Monday, June 24, 2019
Latest News
യു.എസ്സിന് വേണ്ടി ചാരപ്പണി; ഇറാന്‍ മുന്‍ സൈനിക ഉദ്യോഗസ്ഥനെ വധിച്ചു    പ്രവാസികള്‍ക്ക് നാട്ടിലെത്താതെ തന്നെ വോട്ട് രേഖപെടുത്താം : പ്രോക്‌സി വോട്ടിംഗ് ബില്ല് അവതരണം ഇന്ന് നടന്നേക്കുമെന്ന് സൂചന    ഇന്ത്യയില്‍ മത ന്യൂനപക്ഷങ്ങള്‍ക്കെതിരെ അതിക്രമം: യു.എസ് റിപ്പോര്‍ട്ട്; അംഗീകരിക്കാനാവില്ലെന്ന് വിദേശകാര്യ മന്ത്രാലയം…    രണ്ടാം ലോകമഹായുദ്ധത്തിലെ ‘നാസി പരുന്തി’ന്റെ വെങ്കല പ്രതിമ: ഉടന്‍ വിളിക്കണമെന്ന് ഉറുഗ്വായ് ഗവണ്‍മെന്റിനോട് കോടതി    ഡബ്ലിനില്‍ സെന്റ് മൈക്കിള്‍ ഹോസ്പിറ്റലില്‍ കാര്‍ പാര്‍ക്കിങ്ങിന് അന്യായ നിരക്ക് : ഒരു ദിവസത്തേക്ക് നല്‍കേണ്ടത് 48 യൂറോ   

കണ്ണൂര്‍ വിമാനത്താവളത്തില്‍ നിന്നും കൂടുതല്‍ രാജ്യാന്തര സര്‍വീസ് ഉടന്‍

Updated on 10-01-2019 at 10:33 am

കണ്ണൂര്‍ വിമാനത്താവളത്തില്‍ നിന്നും കൂടുതല്‍ രാജ്യാന്തര സര്‍വീസ് ഉടന്‍ ആരംഭിക്കും . ഫെബ്രുവരി ഒന്നു മുതല്‍ മസ്‌കത്ത്,അബുദബി എന്നിവിടങ്ങളിലേക്ക് സര്‍വീസ് ആരംഭിക്കുമെന്ന് ഗോ എയര്‍ അറിയിച്ചു. ഇതിനൊപ്പം സിംഗപ്പൂര്‍, മലേഷ്യ, ബാങ്കോക്ക്, കൊളംബോ, മാലിദ്വീപ് എന്നിവിടങ്ങളിലേക്കും സര്‍വീസ് ആരംഭിക്കാനുളള തയ്യാറെടുപ്പിലാണ് കിയാല്‍ അധികൃതര്‍.

നിലവില്‍ എയര്‍ ഇന്ത്യ എക്‌സ്പ്രസ് മാത്രമാണ് കണ്ണൂരില്‍ നിന്നും രാജ്യാന്തര സര്‍വീസ് നടത്തുന്നത്. ഫെബ്രുവരി ഒന്നുമുതല്‍ സ്വകാര്യ വിമാന കമ്പനിയായ ഗോ എയറും കണ്ണൂരില്‍ നിന്ന് ഗള്‍ഫ് സര്‍വീസ് ആരംഭിക്കും. ഗള്‍ഫ് വഴി യാത്ര ചെയ്യുന്ന യൂറോപ്പ്, അമേരിക്കന്‍ പ്രവാസികള്‍ക്കും ഇത് ഗുണം ചെയ്യും. നിലവില്‍ അമേരിക്ക, യൂറോപ്പ് യാത്രക്കാര്‍ ഗള്‍ഫ് ഇടത്താവളം ആക്കിയാണ് യാത്ര ചെയ്യുന്നത്. മസ്‌ക്കത്ത്,അബൂദാബി എന്നിവിടങ്ങളിലേക്കാണ് ആദ്യ ഘട്ട സര്‍വീസ്.

കൂടുതല്‍ ഗള്‍ഫ് രാജ്യങ്ങളിലേക്കും സിംഗപ്പൂര്‍,മലേഷ്യ,ബാങ്കോക്ക്,കൊളംബോ,മാലിദ്വീപ് എന്നിവിടങ്ങളിലേക്കും ഉടന്‍ സര്‍വീസ് ആരംഭിക്കാനുളള തയ്യാറെടുപ്പിലാണ് കണ്ണൂര്‍ വിമാനത്താവള അധികൃതര്‍. ഈ മാസം 21ന് തിരുവനന്തപുരത്ത് മുഖ്യമന്ത്രിയുടെ സാന്നിധ്യത്തില്‍ നടക്കുന്ന യോഗത്തില്‍ ഇത് സംബന്ധിച്ച തീരുമാനമുണ്ടായേക്കും. വിമാനത്താവളം പ്രവര്‍ത്തനം തുടങ്ങി ഒരുമാസം പിന്നിടുമ്പോള്‍ 42667 യാത്രക്കാര്‍ കണ്ണൂര്‍ വഴി യാത്ര ചെയ്തു. ഉദ്ഘാടന ദിവസം മുതല്‍ ഡിസംബര്‍ എട്ട് വരെ 123 രാജ്യന്തര സര്‍വീസുകളും 163 ആഭ്യന്തര സര്‍വീസുകളുമാണ് കണ്ണൂരില്‍ നിന്ന് നടന്നത്.

comments


 

Other news in this section