ഡബ്ലിനില്‍ യുവാവിനെ ആയുധമുപയോഗിച്ച് കുത്തി പരിക്കേല്‍പ്പിച്ചതിന് സ്ത്രീ അറസ്റ്റില്‍. ഡബ്ലിനില്‍ നഗരത്തിലെ Ormond Quay- ഇന്ന് രാവിലെയാണ് സംഭവം.
30-ലേറെ പ്രായമുള്ള യുവാവും യുവതിയും തമ്മില്‍ വാക്കേറ്റമുണ്ടാകുകയും, തുടര്‍ന്ന് യുവതി പലതവണ യുവാവിനെ ആയുധമുപയോഗിച്ച് കുത്തുകയുമായിരുന്നുവെന്ന് ഗാര്‍ഡ വക്താവ് പറഞ്ഞു. 9.30-ഓടെ ഗാര്‍ഡ സ്ഥലത്തെത്തി ഇയാളെ ആംബുലന്‍സില്‍ ആശുപത്രിയിലേയ്ക്ക് മാറ്റി.
ഇയാളുടെ പരിക്കുകള്‍ ഗുരുതരമാണെങ്കിലും ജീവന് ഭീഷണിയില്ല.
സംഭവം നടന്നതിന് കുറച്ചകലെ നിന്നാണ് ഗാര്‍ഡ സ്ത്രീയെ അറസ്റ്റ് ചെയ്തത്. ഇവരെ നോര്‍ത്ത് സെന്‍ട്രല്‍ ഡിവിഷന്‍ ഗാര്‍ഡ സ്‌റ്റേഷനിലെത്തിച്ചിരിക്കുകയാണ്. സംഭവത്തില്‍ കൂടുതല്‍ അന്വേഷണം നടക്കും.
