Saturday, November 25, 2017

വിദ്യാര്‍ത്ഥിനിയുടെ ആത്മഹത്യ: കൊല്ലം ട്രിനിറ്റി സ്‌കൂള്‍ അധ്യാപികമാര്‍ കീഴടങ്ങണമെന്ന് ഹൈക്കോടതി

Updated on 13-11-2017 at 10:31 am

 

കൊല്ലം ട്രിനിറ്റി ലൈസിയം സ്‌കൂളിലെ വിദ്യാര്‍ത്ഥിനി ഗൗരി നേഹ മരിച്ച കേസില്‍ പ്രതിചേര്‍ക്കപ്പെട്ട അധ്യാപികമാര്‍ മജിസ്ട്രേറ്റിന് മുന്നില്‍ കീഴടങ്ങണമെന്ന് ഹൈക്കോടതി. കീഴടങ്ങിയ ശേഷം അധ്യാപികമാര്‍ക്ക് മജിസ്ട്രേറ്റ് കോടതി ജാമ്യം അനുവദിക്കണമെന്നും ഹൈക്കോടതി നിര്‍ദേശം നല്‍കി.

അധ്യാപികമാരോട് മജിസ്ട്രേറ്റ് കോടതി മുമ്പാകെ ഈ മാസം 17 ന് കീഴടങ്ങാനാണ് ഹൈക്കോടതി നിര്‍ദേശം നല്‍കിയിരിക്കുന്നത്. അന്നു തന്നെ മജിസ്ട്രേറ്റ് കോടതി ജാമ്യം അനുവദിക്കണമെന്നും ഹൈക്കോടതി നിര്‍ദേശം നല്‍കിയിട്ടുണ്ട്. അധ്യാപികമാരായ ക്രസന്‍സ് നേവിസ്, സിന്ധു പോള്‍ എന്നിവരുടെ മുന്‍കൂര്‍ ജാമ്യാപേക്ഷയിലാണ് കോടതി നിര്‍ദ്ദേശം.

18, 19, 20 തീയതികളില്‍ അധ്യാപികമാര്‍ അന്വേഷണ ഉദ്യോഗസ്ഥര്‍ മുമ്പാകെ ഹാജരാകണം. തുടര്‍ന്ന് വരുന്ന എല്ലാ ശനിയാഴ്ചകളിലും അന്വേഷണ ഉദ്യോഗസ്ഥര്‍ മുമ്പാകെ ഹാജരാകേണ്ടതുണ്ട്. പ്രോസിക്യൂഷന്‍ ഹാജരാക്കിയ സിസിടിവി ദൃശ്യങ്ങള്‍ അടങ്ങിയ സിഡി പരിശോധിച്ചതിന് ശേഷമാണ് കോടതിയുടെ ഉത്തരവ്.

ഡികെ

 

comments


 

Other news in this section