കോര്ക്ക് :സീറോ മലബാര് സഭയുടെ ആഭിമുഖ്യത്തില് കോര്ക്കില് പിറവിത്തിരുനാളിനുള്ള ഒരുക്കങ്ങള് ആരംഭിച്ചു.ഡിസംബര് 24 ന് വൈകിട്ട് 5 മണിയ്ക്ക് വില്ട്ടണ് സെന്റ് ജോസഫ്സ് പള്ളിയില് കോര്ക്കിലെ വിശ്വാസിസമൂഹം തിരുപ്പിറവിയുടെ അനുസ്മരാണാഘോഷത്തിനായി ഒത്തുചേരും.സീറോമലബാര് സഭയുടെ രണ്ടാമത്തെ കൂദാശാക്രമത്തിലുള്ള മാര് തെയ്യഡോറിന്റെ ക്രമമനുസരിചച്ചുള്ള പരിശുദ്ധ കുര്ബാനയ്ക്കും ,തിരുപിറവിയുടെ ശുശ്രൂഷകള്ക്കും,സീറോ മലബാര് സഭാ ചാപ്ല്യന് ഫാ.ഫ്രാന്സിസ് നീലങ്കാവില് മുഖ്യ കാര്മികത്വം വഹിക്കും.നാല് മണി മുതല് കുമ്പസാരത്തിനുള്ള സൗകര്യം ഉണ്ടായിരിക്കുന്നതാണ്. തിരുക്കര്മ്മങ്ങള്ക്ക് ശേഷം കോര്ക്കിലെ ജീസസ് യൂത്ത് ടീം ഒരുക്കുന്ന കരോള് ഗാനാലാപനവും ഉണ്ടായിരിക്കുന്നതാണ്.