Friday, April 20, 2018
Latest News
ഡബ്ലിന്‍ ബസ്സുകള്‍ക്ക് ഇനി സുവര്‍ണ്ണകാലം: റൂട്ട് റദ്ദാക്കല്‍ ഇനി ഉണ്ടാവില്ല; അടിമുടി മാറി ജനസൗഹൃദമാകാന്‍ ഒരുങ്ങി ഡബ്ലിന്‍ ബസ്    കോര്‍ക്ക് സെക്കണ്ടറി സ്‌കൂളില്‍ വിദ്യാര്‍ഥികളിക്കിടയില്‍ ക്ഷയരോഗബാധ കണ്ടെത്തി; സ്‌കൂള്‍ ജീവനക്കാര്‍ ഉള്‍പ്പെടെ നിരവധിപേര്‍ നിരീക്ഷണത്തില്‍; കടുത്ത ജാഗ്രതാ നിര്‍ദ്ദേശം നല്‍കി എച്ച്.എസ്.ഇ    പത്തു ദിവസം പ്രായമുള്ള കുഞ്ഞുമായി യുഎസ് സെനറ്റിലെത്തി ടാമി ഡക്വര്‍ത്ത് ചരിത്രമെഴുതി    വിമാനങ്ങളിലെ കാര്‍ഗോ ഹോള്‍ഡുകളില്‍ എയര്‍ബസ് സ്ലീപിംഗ് ബെര്‍ത്തുകള്‍ സ്ഥാപിക്കുന്നു    ഇന്ത്യയിലെ സ്ത്രീകളുടേയും പെണ്‍കുട്ടികളുടേയും കാര്യം ശ്രദ്ധിക്കൂ; മോദിയോട് ഐഎംഎഫ് മേധാവി   

‘മധുരം മലയാളം’ മേയ് 7 മുതല്‍ ഡബ്ലിനില്‍ മലയാളം ക്ലാസുകള്‍ ആരംഭിക്കുന്നു.

Updated on 16-04-2018 at 12:25 pm

മലയാള മണ്ണില്‍ നിന്നും അയര്‍ലണ്ടിലേക്ക് ചേക്കേറിയ നമ്മുടെ കുഞ്ഞുങ്ങളെ മലയാള ഭാഷയും സംസ്‌കാരവും പരിചയപ്പെടുത്തുക എന്ന ലക്ഷ്യത്തോടെ’മധുരം മലയാളം’ എന്ന പേരില്‍ മലയാളം ക്ലാസുകള്‍ തുടങ്ങാന്‍ ഞങ്ങള്‍ ആഗ്രഹിക്കുന്നു . കേരളം സര്‍ക്കാറിന്റെ മുന്‍ ഭാഷാ വിദഗ്ധനും ഡല്‍ഹിയിലെ മലയാള ഭാഷാ പഠനത്തിന്റെയും മലയാളം മിഷന്റെയും ശില്പിയും ലിംകാ ബുക്ക് ഓഫ് റെക്കോര്‍ഡില്‍ ഇടം നേടിയ വ്യക്തിയും എഴുത്തുകാരനുമായ ഡോക്ടര്‍ എഴുമറ്റൂര്‍ രാജരാജവര്‍മ്മ എഴുതി തയാറാക്കിയ , കേരള ഗവണ്മെന്റ് അംഗീകരിച്ച പാഠ്യ പദ്ധതി ആനുസരിച്ചാണ് ക്ലാസ്സുകളുടെ രൂപകല്‍പന. പാട്ടും കഥകളും കളികളും ഉള്‍പ്പെട്ട ക്ലാസുകള്‍ പൂര്‍ണമായും കുട്ടികളുടെ മാനസിക, സാമൂഹ്യ വളര്‍ച്ചയെയും കൂടെ കണക്കിലെടുക്കുന്നു . ഒരു വര്‍ഷത്തെ ക്ലാസ്സില്‍ മുടങ്ങാതെ പങ്കെടുക്കുന്ന കുട്ടിക്കു മലയാളം വായിക്കാനും എഴുതാനും കഴിയുന്ന രീതിയിലാണ് ക്ലാസുകള്‍ ക്രമീകരിച്ചിരിക്കുന്നത് . അഞ്ചു മുതല്‍ പത്ത് വയസു വരെ യുള്ള കുട്ടികള്‍ക്കാണ് ക്ലാസ്സിലേക്ക് പ്രവേശനം നല്‍കുന്നത് .

മാസത്തിലെ മൂന്നു ശനിയാഴ്ചകളില്‍ 11 .00 am മുതല്‍ 12 .30 pm വരെ ആവും സമയക്രമം.

മെയ് ഏഴാം തീയതി രാവിലെ ആഡംസ്ടൗണ്‍ സെയിന്റ് ജോണ്‍സ് ഇവാന്‍ജെലിസ്‌റ് സ്‌കൂള്‍ ഹാളില്‍ രാവിലെ 11 മണിക്ക് തുടങ്ങുന്ന മധുരം മലയാളം ക്ലാസ്സിലേക്ക് രക്ഷിതാക്കളെയും കുട്ടികളെയും ക്ഷണിക്കുന്നു . പ്രവേശനദിവസം കുട്ടികളെ പരിചയപ്പെടാനും അച്ഛനമ്മമാര്‍ക്ക് മധുരം മലയാളം പഠന പദ്ധതിയെ പറ്റി ഒരു മുഖവുര നല്‍കാനും ആഗ്രഹിക്കുന്നു . രജിസ്‌ട്രേഷന്‍ ദിവസത്തെ ക്ലാസ്സില്‍ പ്രവേശനം തികച്ചും സൗജന്യമാണ് . ഏവരുടെയും സഹകരണം അഭ്യര്‍ത്ഥിക്കുന്നു. കൂടുതല്‍ വിവരങ്ങള്‍ക്ക് താഴെ പറയുന്ന ഫോണ്‍ നമ്പറില്‍ വിളിക്കുക.

രശ്മി വര്‍മ്മ (0862163970)
രജത് വര്‍മ്മ(0871225452)

comments


 

Other news in this section