Friday, April 20, 2018
Latest News
ഡബ്ലിന്‍ ബസ്സുകള്‍ക്ക് ഇനി സുവര്‍ണ്ണകാലം: റൂട്ട് റദ്ദാക്കല്‍ ഇനി ഉണ്ടാവില്ല; അടിമുടി മാറി ജനസൗഹൃദമാകാന്‍ ഒരുങ്ങി ഡബ്ലിന്‍ ബസ്    കോര്‍ക്ക് സെക്കണ്ടറി സ്‌കൂളില്‍ വിദ്യാര്‍ഥികളിക്കിടയില്‍ ക്ഷയരോഗബാധ കണ്ടെത്തി; സ്‌കൂള്‍ ജീവനക്കാര്‍ ഉള്‍പ്പെടെ നിരവധിപേര്‍ നിരീക്ഷണത്തില്‍; കടുത്ത ജാഗ്രതാ നിര്‍ദ്ദേശം നല്‍കി എച്ച്.എസ്.ഇ    പത്തു ദിവസം പ്രായമുള്ള കുഞ്ഞുമായി യുഎസ് സെനറ്റിലെത്തി ടാമി ഡക്വര്‍ത്ത് ചരിത്രമെഴുതി    വിമാനങ്ങളിലെ കാര്‍ഗോ ഹോള്‍ഡുകളില്‍ എയര്‍ബസ് സ്ലീപിംഗ് ബെര്‍ത്തുകള്‍ സ്ഥാപിക്കുന്നു    ഇന്ത്യയിലെ സ്ത്രീകളുടേയും പെണ്‍കുട്ടികളുടേയും കാര്യം ശ്രദ്ധിക്കൂ; മോദിയോട് ഐഎംഎഫ് മേധാവി   

സര്‍ക്കാരിന്റെ അനാസ്ഥ; ഷവോമിയുടെ ഫാക്ടറി കേരളത്തിന് നഷ്ടമായി

Updated on 13-04-2018 at 5:28 pm

ലീഡിംഗ് മൊബൈല്‍ നിര്‍മാതാക്കളായ ഷവോമി ഇന്ത്യയില്‍ കോടികളുടെ സംരംഭത്തിനാണ് ശ്രമിക്കുന്നത്. ഇതിന്റെ ഭാഗമായി കേരളത്തില്‍ പുതിയൊരു യൂണിറ്റു ആരംഭിക്കുവാനും ശ്രമം നടത്തിയിരുന്നു. എന്നാല്‍, മുന്‍ സര്‍ക്കാരിന്റെ അനാസ്ഥ മൂലം തമിഴ്‌നാട്ടിലേക്കും ആന്ധ്രാപ്രദേശിലേക്കും മാറ്റുകയായിരുന്നു. പതിനായിരത്തിലേറെ തദ്ദേശീയരായ ജീവനക്കാര്‍ക്കു തൊഴിലവസരം ലഭിക്കുമായിരുന്ന സംരംഭമാണ് കേരളത്തിന് നഷ്ടമായത്.

രണ്ട് സംസ്ഥാനങ്ങളിലായി ഉയരുന്ന ഫാക്ടറികളിലെ ജീവനക്കാരില്‍ 95 ശതമാനവും സ്ത്രീകളാണ്. ഷവോമി ഇന്ത്യ മാനേജിങ് ഡയറക്ടര്‍ മനു കുമാര്‍ ജെയിനുമായി തിരുവനന്തപുരത്തേക്ക് ഈ സംരംഭം കൊണ്ടുവരുന്നതിനു താല്‍പര്യം അറിയിച്ചിരുന്നു.

ചര്‍ച്ചകള്‍ക്കായി തിരുവനന്തപുരത്തേക്ക് എത്താമെന്നും അറിയിച്ചു. തുടര്‍ന്നു മുഖ്യമന്ത്രിയുടെ ഓഫിസുമായി ഇമെയില്‍ വഴി ബന്ധപ്പെട്ടു. മീറ്റിങ്ങിനുള്ള സമയം ഓഫിസില്‍ നിന്നു ചോദിച്ചപ്പോള്‍ ഷവോമി അധികൃതര്‍ മറുപടിയും നല്‍കി. പിന്നീട് ഷവോമിക്ക് ഇതുമായി ബന്ധപ്പെട്ട് അറിയിപ്പൊന്നും ലഭിച്ചില്ല.

പദ്ധതിയെപ്പറ്റി വേണ്ട രീതിയില്‍ ബന്ധപ്പെട്ട ഉദ്യോഗസ്ഥര്‍ മനസ്സിലാക്കാത്തതാവാം കാരണമെന്നാണ് ആരോപണം. അന്ന് മുഖ്യമന്ത്രിയായിരുന്ന ഉമ്മന്‍ ചാണ്ടിയെ നേരിട്ടു കണ്ടിരുന്നെങ്കില്‍ ഒരുപക്ഷെ തിരുവനന്തപുരത്ത് ഈ സംരംഭം എത്തുമായിരുന്നു എന്നു പദ്ധതിയുമായി ബന്ധപ്പെട്ടു പ്രവര്‍ത്തിച്ചവര്‍ ഫെയ്‌സ് ബുക് പോസ്റ്റില്‍ ചൂണ്ടിക്കാട്ടി. മെയ്ക് ഇന്‍ ഇന്ത്യ പദ്ധതിയുടെ ഭാഗമായിട്ടാണ് ഷവോമിയുടെ പുതിയ ഫാക്ടറികള്‍ തുറന്നത്.

 

 

 

ഡികെ

comments


 

Other news in this section