Sunday, September 15, 2019

സിദ്ധാര്‍ഥ് ഭരതന്റെ ആരോഗ്യനിലയില്‍ മാറ്റമില്ല

Updated on 14-09-2015 at 12:00 pm

കൊച്ചി: വാഹനാപകടത്തില്‍ പരിക്കേറ്റ് ചികിത്സയിലുള്ള ചലച്ചിത്ര സംവിധായകനും നടനുമായ സിദ്ധാര്‍ഥ് ഭരതന്റെ ആരോഗ്യനില മാറ്റമില്ലാതെ തുടരുന്നു. മസ്തിഷ്‌കത്തിലെ രക്തസ്രാവം കുറഞ്ഞിട്ടുണ്ടെങ്കിലും രാവിലെ ഡോക്ടര്‍മാരുടെ പരിശോധനയ്ക്കു ശേഷമെ എന്തെങ്കിലും പറയാനാകുകയുള്ളെന്ന് അശുപത്രി അധികൃതര്‍ അറിയിച്ചു. സിദ്ധാര്‍ഥ് ഇപ്പോഴും വെന്റിലേറ്ററിലാണുള്ളത്.

ശനിയാഴ്ച പുലര്‍ച്ചെ രണ്ടോടെ തൃപ്പൂണിത്തുറ തൈക്കൂടം ജംഗ്ഷനിലുണ്ടായ അപകടത്തിലാണ് സിദ്ധാര്‍ഥിനു പരിക്കേറ്റത്. സിദ്ധാര്‍ഥ് ഓടിച്ച കാര്‍ മതിലിലേക്ക് ഇടിച്ചുകയറുകയായിരുന്നു. തലയ്ക്ക് ഗുരുതര പരിക്കേറ്റ സിദ്ധാര്‍ഥിനെ കാര്‍ വെട്ടിപ്പൊളിച്ചാണ് പുറത്തെടുത്തത്. തുടര്‍ന്ന് മെഡിക്കല്‍ ട്രസ്റ്റ് ആശുപത്രിയില്‍ പ്രവേശിപ്പിക്കുകയായിരുന്നു. കാലിനും ഗുരുതരമായി പരിക്കേറ്റു. നടി കെപിഎസി ലളിതയുടെയും സംവിധായകന്‍ ഭരതന്റെയും മകനാണ് സിദ്ധാര്‍ഥ്. കമലിന്റെ നമ്മളിലൂടെ അഭിനയരംഗത്തെത്തിയ സിദ്ധാര്‍ഥ് നിദ്ര, ചന്ദ്രേട്ടന്‍ എവിടെയാ തുടങ്ങിയ ചിത്രങ്ങള്‍ സംവിധാനം ചെയ്തിട്ടുണ്ട്.

comments


 

Other news in this section