സംശയകരമായ ഉപകരണം കണ്ടെത്തിയതിനെത്തുടര്‍ന്ന് കോര്‍ക്ക് നഗരത്തിലെ Mayfield-ല്‍ ഏതാനും വീട്ടുകാരെ ഒഴിപ്പിച്ചു. ചൊവ്വാഴ്ച വൈകിട്ട് 8 മണിയോടെയാണ് Old Youghal Road-ലെ ജനവാസ പ്രദേശത്ത് സംശയാസ്പദമായ ഒരു ഉപകരണം കണ്ടെത്തിയതനെത്തുടര്‍ന്ന് നാട്ടുകാര്‍ ഗാര്‍ഡയെ വിവരമറിയിച്ചത്.
സംഭവസ്ഥലത്തെത്തിയ ഗാര്‍ഡ പ്രദേശത്ത് പ്രതിരോധവലയം തീര്‍ക്കുകയും,സുരക്ഷയുടെ ഭാഗമായി സമീപത്തെ വീടുകളിലെ ജനങ്ങളെ ഒഴിപ്പിക്കുകയും ചെയ്തു. വൈകാതെ തന്നെ Army Explosive Ordinance Disposal Unit-ഉം സംഭവസ്ഥലത്തെത്തി.
ഉപകരണം പരിശോധിച്ച വിദഗ്ദ്ധര്‍, അപകടമില്ലെന്ന് അറിയിച്ചതോടെ നാട്ടുകാര്‍ക്ക് തിരികെ വീടുകളിലെത്താന്‍ ഗാര്‍ഡ അനുമതി നല്‍കി.
അതേസമയം ഉപകരണം എന്താണെന്നും മറ്റുമുള്ള വിവരങ്ങളൊന്നും ലഭ്യമല്ല. ഈ സംഭവവും, കഴിഞ്ഞയിടെ നഗരത്തിലെ വടക്കന്‍ പ്രദേശത്ത് നടന്ന ആക്രമണസംഭവങ്ങളും തമ്മില്‍ ബന്ധമുണ്ടോ എന്ന് ഗാര്‍ഡ അന്വേഷിച്ചുവരികയാണ്.
