Monday, July 15, 2019
Latest News
ഇന്തോ-ടിബറ്റന്‍ ബോര്‍ഡര്‍ പോലീസില്‍ വനിതാ പര്‍വ്വതാരോഹണ സംഘം സജ്ജമാകുന്നു    മദ്യപിച്ച് കോക്പിറ്റില്‍ യാത്ര ചെയ്യാന്‍ ശ്രമിച്ച പൈലറ്റിനെ മൂന്ന് മാസത്തേക്ക് സസ്പെന്‍ഡ് ചെയ്ത് എയര്‍ഇന്ത്യ    വലിയ ട്രെക്കുകള്‍ പെര്‍മിറ്റില്ലാതെ നഗരത്തിലെത്തിയാല്‍ പിഴ 800 യൂറോ; ഡബ്ലിന് സിറ്റി കൗണ്‍സിലിന്റെ പുതിയ ആപ്പിലൂടെ പൊതുജനങ്ങള്‍ക്കും ഇത് മനസിലാക്കാന്‍ അവസരം    ഗാര്‍ഡ ഡി എന്‍.എ സാമ്പിള്‍ ശേഖരിക്കുന്നത് പരിശീലനത്തിന് പകരം വീഡിയോ നോക്കിയിട്ടെന്ന് വെളിപ്പെടുത്തല്‍: ഫോറന്‍സിക് വകുപ്പില്‍ നടക്കുന്നത് ശക്തമായ നിയമ ലംഘനങ്ങള്‍    കണ്ണൂരില്‍ റോബോട്ടുകള്‍ ഭക്ഷണം വിളമ്പുന്ന ഹോട്ടല്‍ : പുതിയ പരീക്ഷണം നടന്‍ മണിയന്‍ പിള്ള രാജുവിന് കൂടി പങ്കാളിത്തമുള്ള ഹോട്ടലില്‍   

തെരേസക്ക് താത്കാലിക ആശ്വാസം; ബ്രെക്സിറ്റ്‌ നടപടികൾക്ക് മേയ് 22 വരെ സമയം നീട്ടി; ഇനിയുള്ള ദിവസങ്ങൾ നിർണ്ണായകം

Updated on 22-03-2019 at 7:13 am

ലണ്ടൻ: ബ്രെക്സിറ്റിന്റെ അവസാനഘട്ട നടപടികൾക്ക് മേയ് 22 വരെ സമയം അനുവദിക്കാൻ യൂറോപ്യൻ കൗൺസിലിന്റെ അംഗീകാരം. ഇനിയുള്ള ദിവസങ്ങൾ ബ്രിട്ടന് നിർണ്ണായകമാണെങ്കിലും താത്കാലികമായി ആശ്വാസം ലഭിക്കുന്ന നടപടിയാണ് യൂണിയൻ കൈക്കൊണ്ടത്. ബ്രെക്സിറ്റ്‌ നടപടികളുമായി മുന്നോട്ട് പോകാൻ കൂടുതൽ സമയം അനുവദിക്കണമെന്ന് അഭ്യർത്ഥിച്ചുകൊണ്ട് തെരേസ മേയ് യൂണിയനെ സമീപിച്ചിരുന്നു. ഇതിന്റെ വിഷധാംശങ്ങൾ പരിശോധിച്ച യൂറോപ്യൻ കൗൺസിൽ മേയ് 22 വരെ സമയം അനുവദിച്ചു.

ഏപ്രിൽ 12-ന് യു.കെ പാർലമെന്റിന്റെ അംഗീകാരം ലഭിച്ചില്ലെങ്കിൽ ഏറ്റവും അവസാനം മേയ്-22 വരെ ബ്രെക്സിറ്റ്‌ അവസാനഘട്ട നടപടികൾ പൂർത്തിയാക്കാൻ തെരേസക്ക് യൂണിയൻ അനുവാദം നൽകി. നിലവിൽ തുടരുന്ന നോ ബ്രെക്സിറ്റ്‌ ഡീൽ യു.കെയിൽ വൻ പ്രധിഷേധങ്ങളാണ് അഴിച്ചുവിടുന്നത്. യൂണിയനിൽ നിന്ന് വിട്ടുനിൽക്കാൻ ബ്രിട്ടനിൽ ആലോചന തുടങ്ങിയ സമയത്ത് കൂടെ നിന്നവർ എല്ലാം ഓരോന്നായി വിട്ടു നിന്നത് തെരേസക്ക് വൻ തിരിച്ചടിയാണ് സമ്മാനിച്ചത്.

