Monday, September 24, 2018
Latest News
കമ്മ്യൂണിറ്റി എയര്‍ ആംബുലന്‍സ് സംവിധാനത്തിന് അയര്‍ലണ്ടില്‍ തുടക്കമാകുന്നു; അടിയന്തിര ശസ്ത്രക്രിയകള്‍ക്ക് ഉള്‍പ്പെടെ പ്രയോജനപ്പെടുത്താം    കുടിയേറ്റക്കാര്‍ക്ക് ഇനി ഗ്രീന്‍ കാര്‍ഡ് നല്‍കില്ലെന്ന് അമേരിക്ക; ഇന്ത്യന്‍ പ്രവാസികളെ ബാധിക്കും    അപകടത്തില്‍പ്പെട്ട പായ് വഞ്ചിയില്‍ നിന്ന് അഭിലാഷ് ടോമിയെ രക്ഷിച്ചു; കൂടെയുണ്ടായിരുന്ന ഐറിഷ് നാവികനും സുരക്ഷിതന്‍    കൊടുങ്കാറ്റുകള്‍ വന്നത് അനുഗ്രഹവും ആയേക്കും; അയര്‍ലണ്ടില്‍ ഇന്ത്യന്‍ സമ്മര്‍ ഇനിയും തുടരുമെന്ന് കാലാവസ്ഥാ പ്രവചനം    ഭവന ആരോഗ്യമേഖലകളിലെ പ്രതിസന്ധി പരിഹരിക്കുന്നതിന് ബഡ്ജറ്റില്‍ ഊന്നല്‍ നല്‍കും; നികുതി സംവിധാനം അടിമുടി പരിഷ്‌കരിക്കും; വന്‍ നികുതി ഇളവുകള്‍ പ്രതീക്ഷിക്കേണ്ട   

പ്രമേഹത്തിനു പുതിയ മരുന്ന്; തടി കുറയ്ക്കാനും സഹായിക്കും

Updated on 23-10-2017 at 9:28 am

 

പ്രമേഹചികിത്സയ്ക്കു ഫലപ്രദമായ മറ്റൊരു ഔഷധം വരുന്നു. സെമാഗ്ലൂടൈഡ് എന്ന ഈ ഔഷധം കുത്തിവച്ചോ ഗുളിക രൂപത്തിലോ ഉപയോഗിക്കാം. ഏറ്റവും വ്യാപകമായ ടൈപ്പ്-2 പ്രമേഹത്തിന്റെ വളര്‍ച്ച തടയാനും ശരീരഭാരം കുറയ്ക്കാനും സഹായിക്കും. മൂന്നു വര്‍ഷത്തിനകം ഇവ രോഗികള്‍ക്കു ലഭ്യമാകും. ഈ ഔഷധം ഈയിടെ രണ്ടാംഘട്ട പരീക്ഷണം പൂര്‍ത്തിയാക്കി.

ഇംഗ്ലണ്ടിലെ ലെസ്റ്റര്‍ ഡയബെറ്റിക് സെന്ററില്‍ 632 രോഗികളിലായിരുന്നു പരീക്ഷണം. മെറ്റ്‌ഫോര്‍മിന്‍ ഉപയോഗിക്കുന്നവര്‍ക്കാണ് ഇതു നല്കിയത്. 71 ശതമാനം പേരിലും ഭാരക്കുറവ് കണ്ടു. ഇപ്പോള്‍ പ്രമേഹചികിത്സയിലുപയോഗിക്കുന്ന ചില ഔഷധങ്ങള്‍ അപ്രതീക്ഷിതമായി ശരീരത്തിന്റെ ഭാരം കൂട്ടി പ്രശ്‌നം വഷളാക്കാറുണ്ട്. എന്നാല്‍, സെമാഗ്ലൂടൈഡിന് ആ പ്രശ്‌നമില്ല. ഇന്‍സുലിന്‍ എടുക്കേണ്ട സാഹചര്യം ഒഴിവാക്കാനും ഇതിന്റെ ഉപയോഗം സഹായിക്കുന്നു. ജേര്‍ണല്‍ ഓഫ് അമേരിക്കന്‍ മെഡിക്കല്‍ അസോസിയേഷനില്‍ (JAMA) പരീക്ഷണഫലം പ്രസിദ്ധീകരിച്ചിട്ടുണ്ട്.

ടൈപ് 2 പ്രമേഹം രക്തത്തിലെ ഗ്ലൂക്കോസ് ഊര്‍ജമായി മാറ്റുന്ന പ്രക്രിയ ശരിയായി നടക്കാത്തതുമൂലം ഗ്ലൂക്കോസ് തോത് കൂടുന്നതാണ് ടൈപ് 2 പ്രമേഹം. പാന്‍ക്രിയാസിലെ ബീറ്റാ കോശങ്ങളെ ശരീരത്തിലെ രോഗപ്രതിരോധ സംവിധാനം ആക്രമിക്കുന്നതു മൂലം ഇന്‍സുലിന്‍ ഉത്പാദനം നടക്കാതെ വരുന്ന അവസ്ഥയാണ് ടൈപ് 1 പ്രമേഹം. ഇതു കുട്ടി പ്രായത്തിലേ കാണും. ലോകത്തു 38 കോടി പ്രമേഹരോഗികള്‍ ഉള്ളതില്‍ 90 ശതമാനവും ടൈപ് 2 പ്രമേഹക്കാരാണ്.

 

 

ഡികെ

 

comments


 

Other news in this section