അയര്‍ലണ്ടില്‍ അതിശക്തമായ കാറ്റോടുകൂടിയ മഴ ഈയാഴ്ചയും തുടരുമെന്ന് കാലാവസ്ഥാ നിരീക്ഷണവകുപ്പ്. ഇതെത്തുടര്‍ന്ന് ഇന്ന് രാത്രി 11 മണിമുതല്‍ നാളെ ഉച്ചയ്ക്ക് 1 മണിവരെ രാജ്യമെങ്ങും കാലാവസ്ഥാ മുന്നറിയിപ്പും നല്‍കിയിട്ടുണ്ട്.
ഇന്ന് രാത്രി ശക്തമായ മഴ കാരണം ഇന്ന് പലയിടത്തും പ്രാദേശികമായി വെള്ളപ്പൊക്കമുണ്ടാകാന്‍ സാധ്യതയുണ്ട്. ചിലയിടങ്ങളില്‍ 40 മില്ലിമീറ്ററിലധികം മഴ പെയ്‌തേക്കും. റോഡ് യാത്ര ദുഷ്‌കരമാകുന്നതിനൊപ്പം മരങ്ങള്‍ കടപുഴകി അപകടങ്ങളുണ്ടാകാനുള്ള സാധ്യതയും കണക്കിലെടുക്കണം.
