ഡെറി: വടക്കന്‍ അയര്‍ലണ്ടിലെ ഡെറിയില്‍ മലയാളി നേഴ്സ് ആയി സേവനമനുഷ്ഠിച്ചിരുന്ന റോസ് ആന്റണി (49) നിര്യാതയായി. ഡെറിയില്‍ അല്‍ത്താനെഗേവ് ആശുപത്രിയില്‍ നേഴ്സ് ആയിരുന്ന ഇവര്‍ വളരെ നാളുകളായി അര്‍ബുദത്തെ തുടര്‍ന്ന് ചികിത്സയിലായിരുന്നു. പ്രാര്‍ത്ഥനാ ശുശ്രൂഷ ഇന്ന് ഉച്ചതിരിഞ്ഞ് ഒരു മണി മുതല്‍ ഫോല്‍ Hospice Chapel-ല്‍ നടക്കും.
ചങ്ങനാശ്ശേരി സ്വദേശിയായ റോസും കുടുംബവും പത്തുവര്‍ഷത്തോളമായി ഡെറിയിലാണ് താമസം. വരുന്ന ഞായറാഴ്ച 50 ആം ജന്മദിനം കടന്നുവരുന്നതിനിടെ മരണം കീഴടക്കിയത് പ്രീയപ്പെട്ടവരെ കണ്ണീരിലാഴ്ത്തി. ഡെറിയില്‍ 22 ഷെപ്പേര്‍ഡ്സ് ഗ്രോയില്‍ ആന്റണി വര്‍ഗ്ഗീസ് ആണ് ഭര്‍ത്താവ്. മക്കള്‍ അനു ആന്റണി, റയാന്‍ ആന്റണി എന്നിവരാണ്.
ഡികെ
