ഗോള്‍വേ ഇന്ത്യന്‍ കള്‍ച്ചറല്‍ കമ്മ്യൂണിറ്റിയുടെ നേതൃത്വത്തില്‍ ഗോള്‍വേ കാസില്‍ഗാര്‍ GAA ക്ലബ്ബില്‍ വച്ച് സംഘടിപ്പിച്ച മൂന്നാമത് ഇന്‍സ്പിരേഷന്‍ മത്സരത്തിലെ വിജയികളെ പ്രഖ്യാപിച്ചു. അഞ്ചു വിഭാഗങ്ങളായി നടത്തപ്പെട്ട കളറിംഗ്, പെയിന്റിംഗ്, ഡ്രോയിങ്ങ് മത്സരങ്ങളില്‍ അന്‍പതില്‍ അധികം കുട്ടികള്‍ പങ്കെടുത്തിരുന്നു.
അന്നേ ദിവസം തന്നെ കുട്ടികള്‍ക്കായി വിവിധ വിഷയങ്ങളെ ആസ്പദമാക്കി വിജ്ഞാനപ്രദമായ ക്വിസ് മത്സരവും നടത്തപ്പെട്ടിരുന്നു. പങ്കെടുത്ത എല്ലാ കുട്ടികള്‍ക്കും അവരുടെ മാതാപിതാക്കള്‍ക്കും നന്ദി അറിയിക്കുന്നതിനോടൊപ്പം തുടര്‍ന്നും കുട്ടികളെ പ്രോത്സാഹിപ്പിക്കുന്നതിനായി GICC നടത്തുന്ന സംരംഭങ്ങളില്‍ കുട്ടികളെ പങ്കെടുപ്പിക്കണമെന്ന് അഭ്യര്‍ത്ഥിക്കുന്നതായും സംഘാടകര്‍ പറഞ്ഞു.
വിജയികള്‍ക്കുള്ള സമ്മാനങ്ങള്‍ ഓഗസ്റ്റ് 26-ന് ഗോള്‍വേ ലിഷര്‍ലാന്‍ഡില്‍ വച്ച് നടത്തപ്പെടുന്ന ‘തിരുവോണം ’23’ എന്ന ഓണാഘോഷത്തില്‍ വച്ച് വിതരണം ചെയ്യപ്പെടുന്നതാണ്. ഓണാഘോഷം രാവിലെ 10.30 മുതല്‍ കുട്ടികള്‍ക്കും മുതിര്‍ന്നവര്‍ക്കുമുള്ള വിവിധ മത്സരങ്ങളോടുകൂടി ആരംഭിക്കുന്നതാണ്. തഥവസരത്തിലേയ്ക്ക് എല്ലാ വിജയികളെയും സ്വാഗതം ചെയ്യുന്നതായും GICC അറിയിച്ചു.
Email: indiansingalway@gmail.com
follow us on:
www.facebook.com/indiansingalway
Instagram : galwayindians_gicc