ബ്രെക്സിറ്റിന്റെ മുഴുവൻ ഭാരവും ഒറ്റയടിക്ക് മുന്നോട്ട് കൊണ്ടുപോകാൻ തെരേസക്ക് കഴിയാതെ പോയത് ബ്രെക്സിറ്റ്‌ നടപടികൾ അനന്തമായി നീട്ടികൊണ്ട് പോവുകയായിരുന്നു. വ്യക്തമായ ആസൂത്രണമില്ലായ്മ ബ്രെക്സിറ്റിൽ നിഴലിച്ചിട്ടുണ്ടെന്ന് വ്യക്തമാണ്. ഹൌസ് ഓഫ് കമെൻസിൽ തെരേസയുടെ ബ്രെക്സിറ്റ്‌ പ്രമേയങ്ങൾ പരാജയപ്പെട്ടതോടെ കൂടുതൽ സമയം അനുവദിക്കാൻ യുണിയനോട് ആവശ്യപ്പെടുക മാത്രമായിരുന്നു തെരേസ മെയ്‌യുടെ മുന്നിലുള്ള ഏക പോംവഴി.

ആദ്യഘട്ടത്തിൽ ബ്രെക്സിറ്റ്‌ നടപ്പാക്കണോ വേണ്ടയോ എന്നറിയാൻ യു.കെ നടത്തിയ ഹിതപരിശോധന വിജയം കണ്ടെങ്കിലും തുടർനടപടികളിൽ വ്യക്തതയില്ലായ്മ ബ്രിട്ടീഷ് ജനതയെ കൂടുതൽ ആശയക്കുഴപ്പത്തിലേക്ക് കൊണ്ടെത്തിക്കുകയാണ് ചെയ്തത്. രണ്ടാമതൊരു ഹിതപരിശോധന കൂടി വേണമെന്ന് ആവശ്യപ്പെട്ട് ലണ്ടനിൽ വൻ പ്രധിഷേധങ്ങളാണ് നടന്നുവരുന്നത്. ബ്രെക്സിറ്റ്‌ എന്ന ഒറ്റക്കാര്യത്തെചൊല്ലി തെരേസ മെയ്ക്ക് ലഭിച്ചുകൊണ്ടിരുന്ന ജന പിന്തുണയിൽ വൻ തോതിൽ ഇടിവ് വന്നുകഴിഞ്ഞു.

യൂണിയനിൽ നിന്നും പടിയിറങ്ങാനുള്ള നടപടിയിൽ യു.കെ പാർലിമെന്റ് രണ്ടു തട്ടിലെത്തിയത് ബ്രിട്ടീഷ് രാഷ്ട്രീയത്തിൽ വൻ പ്രതിസന്ധികൾ ഉണ്ടാക്കി. എന്തുവന്നാലും ബ്രെക്സിറ്റിന്റെ അവസാനഘട്ട നടപടികൾ പൂർത്തിയാക്കാൻ മൂന്ന് മാസം കൂടി സമയം അനുവദിക്കണമെന്ന് ആവശ്യപ്പെട്ട് തെരേസ യൂണിയനെ സമീപിച്ചിരുന്നു. ഇതിന്റെ ബാക്കി നടപടികൾക്കായി മേയ് 22 വരെ സമയം അനുവദിക്കാൻ യൂണിയൻ തീരുമാനമെടുക്കുകയായിരുന്നു.

ഡികെ

comments


 

Other news in this section