Wednesday, September 19, 2018
Latest News
പീഡനക്കേസില്‍ ബിഷപ്പ് ഫ്രാങ്കോ മുളക്കലിനെ ചോദ്യം ചെയ്തു തുടങ്ങി    പുതിയ ഇറക്കുമതി നികുതി; ചൈനയ്‌ക്കെതിരെ വ്യാപാരയുദ്ധം ശക്തമാക്കി അമേരിക്ക    മുത്തലാഖ് ക്രിമിനല്‍ കുറ്റം; ഓര്‍ഡിനന്‍സിന് മന്ത്രിസഭയുടെ അംഗീകാരം    ബ്രെക്‌സിറ്റ്: ഐറിഷ് അതിര്‍ത്തി നിലപാട് മാറ്റാന്‍ യൂറോപ്യന്‍ യൂണിയന്‍ ബ്രസല്‍സ്: ബ്രെക്‌സിറ്റ് ചര്‍ച്ചകളില്‍ കീറാമുട്ടിയായി നില്‍ക്കുന്ന ഐറിഷ് അതിര്‍ത്തി സംബന്ധിച്ച വിഷയത്തില്‍ യൂറോപ്യന്‍ യൂണിയന്‍ നിലപാട് മാറ്റാന്‍ തയാറാകുന്നു. യുകെയുടെ പരമാധികാരത്തെ മാനിച്ചു കൊണ്ടുള്ള തീരുമാനം മാത്രമേ ഇക്കാര്യത്തില്‍ സ്വീകരിക്കൂ എന്ന് യൂറോപ്യന്‍ യൂണിയന്റെ ചര്‍ച്ചാ സംഘത്തിനു നേതൃത്വം നല്‍കുന്ന മിച്ചല്‍ ബാര്‍നിയര്‍ ഉറപ്പു നല്‍കി. ഇയുവുമായുള്ള അയര്‍ലണ്ടിന്റെ ബന്ധം പാറപോലെ ഉറച്ചതെന്നും നേരത്തെ പറഞ്ഞുറപ്പിച്ചപോലെ തന്നെ ഇയുവും ബ്രിട്ടീഷ് ഗവണ്മെന്റുമായുള്ള കരാറുകള്‍ അടുത്ത മാര്‍ച്ചില്‍ പൂര്‍ത്തിയാകുമെന്നും ഐറിഷ് വിദേശകാര്യ മന്ത്രി സൈമണ്‍ കോവ്നി വാര്‍ത്താ സമ്മേളനത്തില്‍ അറിയിച്ചു. ബ്രെക്‌സിറ്റിന് ശേഷം അയര്‍ലണ്ടും യുകെയും തമ്മില്‍ വേര്‍തിരിക്കുന്ന നോര്‍ത്തേണ്‍ അയര്‍ലന്റിലെ 310 മൈല്‍ അതിര്‍ത്തി സംബന്ധിച്ച ചര്‍ച്ചകള്‍ ബ്രെക്‌സിറ്റിന്റെ തുടക്കം മുതലേ ആരംഭിച്ചതാണ്. ആയിരക്കണക്കിന് ജനകളാണ് ദിവസവും ഈ അതിര്‍ത്തിയിലൂടെ ഇരു വശത്തേക്കും കടന്നുപോകുന്നത്. ആഹാരസാധനങ്ങളും, മരുന്നുകളും മറ്റ് ഉത്പന്നങ്ങളും ഇതുവഴി കടന്നുവരുണ്ട്. നിലയില്‍ ഇയു സിംഗിള്‍ മാര്‍ക്കറ്റിന്റെ ഭാഗമായതിനാല്‍ ഇത് പ്രത്യേക പരിശോധനകള്‍ക്കും വിധേയമാകാറില്ല. എന്നാല്‍ ബ്രെക്‌സിറ്റ് നടപ്പാകുന്നതോടെ ഈ പ്രവര്‍ത്തനങ്ങള്‍ക്കെല്ലാം തിരശീല വീഴും. അതിനാലാണ് ഹാര്‍ഡ് ബോര്‍ഡര്‍ ബ്രെക്‌സിറ്റിനെ പലരും എതിര്‍ക്കുന്നത്. ബ്രെക്‌സിറ്റ് നടപ്പാക്കുന്നതിന് താന്‍ അവതരിപ്പിച്ച പദ്ധതികള്‍ക്ക് ബ്രിട്ടീഷ് പ്രധാനമന്ത്രി തെരേസ മേയ് യൂറോപ്യന്‍ നേതാക്കളുടെ പിന്തുണ ആര്‍ജിക്കാനുള്ള ഊര്‍ജിത ശ്രമം തുടരുന്നതിനിടെയാണ് ബാര്‍നിയറുടെ വാഗ്ദാനം. ബുധനാഴ്ച സാല്‍സ്ബര്‍ഗില്‍ നടക്കുന്ന അത്താഴ വിരുന്നില്‍, ചെക്കേഴ്‌സ് പ്‌ളാന്‍ എന്നറിയപ്പെടുന്ന തന്റെ പദ്ധതിക്ക് കൂടുതല്‍ പിന്തുണ സ്വരൂപിക്കാനായിരിക്കും തെരേസ ശ്രമിക്കുക. തന്റെ പദ്ധതി നടപ്പായില്ലെങ്കില്‍, ഒരു കരാറുമില്ലാതെ യൂറോപ്യന്‍ യൂണിയനില്‍നിന്ന് വിട്ടുമാറാന്‍ യുകെ നിര്‍ബന്ധിതമാകുമെന്നാണ് തെരേസ നല്‍കുന്ന മുന്നറിയിപ്പ്. എന്നാല്‍, രാജ്യത്തിനുള്ളില്‍ പോലും തെരേസയുടെ പദ്ധതിക്ക് വ്യാപകമായ അംഗീകാരം ലഭിച്ചിട്ടുമില്ല. അതേസമയം ബ്രെക്‌സിറ്റ് നടപടിക്രമങ്ങള്‍ പൂര്‍ത്തിയാക്കുന്നതിന് യൂറോപ്യന്‍ യൂണിയന്‍ ബ്രിട്ടന് കൂടുതല്‍ സമയം അനുവദിച്ചേക്കുമെന്ന റിപ്പോര്‍ട്ടുകളുമുണ്ട്. കരാറില്ലാതെ ബ്രെക്‌സിറ്റ് പൂര്‍ത്തികുന്ന സാഹചര്യം ഒഴിവാക്കുന്നതിനാണിതെന്നും മുന്‍ ഉപപ്രധാനമന്ത്രി സര്‍ നിക്ക് ക്‌ളെഗ് പറഞ്ഞു. പ്രധാനമന്ത്രി തെരേസ മേയ് അവതരിപ്പിച്ച ചെക്കേഴ്‌സ് പ്‌ളാന്‍ ബ്രിട്ടിഷ് പാര്‍ലമെന്റ് പാസാക്കുമെന്ന് ഉറപ്പില്ല. ഇതു നിരാകരിക്കപ്പെടുമെന്നു തന്നെയാണ് താന്‍ പ്രതീക്ഷിക്കുന്നതെന്നും ക്‌ളെഗ് വ്യക്തമാക്കി. എന്നാല്‍, ഈ കരാര്‍ ഇല്ലെങ്കില്‍ കരാറില്ലാതെ യൂണിയനില്‍നിന്നു പിന്‍മാറേണ്ടി വരുമെന്ന തെരേസയുടെ പ്രഖ്യാപനവും അദ്ദേഹം നിരാകരിച്ചു. ഇപ്പോഴത്തെ ധാരണയനുസരിച്ച് അടുത്ത വര്‍ഷം മാര്‍ച്ച് 29നാണ് ബ്രെക്‌സിറ്റ് നടപടിക്രമങ്ങള്‍ പൂര്‍ത്തിയാകേണ്ടത്. ബ്രെക്‌സിറ്റ് കരാര്‍ സംബന്ധിച്ച് ജനഹിത പരിശോധന നടത്തണമെന്ന് ആവശ്യപ്പെടുന്നവരുടെ മുന്‍നിരയിലാണ് ക്‌ളെഗ്. ജര്‍മനിയുടെയും ഫ്രാന്‍സിന്റെയും നിലപാടുകളില്‍ അയവ് കാണുന്നുണ്ടെന്നും, ഇതാണ് സമയം നീട്ടിക്കിട്ടാന്‍ സാധ്യതയുണ്ടെന്ന നിരീക്ഷണത്തിനു പിന്നിലെന്നും അദ്ദേഹം വിശദീകരിക്കുന്നു. എ എം    കണ്ണൂര്‍ വിമാനത്താവളത്തിന്റെ സ്വപ്ന സാക്ഷാത്കാരത്തിന് തടസമായി ഉത്തരേന്ത്യന്‍ ലോബിയുടെ കളികള്‍   

