്കള്‍ക്ക് മെയ് 1 മുതല്‍ ഇവ പുതുക്കാന്‍ സാധിക്കുകയുമില്ല.
വര്‍ഷങ്ങളായി ഈ പ്ലാനുകളില്‍ തുടരുന്ന ഒന്നര ലക്ഷത്തോളം ഉപഭോക്താക്കളെയാണ് പുതിയ തീരുമാനം ബാധിക്കുക. ഇവര്‍ പകരം പ്ലാനുകള്‍ തേടാന്‍ നിര്‍ബന്ധിതരാകും.
രാജ്യത്ത് 1.1 മില്യണ്‍ ഉപഭോക്താക്കളുള്ള ഏറ്റവും വലിയ ഹെല്‍ത്ത് ഇന്‍ഷുറന്‍സ് കമ്പനിയാണ് VHI.
