പ്രതീക്ഷകളുടെ പൂവിളികളുമായാണ് ഓരോ ഓണവും മലയാളികളെ തേടി വരുന്നത്. മലയാളത്തിന്റെ പുതുവര്‍ഷമായും, കാര്‍ഷിക ഉത്സവങ്ങളുടെ ആഘോഷമായും പൊന്നിന്‍ ചിങ്ങത്തെ കരുതി വരുന്നു. പരിധികളില്ലാത്ത സന്തോഷവും, അതിരുകളില്ലാത്ത ആഘോഷവും ഓണക്കാലത്തിന്റെ പ്രത്യേകതകളാണ്.
കാവന്‍ ഇന്ത്യന്‍ അസോസിയേഷന്റെ അഭിമുഖ്യത്തില്‍ ഈ വര്‍ഷത്തെ ഓണാഘോഷ പരിപാടികള്‍ ഓഗസ്റ്റ് 18 വെള്ളിയാഴ്ച ബാലിഹെസ് കമ്മ്യൂണിറ്റി ഹാളില്‍ വച്ച് രാവിലെ ഒമ്പത് മണിമുതല്‍ വൈകിട്ട് 6 മണിവരെ നടത്തപ്പെടുന്നു. ഓണാഘോഷത്തിന് മികവേറുവാന്‍ കള്‍ച്ചറല്‍ പ്രോഗ്രാമുകള്‍, തിരുവാതിര കളി, പുലികളി, അത്തപ്പൂക്കള മത്സരം, പായസമേള, വടംവലി മത്സരം, എന്നിവയും ഉണ്ടാകും. എല്ലാ നല്ലവരായ ജനങ്ങളെയും ഓണാഘോഷ പരിപാടികള്‍ക്കായി സ്വാഗതം ചൈയ്യുന്നതായി സംഘാടകര്‍ പറഞ്ഞു.
കൂടുതല്‍ വിശദാംശങ്ങള്‍ക്ക് കമ്മിറ്റി അംഗങ്ങളുമായി ബന്ധപ്പെടണമെന്ന് അസോസിയേഷന്‍ ഭാരവാഹികള്‍ അറിയിച്ചു:
ബിനു- 089 202 2786
വിശ്വന്‍- 089 950 7268
ഷിജോ- 089 494 4954
