Friday, April 20, 2018
Latest News
ഡബ്ലിന്‍ ബസ്സുകള്‍ക്ക് ഇനി സുവര്‍ണ്ണകാലം: റൂട്ട് റദ്ദാക്കല്‍ ഇനി ഉണ്ടാവില്ല; അടിമുടി മാറി ജനസൗഹൃദമാകാന്‍ ഒരുങ്ങി ഡബ്ലിന്‍ ബസ്    കോര്‍ക്ക് സെക്കണ്ടറി സ്‌കൂളില്‍ വിദ്യാര്‍ഥികളിക്കിടയില്‍ ക്ഷയരോഗബാധ കണ്ടെത്തി; സ്‌കൂള്‍ ജീവനക്കാര്‍ ഉള്‍പ്പെടെ നിരവധിപേര്‍ നിരീക്ഷണത്തില്‍; കടുത്ത ജാഗ്രതാ നിര്‍ദ്ദേശം നല്‍കി എച്ച്.എസ്.ഇ    പത്തു ദിവസം പ്രായമുള്ള കുഞ്ഞുമായി യുഎസ് സെനറ്റിലെത്തി ടാമി ഡക്വര്‍ത്ത് ചരിത്രമെഴുതി    വിമാനങ്ങളിലെ കാര്‍ഗോ ഹോള്‍ഡുകളില്‍ എയര്‍ബസ് സ്ലീപിംഗ് ബെര്‍ത്തുകള്‍ സ്ഥാപിക്കുന്നു    ഇന്ത്യയിലെ സ്ത്രീകളുടേയും പെണ്‍കുട്ടികളുടേയും കാര്യം ശ്രദ്ധിക്കൂ; മോദിയോട് ഐഎംഎഫ് മേധാവി   

കില്‍ക്കെനിയെ മെക്കയാക്കാന്‍ അനുവദിക്കില്ല: മുസ്ലിം പള്ളി നിര്‍മ്മാണത്തിനെതിരെ സമീപവാസികളുടെ പ്രതിഷേധം ശക്തമാവുന്നു.

Updated on 14-04-2018 at 10:26 am

കില്‍ക്കെനി: കില്‍ക്കെനിയില്‍ മുസ്ലിം പള്ളി നിര്‍മ്മാണവുമായി ബന്ധപ്പെട്ട് വിളിച്ചുചേര്‍ത്ത പ്രദേശവാസികളുടെ യോഗത്തില്‍ പള്ളി നിര്‍മ്മാണത്തിനെതിരെ പ്രതിഷേധം അലയടിച്ചു. 90 ശതമാനത്തോളം പേര്‍ നിര്‍മ്മാണത്തെ ശക്തമായ ഭാഷയില്‍ എതിര്‍ക്കുകയായിരുന്നു. പള്ളി നിര്‍മ്മാണവുമായി ബന്ധപ്പെട്ട സമീപവാസികളുടെ സംശയത്തിന് ഉത്തരം നല്‍കാന്‍ ഇമാം ഇബ്രാഹിം ഡോറി സ്ഥലത്തെത്തിയിരുന്നു.

ഇതുമായി ബന്ധപ്പെട്ട മറ്റു സംശയ നിവാരണങ്ങള്‍ക്ക് ചീഫ് ആര്‍ക്കിടെക്റ്റും സ്ഥലത്തെത്തിയിരുന്നു. പ്രദേശത്തു കമ്മ്യൂണിറ്റി ഹാള്‍, പള്ളി, ലൈബ്രറി, റെസിഡന്‍ഷ്യല്‍ അക്കൊമൊഡേഷന്‍, ഹലാല്‍ ഷോപ്പ്, കമ്മ്യൂണിറ്റി കഫേ എന്നിവ അടങ്ങുന്ന കെട്ടിട നിര്‍മ്മാണമാണ് ലക്ഷ്യം വെയ്ക്കുന്നത്. പള്ളി നിര്‍മ്മാണം പൂര്‍ത്തിയാവുന്നതോടെ ഇവിടെ ഗതാഗത സംവിധാനം ഭാഗികമായി തടസ്സപ്പെടും.

മാത്രമല്ല നിലവില്‍ ഗതാഗത കുരുക്ക് അനുഭവപ്പെടുന്ന ഈ ഭാഗത്ത് കെട്ടിടം കൂടി വരുന്നതോടെ പെഡസ്ട്രിയന്‍, പാര്‍ക്കിങ് ഏര്യകളും കുറയും. നിര്‍മ്മാണവുമായി ബന്ധപ്പെട്ട് റെസിഡന്‍ഷ്യല്‍ മേഖലയില്‍ നടത്തിയ സര്‍വേയില്‍ ഭൂരിഭാഗവും പള്ളി നിര്‍മ്മാണത്തെ എതിര്‍ക്കുന്നവരാണെന്ന് കണ്ടെത്തി. ഒരു മതവിഭാഗത്തിന്റെ മാത്രം ഹബ്ബായി കില്‍ക്കെനി മാറുമെന്ന ആരോപണവും ഉയര്‍ന്നു വന്നു.

രണ്ട് വര്‍ഷത്തോളമായി മുസ്ലിം കമ്മ്യൂണിറ്റിയുടെ പ്രതീക്ഷയാണ് ഈ പള്ളി നിര്‍മ്മാണമെന്ന് ഇമാം ചൂണ്ടിക്കാണിച്ചപ്പോള്‍ ഗതാഗത സംവിധാനങ്ങളെയും മറ്റും വെല്ലുവിളിച്ച് നഗര മധ്യത്തില്‍ തന്നെ നിര്‍മ്മാണത്തിന് നിര്‍ബന്ധം പിടിക്കുന്നതിന്റെ കാരണം എന്താണെന്ന് സമീപവാസികളില്‍ ഒരാള്‍ ചോദിക്കുകയാണുണ്ടായത്. കില്‍ക്കെനിയെ മെക്കയാക്കാന്‍ അനുവദിക്കില്ലെന്നും ഒരു വിഭാഗം അഭിപ്രായപ്പെട്ടതോടെ രണ്ട് മണിക്കൂര്‍ നീണ്ട ചര്‍ച്ച പള്ളിക്കെതിരെയുള്ള പ്രതിഷേധമായി രൂപപ്പെടുകയായിരുന്നു.

ഡികെ

 

 

 

 

 

 

 

 

comments


 

Other news in this section