Friday, May 25, 2018

ഡ്രൈവിങ്ങിനിടെ ഫോണ്‍ വിളി: അപകടമില്ലെങ്കില്‍ പൊലീസ് നിയമപ്രകാരം നടപടി പാടിലെന്ന് ഹൈക്കോടതി

Updated on 17-05-2018 at 6:59 am

കൊച്ചി: വാഹനമോടിക്കുമ്പോള്‍ മൊബൈല്‍ ഫോണില്‍ സംസാരിച്ചെന്ന കുറ്റത്തിന് കേരള പോലീസ് നിയമത്തിലെ 118 -ഇ വകുപ്പുപ്രകാരം കുറ്റം ചുമത്താനാവില്ലെന്ന് ഹൈക്കോടതി. വാഹനമോടിക്കുമ്പോള്‍ അറിഞ്ഞുകൊണ്ട് പൊതുജനത്തിന് അപായകരമായ പ്രവൃത്തിചെയ്തുകഴിഞ്ഞാല്‍മാത്രമേ 118 -ഇ പ്രകാരം നടപടി സാധ്യമാവൂ. പോലീസ് നിയമത്തില്‍ ചട്ടപ്രകാരം വ്യവസ്ഥചെയ്താല്‍മാത്രമേ അത് സാധിക്കൂ.

ഫോണില്‍ സംസാരിച്ച് വാഹനമോടിച്ചാല്‍ അശ്രദ്ധമായും അലക്ഷ്യമായും വാഹനമോടിച്ചതിന് കേരള മോട്ടോര്‍വാഹന നിയമത്തിലെ 184-ാം വകുപ്പുപ്രകാരവും മറ്റും നടപടി സാധ്യമാണ്. ഫോണില്‍ സംസാരിച്ച് വാഹനമോടിച്ചാല്‍ അപകടസാധ്യതയുണ്ട് എന്നപേരില്‍ പോലീസ് നിയമത്തിലെ 118 -ഇ വകുപ്പുപ്രകാരം നടപടി സാധ്യമല്ല. ഇതുശരിയല്ലെന്ന ഹര്‍ജിക്കാരന്‍ എം.ജെ. സന്തോഷിന്റെ വാദം ഡിവിഷന്‍ ബെഞ്ച് ശരിവെച്ചു.

2012-ല്‍ സിംഗിള്‍ ബെഞ്ചിന്റെ സമാനവിധിയുള്ളത് ചൂണ്ടിക്കാട്ടിയാണ് ഹര്‍ജിക്കാരന്‍ തന്റെപേരിലെ കേസ് റദ്ദാക്കാന്‍ സിംഗിള്‍ബെഞ്ചില്‍ ഹര്‍ജി നല്‍കിയത്. പിന്നീട് ഹര്‍ജിയിലെ നിയമപ്രശ്നം പരിഗണിക്കാന്‍ ഡിവിഷന്‍ബെഞ്ചിന് വിടുകയായിരുന്നു. നിയമപ്രശ്നത്തില്‍ വ്യക്തതവരുത്തിയ ഡിവിഷന്‍ബെഞ്ച് തുടര്‍നടപടിക്കായി ഹര്‍ജി സിംഗിള്‍ബെഞ്ചിലേക്ക് തിരികെ അയച്ചു.

 

 

 

ഡികെ

comments


 

Other news in this section