സാന്‍ഫ്രാന്‍സിസ്‌കോ: പ്രമുഖ സമൂഹമാധ്യമമായ ട്വിറ്ററിന്റെ നേതൃനിരയിലേക്ക് ഇന്ത്യന്‍ വംശജനായ ശ്രീറാം കൃഷ്ണന്‍ എത്തുന്നു. ഫെയ്‌സ്ബുക്കിന്റെയും ആമസോണിന്റെയും മുതിര്‍ന്ന എക്‌സിക്യൂട്ടീവ് ആയിരുന്ന ശ്രീറാം ട്വിറ്ററിന്റെ പ്രൊഡക്ട് വിഭാഗത്തിന്റെ പുതിയ സീനിയര്‍ ഡയറക്ടറായാണ് ചുമതലയേല്‍ക്കുന്നത്. പ്രൊഡക്ട് വിഭാഗത്തിന്റെ വൈസ് പ്രസിഡന്റ് കീത്ത് കോള്‍മാന്റെ കീഴിലാണ് ശ്രീറാം ഇനി പ്രവര്‍ത്തിക്കുന്നത്.
ഞാന്‍ ട്വിറ്ററിന്റെ ഭാഗമാകാന്‍ പോകുന്നുവെന്നാണ് ഇദ്ദേഹം ട്വിറ്ററില്‍ കുറിച്ചത്. ആഡ് ടെക്‌നോളജിയില്‍ മികച്ച പ്രാഗത്ഭ്യം തെളിയിച്ച വ്യക്തിയാണ് ശ്രീറാം കൃഷ്ണന്‍. ഫെയ്‌സ്ബുക്കിന്റെ പരസ്യ വിഭാഗം കെട്ടിപൊക്കുന്നതില്‍ നിര്‍ണായക പങ്കുവഹിച്ച വ്യക്തിയാണ് ശ്രീറാം. 2016 ഫെബ്രുവരിയാണ് ഫെയ്‌സ്ബുക്കില്‍ നിന്നും ഇദ്ദേഹം സ്ഥാനമൊഴിഞ്ഞത്.
ഡി കെ
