Monday, June 24, 2019
Latest News
യു.എസ്സിന് വേണ്ടി ചാരപ്പണി; ഇറാന്‍ മുന്‍ സൈനിക ഉദ്യോഗസ്ഥനെ വധിച്ചു    പ്രവാസികള്‍ക്ക് നാട്ടിലെത്താതെ തന്നെ വോട്ട് രേഖപെടുത്താം : പ്രോക്‌സി വോട്ടിംഗ് ബില്ല് അവതരണം ഇന്ന് നടന്നേക്കുമെന്ന് സൂചന    ഇന്ത്യയില്‍ മത ന്യൂനപക്ഷങ്ങള്‍ക്കെതിരെ അതിക്രമം: യു.എസ് റിപ്പോര്‍ട്ട്; അംഗീകരിക്കാനാവില്ലെന്ന് വിദേശകാര്യ മന്ത്രാലയം…    രണ്ടാം ലോകമഹായുദ്ധത്തിലെ ‘നാസി പരുന്തി’ന്റെ വെങ്കല പ്രതിമ: ഉടന്‍ വിളിക്കണമെന്ന് ഉറുഗ്വായ് ഗവണ്‍മെന്റിനോട് കോടതി    ഡബ്ലിനില്‍ സെന്റ് മൈക്കിള്‍ ഹോസ്പിറ്റലില്‍ കാര്‍ പാര്‍ക്കിങ്ങിന് അന്യായ നിരക്ക് : ഒരു ദിവസത്തേക്ക് നല്‍കേണ്ടത് 48 യൂറോ   

വിദേശികളായ ജീവിത പങ്കാളികള്‍ക്ക് ഒ.സി.ഐ കാര്‍ഡ് അനുവദിച്ച് കേന്ദ്രം

Updated on 30-10-2018 at 1:50 pm

ന്യൂഡല്‍ഹി: ഇന്ത്യക്കാരുടേയും വിദേശ ഇന്ത്യക്കാരുടേയും (ഓവര്‍സീസ് സിറ്റിസണ്‍ ഓഫ് ഇന്ത്യ-ഒ.സി.ഐ) വിദേശികളായ ജീവിത പങ്കാളികള്‍ക്ക് ഒ.സി.ഐ കാര്‍ഡ് ലഭ്യമാക്കാന്‍ നടപടികള്‍ സ്വീകരിച്ചതായി കേന്ദ്ര സര്‍ക്കാര്‍ അറിയിച്ചു. ആജീവനാന്ത വിസയും, മള്‍ട്ടിപ്പിള്‍ എന്‍ട്രിയും അനുവദിക്കുന്നതാണ് ഒ.സി.ഐ കാര്‍ഡ്.

വിദേശ പാസ്പോര്‍ട്ടിന് അപേക്ഷ നല്‍കിയവര്‍ക്ക് ആശ്വാസം നല്‍കുന്നതിനായി ഇന്ത്യന്‍ പൗരത്വം ഒഴിവാക്കുന്നതിനുള്ള നടപടികള്‍ ലഘൂകരിച്ചതായും ആഭ്യന്തര മന്ത്രാലയം അറിയിച്ചു. നിലവില്‍ ഇന്ത്യക്കാരുടെ വിദേശികളായ ജീവിത പങ്കാളികള്‍ക്ക് ഒ.സി.ഐ കാര്‍ഡിന് അര്‍ഹതയുണ്ടായിരുന്നില്ല. ഇന്ത്യന്‍ പൗരന്മാര്‍ക്ക് മാത്രമല്ല, ഒ.സി.ഐ കാര്‍ഡുള്ളവരുടെ പങ്കാളികള്‍ക്കും ഉപാധികള്‍ പൂര്‍ത്തീകരിക്കുകയാണെങ്കില്‍ ഇനിമുതല്‍ സവിശേഷ ആനുകൂല്യങ്ങള്‍ നല്‍കുന്ന കാര്‍ഡിന് അപേക്ഷിക്കാമെന്ന് മന്ത്രാലയം പുറപ്പെടുവിച്ച വിജ്ഞാപനത്തില്‍ പറയുന്നു.

2006 ല്‍ ഹൈദരാബാദില്‍ നടന്ന പ്രവാസി ഭാരതീയ ദിവസിനോടനുബന്ധിച്ചാണ് ഒ.സി.ഐ കാര്‍ഡ് പദ്ധതി പ്രഖ്യാപിച്ചത്. പാക്കിസ്ഥാന്‍, ബംഗ്ലാദേശ് എന്നിവിടങ്ങളിലൊഴികെയുള്ള ഇന്ത്യന്‍ വംശജര്‍ക്കാണ് വിദേശ ഇന്ത്യക്കാരായി രജിസ്റ്റര്‍ ചെയ്യാന്‍ അനുമതിയുള്ളത്. പൗരത്വം ഉപേക്ഷിക്കുന്നതിനുള്ള 2009 ലെ പൗരത്വ ചട്ടത്തിലാണ് ഭേദഗതി വരുത്തിയിരിക്കുന്നത്.

ഇതോടൊപ്പം വിദേശരാജ്യത്ത് പാസ്‌പോര്‍ട്ടിനായി അപേക്ഷ സമര്‍പ്പിക്കുന്നവര്‍ ഇന്ത്യന്‍ പാസ്‌പോര്‍ട്ട് സറണ്ടര്‍ ചെയ്യുന്നതിനുള്ള നടപടി ക്രമങ്ങളും ലഘൂകരിച്ചു. 2009 ലെ സിറ്റസണ്‍ റൂള്‍സില്‍ ഭേദഗതി വരുത്തിയാണ് പാസ്‌പോര്‍ട്ട് സറണ്ടര്‍ നടപടിയില്‍ അയവു വരുത്തിയത്. ഇതനുസരിച്ച് പാസ്‌പോര്‍ട്ടിന് അപേക്ഷിക്കുന്നവര്‍ നിശ്ചിത ഫോറത്തില്‍ സത്യവാങ്മൂലം എഴുതി നല്‍കിയാല്‍ മതിയാവുമെന്നും കേന്ദ്ര ആഭ്യന്തര മന്ത്രാലയം അറിയിച്ചു.

 

 

 

 

എ എം

comments


 

Other news in this section