Monday, June 24, 2019
Latest News
യു.എസ്സിന് വേണ്ടി ചാരപ്പണി; ഇറാന്‍ മുന്‍ സൈനിക ഉദ്യോഗസ്ഥനെ വധിച്ചു    പ്രവാസികള്‍ക്ക് നാട്ടിലെത്താതെ തന്നെ വോട്ട് രേഖപെടുത്താം : പ്രോക്‌സി വോട്ടിംഗ് ബില്ല് അവതരണം ഇന്ന് നടന്നേക്കുമെന്ന് സൂചന    ഇന്ത്യയില്‍ മത ന്യൂനപക്ഷങ്ങള്‍ക്കെതിരെ അതിക്രമം: യു.എസ് റിപ്പോര്‍ട്ട്; അംഗീകരിക്കാനാവില്ലെന്ന് വിദേശകാര്യ മന്ത്രാലയം…    രണ്ടാം ലോകമഹായുദ്ധത്തിലെ ‘നാസി പരുന്തി’ന്റെ വെങ്കല പ്രതിമ: ഉടന്‍ വിളിക്കണമെന്ന് ഉറുഗ്വായ് ഗവണ്‍മെന്റിനോട് കോടതി    ഡബ്ലിനില്‍ സെന്റ് മൈക്കിള്‍ ഹോസ്പിറ്റലില്‍ കാര്‍ പാര്‍ക്കിങ്ങിന് അന്യായ നിരക്ക് : ഒരു ദിവസത്തേക്ക് നല്‍കേണ്ടത് 48 യൂറോ   

ബ്രിട്ടീഷ് സിവില്‍ സര്‍വീസില്‍ വിജയക്കൊടി പാറിച്ച് മലയാളി പെണ്‍കുട്ടി

Updated on 27-08-2018 at 8:10 am

പ്രവാസി മലയാളികള്‍ക്ക് അഭിമാനമായി മലയാളി പെണ്‍കുട്ടി ബ്രിട്ടീഷ് സിവില്‍ സര്‍വീസില്‍ വിജയക്കൊടി പാറിച്ചു. ബ്രിട്ടന്റെ സിവില്‍ സര്‍വീസ് വിഭാഗമായ സിവില്‍ സര്‍വീസ് ഫാസ്റ്റ് സ്ട്രീമില്‍ ഇടംപിടിച്ച ആ പെണ്‍കുട്ടി 23 കാരിയായ കൃഷ്ണവേണി അനിലാണ്. പാലാ രാമപുരം അമനകര തറയില്‍ വീട്ടില്‍ അനില്‍കുമാറിന്റെയും പ്രമീളയുടെയും മകളാണ് കൃഷ്ണവേണി.

മാതാപിതാക്കള്‍ക്കൊപ്പം 18 വര്‍ഷമായി ലണ്ടനില്‍ കഴിയുന്ന കൃഷ്ണവേണി ലണ്ടന്‍ സ്‌കൂള്‍ ഓഫ് ഇക്കണോമിക്സില്‍ നിന്നു സാമുഹിക ശാസ്ത്രവും നിയമവും പഠിച്ച ശേഷമാണ് സിവില്‍ സര്‍വീസിലേക്ക് തിരിഞ്ഞത്. ഓണ്‍ലൈന്‍ പരീക്ഷ തുടങ്ങി ഒരു ദിവസം നീളുന്ന ഇന്റര്‍വ്യൂ ഉള്‍പ്പെടെ കടന്നാണ് കൃഷ്ണവേണി ഈ നേട്ടം സ്വന്തമാക്കിയത്. മൂന്നു വര്‍ഷം നീളുന്ന പരിശീലനം പൂര്‍ത്തിയാക്കിയ ശേഷം വകുപ്പ് ഡയറക്ടറിന് സമാനമായ ഉന്നത പദവിയിലാകും കൃഷ്ണവേണിയുടെ നിയമനം.

ബ്രിട്ടീഷ് പൗരത്വമുള്ളവര്‍ക്കാണ് സിവില്‍ സര്‍വീസ് ഫാസ്റ്റ് സ്ട്രീമിലേക്ക് അപേക്ഷിക്കാന്‍ കഴിയുക. പിതാവ് അനില്‍കുമാര്‍ ലണ്ടന്‍ കിങ്സ് കോളേജ് റിസര്‍ച്ച് സയന്റിസ്റ്റാണ്. മാതാവ് പ്രമീള ക്ലെയര്‍ മൗണ്ട് പ്രൈമറി സ്‌കൂള്‍ അധ്യാപികയും. സഹോദരന്‍ അനന്തകൃഷ്ണന്‍ സ്റ്റാര്‍ട്ടപ്പ് കമ്പനി ഉദ്യോഗസ്ഥനാണ് .

 

 

എ എം

comments


 

Other news in this section