Wednesday, June 20, 2018
Latest News
തലസ്ഥാന നഗരിയില്‍ അനധികൃത മാലിന്യ നിക്ഷേപം വര്‍ദ്ധിക്കുന്നു    ലയണല്‍ മെസ്സിയെ മൈതാനത്ത് വച്ച് കൊലപ്പെടുത്തുന്ന പോസ്റ്ററുകളുമായി ഇസ്ലാമിക് സ്റ്റേറ്റ്; ലോകകപ്പ് ഫുട്ബോള്‍ സ്റ്റേഡിയങ്ങള്‍ തകര്‍ക്കുമെന്ന് ഭീഷണി    കരിപ്പൂര്‍ അന്താരാഷ്ട്ര വിമാനത്താവളത്തെ തരം താഴ്ത്താനുളള നീക്കം താത്കാലികമായി മരവിപ്പിച്ചു; നടപടിക്കെതിരെ പ്രവാസികള്‍ പ്രതിഷേധത്തില്‍    അണ്വായുധങ്ങള്‍ കൂടുതല്‍ പാകിസ്താന്; പ്രത്യാക്രമണ ശേഷിയില്‍ ഇന്ത്യ മുന്നില്‍; പീസ് റിസര്‍ച്ച് ഇന്‍സ്റ്റിറ്റ്യൂട്ടിന്റെ റിപ്പോര്‍ട്ട്    യുഎസില്‍ മലയാളി യുവാവിന്റെ മരണത്തില്‍ യുഎസ് പൗരന്‍ കുറ്റക്കാരനാണെന്ന് കോടതി; നിയമ യുദ്ധങ്ങള്‍ക്കൊടുവില്‍ നേടിയ വിധി   

സിനിയുടെ മൃതദേഹം നാട്ടിലേയ്ക്ക്; കണ്ണീരോടെ വിടയേകി അയര്‍ലണ്ട് മലയാളികള്‍

Updated on 16-04-2018 at 11:05 am

കോര്‍ക്കില്‍ വാഹനാപകടത്തില്‍ മരണമടഞ്ഞ മലയാളി നഴ്‌സ് സിനി ചാക്കോയുടെ (27) മൃതദേഹം ഇന്ന് എംബസി നടപടികള്‍ പൂര്‍ത്തിയാക്കി വിട്ടുകിട്ടിയേക്കും. ഈ ആഴ്ച അവസാനത്തോടെ മൃതദേഹം നാട്ടിലെത്തിക്കാനാവുമെന്ന പ്രതീക്ഷയിലാണു ബന്ധുക്കള്‍. ഇപ്പോള്‍ അയര്‍ലന്‍ഡിലുള്ള മാതാപിതാക്കളും സഹോദരനും ബുധനാഴ്ചയോടെ നാട്ടിലെത്തും. വ്യാഴാഴ്ച സിനിയുടെ മൃതദേഹം നാട്ടിലെത്തിക്കാമെന്ന പ്രതീക്ഷയിലാണു ബന്ധുക്കള്‍. സംസ്‌കാരം കുറിച്ചി സെന്റ് പീറ്റേഴ്‌സ് ആന്‍ഡ് സെന്റ് പോള്‍സ് ഓര്‍ത്തഡോക്‌സ് വലിയ പള്ളിയിലാണു നടക്കുക. സംസ്‌കാര സമയം ഇനിയും നിശ്ചയിച്ചിട്ടില്ല.

സിനിയുടെ ഭൗതികശരീരം സ്വദേശത്തേക്കു കൊണ്ടുവരുന്നതിനു മുന്നോടിയായുള്ള പ്രാര്‍ഥനാ കര്‍മ്മങ്ങള്‍ കോര്‍ക്കില്‍ നടന്നു.  സിനിക്ക് മലയാളി സമൂഹം പ്രാര്‍ഥനയിലൂടെ യാത്രാമൊഴി നല്‍കിയിരുന്നു. ഒട്ടേറെ വൈദികരും സിനിയുടെ കുടുംബാംഗങ്ങളും സുഹൃത്തുക്കളും ചടങ്ങുകളില്‍ പങ്കെടുത്തു.

രണ്ടു ദിവസങ്ങളിലായി പൊതുദര്‍ശനത്തിനുവച്ച മൃതദേഹത്തില്‍ അന്തിമോപചാരം അര്‍പ്പിക്കാനായി നൂറുകണക്കിന് മലയാളികളാണ് എത്തിയത്. സിനിയ്ക്ക് വേണ്ടി കോര്‍ക്ക് യൂണിവേഴ്‌സിറ്റി ചാപ്പലില്‍ വിശുദ്ധ കുര്‍ബാനയും പ്രാര്‍ത്ഥനാശുശ്രൂഷകളും നടത്തുകയും കൂദാശകള്‍ നല്‍കുകയും ചെയ്തിരുന്നു.

മാര്‍ച്ച് 14നു രാത്രി ജോലി കഴിഞ്ഞു സമീപത്തെ താമസ സ്ഥലത്തേക്കു നടന്നു പോകുന്നതിനിടെയാണ് അപകടം ഉണ്ടായത്. ഒരു മാസത്തോളം വെന്റിലേറ്ററിലായിരുന്ന സിനി കഴിഞ്ഞ വ്യാഴാഴ്ചയാണു മരിച്ചത്. ആറു മാസം മുന്‍പാണ് ഡല്‍ഹി ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സില്‍ സ്റ്റാഫ് നഴ്‌സായിരുന്ന സിനി അയര്‍ലന്‍ഡില്‍ എത്തിയത്. കുറിച്ചി കൊച്ചില്ലത്തായ വട്ടംചിറയില്‍ പി.സി. ചാക്കോയുടെയും ലിസി ചാക്കോയുടെയും മകളാണ് സിനി.

comments


 

Other news in this section