Thursday, April 26, 2018

ഡബ്ലിനിലും ലീമെറിക്കിലും വീണ്ടും അഞ്ചാം പനി പടര്‍ന്നു പിടിക്കുന്നു; ലീമെറിക്കില്‍ സൗജന്യമായി കുത്തിവെയ്പ് എടുക്കാം

Updated on 13-02-2018 at 2:16 pm

ലീമെറിക്: ലീമെറിക്കില്‍ 10 കേസുകളും, ഡബ്ലിനില്‍ ഒന്നും ഉള്‍പ്പെടെ രാജ്യത്ത് മൊത്തം 11 പേരില്‍ അഞ്ചാം പനി പടര്‍ന്നു പിടിച്ചതായി സ്ഥിരീകരിച്ചു. എച്ച്.എസ്. ഇ യുടെ ഹെല്‍ത്ത് പ്രൊട്ടക്ഷന്‍ സര്‍വെയ്ലന്‍സ് സെന്റര്‍ (HPSC) പുറത്തുവിട്ട റിപ്പോര്‍ട്ട് അനുസരിച്ച് രോഗം തുടര്‍ന്നും പടര്‍ന്നു പിടിക്കാനുള്ള സാധ്യത വളരെ കൂടുതലാണ്. രണ്ട് ഡോസ് എം എം ആര്‍ കുത്തിവെയ്പ്പ് മാത്രമാണ് മീസില്‍സില്‍ നിന്നും രക്ഷപ്പെടാനുള്ള ഏക പ്രതിരോധ മാര്‍ഗമെന്ന് എച്ച്.എസ്. ഇ ചൂണ്ടിക്കാണിക്കുന്നു. രോഗം പടന്നുപിടിക്കുന്നതിനാല്‍ ലീമെറിക്ക് യൂണിവേഴ്‌സിറ്റി ആശുപത്രിയില്‍ സൗജന്യ ക്ലിനിക്ക് ആരംഭിച്ചിരിക്കുകയാണ്. രോഗം സ്ഥിരീകരിച്ചവര്‍ പുറത്തിറങ്ങുന്നത് പനി പടര്‍ന്നുപിടിക്കാന്‍ സാഹചര്യമൊരുക്കുമെന്ന് ആരോഗ്യ വകുപ്പ് നിര്‍ദ്ദേശിക്കുന്നു. രോഗലക്ഷണങ്ങള്‍ പ്രകടമായാല്‍ ഉടന്‍തന്നെ വൈദ്യ സഹായം ലഭ്യമാക്കാനും നിര്‍ദ്ദേശമുണ്ട്.

 

ഡികെ

 

comments


 

Other news in this section