യൂറോപ്പിലെ ഏറ്റവും മികച്ച ജീവിത സൗകര്യമുള്ള രാജ്യമായി അയർലണ്ട്!

യൂറോപ്പിലെ ഏറ്റവും മികച്ച ജീവിതസൗകര്യങ്ങളുള്ള രാജ്യമായി അയര്‍ലണ്ട്. ലൈഫ്‌സ്റ്റൈല്‍ മാഗസിനായ Dailybase ആണ് പട്ടിക തയ്യാറാക്കിയത്.

തൊഴിലില്ലായ്മാ നിരക്ക്, ആരോഗ്യരംഗത്തെ സേവനം, ജീവിതച്ചെലവ്, ശമ്പളം മുതലായ 12 ഘടകങ്ങളാണ് പട്ടിക തയ്യാറാക്കുന്നതിനായി പരിഗണിച്ചത്.

പട്ടികയില്‍ 100-ല്‍ 73.72 പോയിന്റ് നേടിയാണ് അയര്‍ലണ്ട് ഒന്നാം സ്ഥാനത്തെത്തിയത്. 2022-ല്‍ 11.97 വളര്‍ച്ച നേടിയ ജിഡിപി, അയര്‍ലണ്ടിനെ മുന്നിലെത്തിക്കുന്നതില്‍ പ്രധാന പങ്കുവഹിച്ചു. യൂറോപ്പിലെ ശരാശരിയെ അപേക്ഷിച്ച് 354% അധികമാണിത്. ഒപ്പം രാജ്യത്തെ വിവാഹമോചനങ്ങള്‍ 1,000-ല്‍ 0.6 മാത്രമാണെന്നതും കൂടുതല്‍ പോയിന്റുകള്‍ ലഭിക്കാന്‍ സഹായിച്ചു.

69.25 പോയിന്റോടെ നോര്‍വേയാണ് രണ്ടാം സ്ഥാനത്ത്. സാക്ഷരതയില്‍ 100%, 83 വയസ് ശരാശരി ആയുര്‍ദൈര്‍ഘ്യം എന്നിവ നോര്‍വേയെ രണ്ടാമതെത്താന്‍ സഹായിച്ചു.

പട്ടികയില്‍ നെതര്‍ലണ്ട്‌സ് 68.76 പോയിന്റോടെ മൂന്നാം സ്ഥാനം കരസ്ഥമാക്കി. വളരെ കുറഞ്ഞ തൊഴിലില്ലായ്മാ നിരക്ക് (3.7%), 55.6% ജനങ്ങളും ടെറിറ്ററി വിദ്യാഭ്യാസം പൂര്‍ത്തിയാക്കിയത് എന്നിവയാണ് നെതര്‍ലണ്ട്‌സിന്റെ പ്രധാന നേട്ടങ്ങള്‍.

മാസം 4,670 യൂറോ ശമ്പളം ലഭിക്കുന്ന ലക്‌സംബര്‍ഗ് ആണ് പട്ടികയില്‍ നാലാം സ്ഥാനത്ത്. ഒപ്പം 100% സാക്ഷരത, 82 വയസ് ശരാശരി ആയുര്‍ദൈര്‍ഘ്യം എന്നിവയുമുണ്ട്. 67.9 പോയിന്റാണ് ലക്‌സംബര്‍ഗിന് ലഭിച്ചത്.

67.73 പോയിന്റോടെ യു.കെയാണ് അഞ്ചാം സ്ഥാനത്ത്. ജനങ്ങളില്‍ 57.47% പേരും ടെറിറ്ററി വിദ്യാഭ്യാസം പൂര്‍ത്തിയാക്കിയതാണ് രാജ്യത്തിന്റെ പ്രധാന നേട്ടം.