Wednesday, June 20, 2018
Latest News
തലസ്ഥാന നഗരിയില്‍ അനധികൃത മാലിന്യ നിക്ഷേപം വര്‍ദ്ധിക്കുന്നു    ലയണല്‍ മെസ്സിയെ മൈതാനത്ത് വച്ച് കൊലപ്പെടുത്തുന്ന പോസ്റ്ററുകളുമായി ഇസ്ലാമിക് സ്റ്റേറ്റ്; ലോകകപ്പ് ഫുട്ബോള്‍ സ്റ്റേഡിയങ്ങള്‍ തകര്‍ക്കുമെന്ന് ഭീഷണി    കരിപ്പൂര്‍ അന്താരാഷ്ട്ര വിമാനത്താവളത്തെ തരം താഴ്ത്താനുളള നീക്കം താത്കാലികമായി മരവിപ്പിച്ചു; നടപടിക്കെതിരെ പ്രവാസികള്‍ പ്രതിഷേധത്തില്‍    അണ്വായുധങ്ങള്‍ കൂടുതല്‍ പാകിസ്താന്; പ്രത്യാക്രമണ ശേഷിയില്‍ ഇന്ത്യ മുന്നില്‍; പീസ് റിസര്‍ച്ച് ഇന്‍സ്റ്റിറ്റ്യൂട്ടിന്റെ റിപ്പോര്‍ട്ട്    യുഎസില്‍ മലയാളി യുവാവിന്റെ മരണത്തില്‍ യുഎസ് പൗരന്‍ കുറ്റക്കാരനാണെന്ന് കോടതി; നിയമ യുദ്ധങ്ങള്‍ക്കൊടുവില്‍ നേടിയ വിധി   

ഓസ്ട്രേലിയയില്‍ വിസ നിയമം മാറുന്നു: നേഴ്സുമാരെയും ബാധിക്കും.

Updated on 24-03-2018 at 1:13 pm

സിഡ്നി: വിദേശ വിസാ നിയമങ്ങള്‍ക്ക് ഓസ്ട്രേലിയന്‍ സര്‍ക്കാര്‍ നിയന്ത്രണം ഏര്‍പ്പെടുത്തുന്നു. ഓസ്ട്രേലിയയില്‍ സ്വദേശികളായ തൊഴിലാളികളുടെ എണ്ണം കുറയുമ്പോള്‍ വിദേശ തൊഴിലാളികള്‍ക്ക് വന്‍ അവസരം ഒരുക്കുന്ന വിസക്കാണ് നിയന്ത്രണം ഏര്‍പ്പെടുത്തിയത്. 4 വര്‍ഷം വരെ തൊഴിലെടുക്കാന്‍ വ്യവസ്ഥ ചെയ്യുന്ന 457 വിസയാണ് അടിമുടി മാറ്റത്തിന് തയ്യാറെടുക്കുന്നത്.

ഓസ്ട്രേലിയയില്‍ തൊഴിലില്ലായ്മ വര്‍ധിച്ചുവരുന്ന സാഹചര്യത്തിലാണ് വിസ നിയന്ത്രണം ഏര്‍പ്പെടുത്തുന്നതെന്ന് പ്രധാനമന്ത്രി മാല്‍ക്കം ടേണ്‍ബുള്‍ അറിയിച്ചു. പുതിയ നിയന്ത്രണങ്ങള്‍ നിലവില്‍ വരുന്നതോടെ വിദേശ തൊഴിലാളികള്‍ക്ക് വേണ്ടി തയ്യാറാക്കിയ ഷോര്‍ട് ടെം, മീഡിയം ടെം വിസയുടെ കാലാവധിയിലും മാറ്റം വരും.

ഓസ്ട്രേലിയയിലേക്ക് തൊഴിലന്വേഷിച്ച് പോകുന്ന ഇന്ത്യക്കാര്‍ക്ക് പുതിയ നിയമം വന്‍ തിരിച്ചടിയാകും. കുടുംബത്തോടൊപ്പം ദീര്‍ഘകാലം ഓസ്ട്രേലിയയില്‍ താങ്ങാനുള്ള സാഹചര്യവും ഇല്ലാതാവും. ഓസ്ട്രേലിയയില്‍ ചേക്കേറാനൊരുങ്ങുന്ന നേഴ്സുമാരെയും ഈ നിയമം പ്രതികൂലമായി ബാധിക്കും. ഭാഷാ നൈപുണ്യത്തെ ഉയര്‍ന്ന സ്‌കോര്‍ നേടുന്നത് ഉള്‍പ്പെടെ കടുത്ത നിയന്ത്രണങ്ങളാണ് വരാനിരിക്കുന്നത്.

ഡികെ

comments


 

Other news in this section