Friday, April 20, 2018
Latest News
ഡബ്ലിന്‍ ബസ്സുകള്‍ക്ക് ഇനി സുവര്‍ണ്ണകാലം: റൂട്ട് റദ്ദാക്കല്‍ ഇനി ഉണ്ടാവില്ല; അടിമുടി മാറി ജനസൗഹൃദമാകാന്‍ ഒരുങ്ങി ഡബ്ലിന്‍ ബസ്    കോര്‍ക്ക് സെക്കണ്ടറി സ്‌കൂളില്‍ വിദ്യാര്‍ഥികളിക്കിടയില്‍ ക്ഷയരോഗബാധ കണ്ടെത്തി; സ്‌കൂള്‍ ജീവനക്കാര്‍ ഉള്‍പ്പെടെ നിരവധിപേര്‍ നിരീക്ഷണത്തില്‍; കടുത്ത ജാഗ്രതാ നിര്‍ദ്ദേശം നല്‍കി എച്ച്.എസ്.ഇ    പത്തു ദിവസം പ്രായമുള്ള കുഞ്ഞുമായി യുഎസ് സെനറ്റിലെത്തി ടാമി ഡക്വര്‍ത്ത് ചരിത്രമെഴുതി    വിമാനങ്ങളിലെ കാര്‍ഗോ ഹോള്‍ഡുകളില്‍ എയര്‍ബസ് സ്ലീപിംഗ് ബെര്‍ത്തുകള്‍ സ്ഥാപിക്കുന്നു    ഇന്ത്യയിലെ സ്ത്രീകളുടേയും പെണ്‍കുട്ടികളുടേയും കാര്യം ശ്രദ്ധിക്കൂ; മോദിയോട് ഐഎംഎഫ് മേധാവി   

കാന്‍ബറയിലെ സീറോ മലബാര്‍ യുവജനങ്ങള്‍ വേള്‍ഡ് ഗ്രേറ്റസ്റ്റ് ഷേവില്‍ പങ്കാളികളായി

Updated on 13-04-2018 at 4:38 pm

കാന്‍ബറ: ഓസ്‌ട്രേലിയന്‍ തലസ്ഥാനമായ കാന്‍ബറയിലെ സീറോ മലബാര്‍ യുവജനങ്ങള്‍ ലുക്കേമിയ ഫൗണ്ടേഷന്റെ വേള്‍ഡ് ഗ്രേറ്റസ്റ്റ് ഷേവില്‍ പങ്കാളികളായി സാമൂഹിക സേവനരംഗത്തു മാതൃകയായി.

സ്വന്തം തലമുടി ഷേവ് ചെയ്തു അതിന്റെ സ്‌പോണ്‍സര്‍ഷിപ്പ് വഴി പണം സമാഹരിച്ചു ലുക്കീമിയ ഫൗണ്ടേഷന്റെ പ്രവര്‍ത്തനത്തിന് നല്‍കുകയാണ് പദ്ധതി. കാന്‍ബറ സെന്റ്. അല്‍ഫോന്‍സാ സീറോ മലബാര്‍ ഇടവകയിലെ സീറോ മലബാര്‍ യൂത്ത് മൂവ്‌മെന്റ് അംഗങ്ങളാണ് ഓസ്‌ട്രേലിയന്‍ യുവജനങ്ങള്‍ക്ക് ആകെ മാതൃക ആയത്. വികാരിയും സംഘടന ഡയറക്ടറുമായ ഫാ. മാത്യു കുന്നപ്പിള്ളിയുടെ നേതൃത്വത്തില്‍ നടന്ന വേള്‍ഡ് ഗ്രേറ്റസ്‌റ് ഷേവ് വഴി ഇതുവരെ 6657 ഡോളര്‍ സമാഹരിക്കുവാന്‍ സംഘടനക്ക് കഴിഞ്ഞു. 8000 ഡോളര്‍ സമാഹരിക്കുകയാണ് ലക്ഷ്യം. ഇത്തരത്തില്‍ സമാഹരിക്കുന്ന മുഴുവന്‍ തുകയും ലുക്കീമിയ ഫൗണ്ടേഷന്റെ പ്രവര്‍ത്തനങ്ങള്‍ക്കായി നല്‍കും. ഒരു യുവതിയടക്കം ഇതില്‍ പങ്കെടുത്തു.

ഫാ. മാത്യു കുന്നപ്പിള്ളില്‍, ജെസ്റ്റിന്‍ സി. ടോം, ഫ്രാങ്ക്‌ളിന്‍ വില്‍സണ്‍, ഡെറിക് മാത്യു, ജെയ്‌സ് ജോസഫ് പെരുന്നിലത്തില്‍, ആല്‍ഫ്രഡ് ജെയിംസ്, കെല്‍വിന്‍ അബ്രഹാം, കെവിന്‍ അബ്രഹാം, തോമസ്‌കുട്ടി മാത്യു, അഗസ്റ്റിന്‍ ബെന്നി, എഡ്‌വിന്‍ തോമസ്, ജോയല്‍ ബിജു, അഭിഷേക് ബെന്നി, പ്രിന്‍സ് സെബാസ്റ്റ്യന്‍, ഫിഡല്‍ അഗസ്റ്റിന്‍, ആല്‍ബര്‍ട്ട് ജെയിംസ് , ജെയിംസ് ഇഗ്‌നെഷിയസ് എന്നിവരാണ് വേള്‍ഡ് ഗ്രേറ്റസ്റ്റ് ഷേവില്‍ പങ്കാളികളായത്.

വാര്‍ത്ത: ജോമി പുലവേലില്‍ .

comments


 

Other news in this section