Sunday, September 15, 2019

ലിമെറിക്ക് സീറോ മലബാര്‍ ചര്‍ച്ചില്‍ വി.അല്‍ഫോന്‍സാമ്മയുടെ തിരുനാള്‍ ആഘോഷിച്ചു.

Updated on 29-07-2019 at 6:59 am

ലിമെറിക്ക് : ലിമെറിക്ക് സെന്റ്.മേരീസ് സീറോ മലബാര്‍ ചര്‍ച്ചില്‍, വി.അല്‍ഫോന്‍സാമ്മയുടെ തിരുനാള്‍ ഭക്തിനിര്‍ഭരമായി ആഘോഷിച്ചു.ശനിയാഴ്ച ഉച്ചകഴിഞ്ഞു നടന്ന തിരുനാള്‍ കുര്‍ബാനയില്‍ സീറോ മലബാര്‍ ചര്‍ച്ച് ലിമെറിക്ക് ചാപ്ലയിന്‍, ഫാ.റോബിന്‍ തോമസ്, ലിമെറിക്ക് ഹോസ്പിറ്റല്‍ ചാപ്ലയിന്‍, ഫാ.Eamon purcell എന്നിവര്‍ കാര്‍മികരായിരുന്നു.

വി.കുര്‍ബാന മദ്ധ്യേ നല്‍കിയ വചനസന്ദേശത്തില്‍ ഭാരതത്തില്‍ നിന്നും വിശുദ്ധിയിലേക്ക് ഉയര്‍ത്തപ്പെട്ട ആദ്യത്തെ വനിതയായ വി.അല്‍ഫോന്‍സാമ്മയുടെ ജീവിതമാര്‍ഗം നമുക്കും വഴികാട്ടി ആകട്ടെ എന്ന് ഫാ.Eamon Purcell ഓര്‍മപ്പെടുത്തി.

വി. അല്‍ഫോന്‍സാമ്മയുടെ തിരുനാളില്‍ പങ്കെടുക്കാന്‍ എത്തിയ എല്ലാവര്‍ക്കും നന്ദി അറിയിക്കുന്നതായും,അല്‍ഫോന്‍സാ നാമധാരികളായ എല്ലാവര്‍ക്കും ഈയവസരത്തില്‍ ആശംസകളും പ്രാര്‍ത്ഥനകളും നേരുന്നതായും ഫാ. റോബിന്‍ തോമസ് അറിയിച്ചു.

വാര്‍ത്ത : ജോജോ ദേവസ്സി (പി.ആര്‍.ഒ)

comments


 

Other news in this section