കാറ്റലോണിയയുടെ സ്വാതന്ത്ര്യപ്രഖ്യാപനം; ഭരണമേറ്റെടുക്കാന്‍ സ്പെയിന്‍ ആലോചിക്കുന്നു

Updated on 12-10-2017 at 8:58 am

 

കാറ്റലോണിയയുടെ സ്വയംഭരണാധികാരം പിന്‍വലിക്കുമെന്ന് സ്?പാനിഷ് പ്രധാനമന്ത്രി മരിയാനോ റഹോയിയുടെ മുന്നറിയിപ്പ്. കാറ്റലോണിയയുടെ വിട്ടുപോകല്‍ ഒഴിവാക്കാന്‍ തന്റെ അധികാരപരിധിയില്‍ നിന്നുകൊണ്ട് സാധ്യമായതെല്ലാം ചെയ്യുമെന്ന് അദ്ദേഹം പറഞ്ഞു.

ചൊവ്വാഴ്ചത്തെ പാര്‍ലമെന്റ് സമ്മേളനത്തില്‍ കാറ്റലന്‍ പ്രസിഡന്റ് കാര്‍ലസ് പുജ്ഡമൊന്‍ ‘കാറ്റലോണിയ സ്വതന്ത്രരാജ്യമാക്കുന്നതിന്’ ജനം നല്‍കിയ അനുമതിയെ അംഗീകരിക്കുന്നതായി പറഞ്ഞിരുന്നു. സ്പെയിനിലെ കേന്ദ്രസര്‍ക്കാരുമായി ചര്‍ച്ച നടത്തുന്നതിനായി സ്വാതന്ത്ര്യപ്രഖ്യാപനം മാറ്റിവെക്കുകയാണെന്നും അദ്ദേഹം പറഞ്ഞു. ഇതിനുപിന്നാലെ അദ്ദേഹവും സഖ്യകക്ഷികളും സ്വാതന്ത്ര്യപ്രഖ്യാപനത്തില്‍ ഒപ്പിട്ടു. ഈ ഒപ്പിടല്‍ പ്രതീകാത്മകം മാത്രമാണെന്ന് കാറ്റലന്‍ സര്‍ക്കാരിന്റെ വക്താവ് ജോര്‍ഡി ടുറുള്‍ പറഞ്ഞു.

പുജ്ഡമൊന്റെ പ്രസംഗത്തിനുപിന്നാലെ റഹോയി പാര്‍ലമെന്റിന്റെ അടിയന്തരയോഗം വിളിച്ചു. ഇതിനുശേഷം നടത്തിയ പ്രസംഗത്തില്‍, വാസ്തവത്തില്‍ സ്വാതന്ത്ര്യം പ്രഖ്യാപിച്ചോയെന്ന് അദ്ദേഹം പുജ്ഡമൊനോട് ചോദിച്ചു. ഇക്കാര്യത്തില്‍ കാറ്റലന്‍ സര്‍ക്കാരിനോട് വ്യക്തത തേടാന്‍ പാര്‍ലമെന്റ് തീരുമാനിച്ചു. പുജ്ഡമൊന്റെ മറുപടിയനുസരിച്ചാവും ഭാവികാര്യങ്ങള്‍ തീരുമാനിക്കുകയെന്ന് റഹോയി പറഞ്ഞു. രാജ്യത്ത് അരക്ഷിതാവസ്ഥയുണ്ടാവുന്ന സാഹചര്യത്തില്‍ കാറ്റലോണിയയുടെ സ്വയംഭരണാധികാരം റദ്ദാക്കാന്‍ സ്?പാനിഷ് ഭരണഘടനയുടെ 155-ാം അനുച്ഛേദം അനുസരിച്ച് സ്പെയിനിനു കഴിയും.

കാറ്റലോണിയ പ്രതിസന്ധി പരിഹരിക്കാന്‍ ഭരണഘടനാ പരിഷ്‌കരണം സാധ്യമാണോയെന്ന് പഠിക്കാന്‍ പ്രതിപക്ഷവും സര്‍ക്കാരും തീരുമാനിച്ചതായി പ്രതിപക്ഷ കക്ഷിയായ സോഷ്യലിസ്റ്റ് പാര്‍ട്ടിയുടെ നേതാവ് പെഡ്രോ സാഞ്ചസ് പറഞ്ഞു. കാറ്റലോണിയയെ എങ്ങനെ സ്പെയിനില്‍ നിര്‍ത്താനാവുമെന്നാണ് നോക്കുന്നതെന്നും അദ്ദേഹം പറഞ്ഞു. സ്വതന്ത്രമാകാനുള്ള നിശ്ചയം ഉപേക്ഷിക്കാതെ കാറ്റലോണിയയുമായി ചര്‍ച്ചയില്ലെന്ന നിലപാടിലാണ് സ്പെയിന്‍.

സ്?പാനിഷ് ഭരണഘടനാക്കോടതിയുടെ എതിര്‍പ്പ് വകവെക്കാതെ ഒക്ടോബര്‍ ഒന്നിനാണ് കാറ്റലോണിയ ഹിതപരിശോധന നടത്തിയത്. ഇതില്‍ പങ്കെടുത്ത 92 ശതമാനം പേരും കാറ്റലോണിയ സ്പെയിന്‍ വിടുന്നതിനെ അനുകൂലിച്ചെന്നാണ് കാറ്റലന്‍ സര്‍ക്കാരിന്റെ നിലപാട്.

 

ഡികെ

 

comments


 

Other news in this section