കോട്ടയം ജില്ലയിലെ മണർകാട് ദേശത്തു നിന്നും അയർലണ്ടിലെത്തിയവരും, നോർത്തേൺ അയർലണ്ടിലെ ബെൽഫാസ്റ്റ് ഏരിയയിലുള്ള അംഗങ്ങളും ഉൾപ്പെടുന്ന ‘മണർകാട് മക്കൾ അയർലണ്ട്’ എന്ന കൂട്ടായ്മയുടെ കുടുംബ സംഗമവും, ക്രിസ്മസ് – ന്യൂ ഇയർ ആഘോഷങ്ങളും 2024 ജനുവരി മാസം 27- ന് ഡബ്ലിനിലെ Malahide റോഡിൽ ഉള്ള സെന്റ് വിൻസെന്റ് GAA ക്ലബ്ബിൽ വച്ച് നടത്തപ്പെട്ടു.
കൂട്ടായ്മയുടെ പ്രസിഡന്റും, ഡബ്ലിൻ St.Gregorios യാക്കോബായ ഇടവക സഹവികാരിയുമായ ഫാ: ജിനു കുരുവിള അധ്യക്ഷത വഹിച്ചു. സെക്രട്ടറി സാജു തടത്തിമാക്കൽ, പ്രോഗ്രാം കോർഡിനേറ്റർ അനിത ബെനറ്റ് എന്നിവർ ആശംസകൾ നേർന്നു സംസാരിച്ചു.
നിരവധി കുടുംബങ്ങൾ പങ്കെടുത്ത പരിപാടിയിൽ വിവിധ കലാ പരിപാടികൾ, അയർലണ്ടിലെ പ്രശസ്ത മ്യൂസിക്കൽ ബാൻഡ് ആയ Soul Beats Drogeda- യുടെ ഗാനമേള എന്നിവയും നടത്തപ്പെട്ടു.
