വ്യാജ ബോംബ് ഭീഷണിയെത്തുടര്‍ന്ന് ഡബ്ലിനിലെ ഏതാനും സര്‍ക്കാര്‍ കെട്ടിടങ്ങള്‍ ഒഴിപ്പിച്ചു. വെള്ളിയാഴ്ച ഉച്ചയോടെയാണ് തലസ്ഥാനനഗരിയിലെ Labour Court, Workplace Relations Commission Office, Department of Enterprise, Department of Justice എന്നിവിടങ്ങളില്‍ ബോംബ് വച്ചിട്ടുണ്ടെന്ന് ഭീഷണി സന്ദേശം ലഭിച്ചത്.
ഫോണ്‍ വഴി ഭീഷണിയെത്തിയതിനെത്തുടര്‍ന്ന് 1.45-ഓടെ ഓഫിസുകളിലെ ജീവനക്കാര്‍ ഇടപെട്ട് എല്ലാവരെയും കെട്ടിടങ്ങളില്‍ നിന്നും ഒഴിപ്പിച്ചു.
തുടര്‍ന്ന് ഗാര്‍ഡ നടത്തിയ അന്വേഷണത്തില്‍ ഭീഷണി വ്യാജമാണെന്ന് വ്യക്തമാകുകയായിരുന്നു.
ഭീഷണിയെത്തുടര്‍ന്ന് വെള്ളിയാഴ്ച ഉച്ചയ്ക്ക് ശേഷം ലേബര്‍ കോര്‍ട്ടില്‍ വാദിക്കാനിരുന്ന കേസുകള്‍ മാറ്റിവച്ചിരുന്നു.
