ഡബ്ലിന്‍: അയര്‍ലന്‍ഡ് തണുത്തുവിറയ്ക്കുകയാണ്. ഈ ആഴ്ചയും പൊതുവെ കഠിനമായ തണുപ്പായിരിക്കും അനുഭവപ്പെടുകയെന്ന് മെറ്റ് ഐറിന്‍ അറിയിച്ചു. അള്‍സ്റ്ററിലും കൊനാട്ടിലും ഇന്ന് തണുപ്പ് ശക്തമാകും. ഒപ്പം മഴയും അനുഭവപ്പെടും. ഉച്ചയ്ക്ക് ശേഷം 6 മുതല്‍ 9 ഡിഗ്രി സെല്‍ഷ്യസിന് ഇടയ്ക്കുള്ള താപനിലയായിരിക്കും രേഖപ്പെടുത്തുക.
രാത്രിയോടു കൂടി കൊടുംതണുപ്പായിരിക്കും അനുഭവപ്പെടുക. മൈനസ് നാല് ഡിഗ്രി സെല്‍ഷ്യസായിരിക്കും താപനില.
നാളെ തണുത്തുറഞ്ഞ കാലാവസ്ഥാ തന്നെയായിരിക്കും. മൂടല്‍ മഞ്ഞും അനുഭവപ്പെടും. ഇടയ്ക്കിടക്ക് മഴയുമുണ്ടായേക്കാമെന്നും മെറ്റ് ഐറിന്‍ അറിയിച്ചു. വരും ദിവസങ്ങളിലും തണുപ്പു തുടരും.
