ഡബ്ലിനില്‍ നിന്നും കാനഡയിലെ ടൊറന്റോയിലേയ്ക്ക് നോണ്‍ സ്റ്റോപ്പ് വിമാനസര്‍വ്വീസുമായി WestJet. 2022 മേയ് 15 മുതല്‍ സര്‍വീസുകള്‍ ആരംഭിക്കുമെന്നാണ് കമ്പനി അറിയിച്ചിരിക്കുന്നത്.
മെയ് 15 മുതല്‍ ആദ്യഘട്ടത്തില്‍ ആഴ്ചയില്‍ നാല് സര്‍വീസുകളാണ് ഉണ്ടാകുക. ജൂണ്‍ 2 മുതല്‍ ഇത് ദിവസേനയുള്ള സര്‍വീസുകളാക്കി മാറ്റും.
നീക്കം ഇരു രാജ്യങ്ങളും തമ്മിലുള്ള വാണിജ്യ- വിനോദ ബന്ധങ്ങള്‍ വര്‍ദ്ധിപ്പിക്കുമെന്നാണ് പ്രതീക്ഷയെന്ന് WestJet ചാഫ് കൊമേഴ്ഷ്യല്‍ ഓഫിസര്‍ John Weatherill പറഞ്ഞു.
പ്രഖ്യാപനത്തെ ഡബ്ലിന്‍ എയര്‍പോര്‍ട്ട് അധികൃതരും സ്വാഗതം ചെയ്തു.
നിലവില്‍ കാനഡയിലെ Halifax, Calgary എന്നീ എയര്‍പോര്‍ട്ടുകളിലേയ്ക്ക് ഡബ്ലിനില്‍ നിന്നും WestJet സര്‍വീസ് നടത്തിവരുന്നുണ്ട്.
