Wednesday, September 19, 2018
Latest News
പീഡനക്കേസില്‍ ബിഷപ്പ് ഫ്രാങ്കോ മുളക്കലിനെ ചോദ്യം ചെയ്തു തുടങ്ങി    പുതിയ ഇറക്കുമതി നികുതി; ചൈനയ്‌ക്കെതിരെ വ്യാപാരയുദ്ധം ശക്തമാക്കി അമേരിക്ക    മുത്തലാഖ് ക്രിമിനല്‍ കുറ്റം; ഓര്‍ഡിനന്‍സിന് മന്ത്രിസഭയുടെ അംഗീകാരം    ബ്രെക്‌സിറ്റ്: ഐറിഷ് അതിര്‍ത്തി നിലപാട് മാറ്റാന്‍ യൂറോപ്യന്‍ യൂണിയന്‍ ബ്രസല്‍സ്: ബ്രെക്‌സിറ്റ് ചര്‍ച്ചകളില്‍ കീറാമുട്ടിയായി നില്‍ക്കുന്ന ഐറിഷ് അതിര്‍ത്തി സംബന്ധിച്ച വിഷയത്തില്‍ യൂറോപ്യന്‍ യൂണിയന്‍ നിലപാട് മാറ്റാന്‍ തയാറാകുന്നു. യുകെയുടെ പരമാധികാരത്തെ മാനിച്ചു കൊണ്ടുള്ള തീരുമാനം മാത്രമേ ഇക്കാര്യത്തില്‍ സ്വീകരിക്കൂ എന്ന് യൂറോപ്യന്‍ യൂണിയന്റെ ചര്‍ച്ചാ സംഘത്തിനു നേതൃത്വം നല്‍കുന്ന മിച്ചല്‍ ബാര്‍നിയര്‍ ഉറപ്പു നല്‍കി. ഇയുവുമായുള്ള അയര്‍ലണ്ടിന്റെ ബന്ധം പാറപോലെ ഉറച്ചതെന്നും നേരത്തെ പറഞ്ഞുറപ്പിച്ചപോലെ തന്നെ ഇയുവും ബ്രിട്ടീഷ് ഗവണ്മെന്റുമായുള്ള കരാറുകള്‍ അടുത്ത മാര്‍ച്ചില്‍ പൂര്‍ത്തിയാകുമെന്നും ഐറിഷ് വിദേശകാര്യ മന്ത്രി സൈമണ്‍ കോവ്നി വാര്‍ത്താ സമ്മേളനത്തില്‍ അറിയിച്ചു. ബ്രെക്‌സിറ്റിന് ശേഷം അയര്‍ലണ്ടും യുകെയും തമ്മില്‍ വേര്‍തിരിക്കുന്ന നോര്‍ത്തേണ്‍ അയര്‍ലന്റിലെ 310 മൈല്‍ അതിര്‍ത്തി സംബന്ധിച്ച ചര്‍ച്ചകള്‍ ബ്രെക്‌സിറ്റിന്റെ തുടക്കം മുതലേ ആരംഭിച്ചതാണ്. ആയിരക്കണക്കിന് ജനകളാണ് ദിവസവും ഈ അതിര്‍ത്തിയിലൂടെ ഇരു വശത്തേക്കും കടന്നുപോകുന്നത്. ആഹാരസാധനങ്ങളും, മരുന്നുകളും മറ്റ് ഉത്പന്നങ്ങളും ഇതുവഴി കടന്നുവരുണ്ട്. നിലയില്‍ ഇയു സിംഗിള്‍ മാര്‍ക്കറ്റിന്റെ ഭാഗമായതിനാല്‍ ഇത് പ്രത്യേക പരിശോധനകള്‍ക്കും വിധേയമാകാറില്ല. എന്നാല്‍ ബ്രെക്‌സിറ്റ് നടപ്പാകുന്നതോടെ ഈ പ്രവര്‍ത്തനങ്ങള്‍ക്കെല്ലാം തിരശീല വീഴും. അതിനാലാണ് ഹാര്‍ഡ് ബോര്‍ഡര്‍ ബ്രെക്‌സിറ്റിനെ പലരും എതിര്‍ക്കുന്നത്. ബ്രെക്‌സിറ്റ് നടപ്പാക്കുന്നതിന് താന്‍ അവതരിപ്പിച്ച പദ്ധതികള്‍ക്ക് ബ്രിട്ടീഷ് പ്രധാനമന്ത്രി തെരേസ മേയ് യൂറോപ്യന്‍ നേതാക്കളുടെ പിന്തുണ ആര്‍ജിക്കാനുള്ള ഊര്‍ജിത ശ്രമം തുടരുന്നതിനിടെയാണ് ബാര്‍നിയറുടെ വാഗ്ദാനം. ബുധനാഴ്ച സാല്‍സ്ബര്‍ഗില്‍ നടക്കുന്ന അത്താഴ വിരുന്നില്‍, ചെക്കേഴ്‌സ് പ്‌ളാന്‍ എന്നറിയപ്പെടുന്ന തന്റെ പദ്ധതിക്ക് കൂടുതല്‍ പിന്തുണ സ്വരൂപിക്കാനായിരിക്കും തെരേസ ശ്രമിക്കുക. തന്റെ പദ്ധതി നടപ്പായില്ലെങ്കില്‍, ഒരു കരാറുമില്ലാതെ യൂറോപ്യന്‍ യൂണിയനില്‍നിന്ന് വിട്ടുമാറാന്‍ യുകെ നിര്‍ബന്ധിതമാകുമെന്നാണ് തെരേസ നല്‍കുന്ന മുന്നറിയിപ്പ്. എന്നാല്‍, രാജ്യത്തിനുള്ളില്‍ പോലും തെരേസയുടെ പദ്ധതിക്ക് വ്യാപകമായ അംഗീകാരം ലഭിച്ചിട്ടുമില്ല. അതേസമയം ബ്രെക്‌സിറ്റ് നടപടിക്രമങ്ങള്‍ പൂര്‍ത്തിയാക്കുന്നതിന് യൂറോപ്യന്‍ യൂണിയന്‍ ബ്രിട്ടന് കൂടുതല്‍ സമയം അനുവദിച്ചേക്കുമെന്ന റിപ്പോര്‍ട്ടുകളുമുണ്ട്. കരാറില്ലാതെ ബ്രെക്‌സിറ്റ് പൂര്‍ത്തികുന്ന സാഹചര്യം ഒഴിവാക്കുന്നതിനാണിതെന്നും മുന്‍ ഉപപ്രധാനമന്ത്രി സര്‍ നിക്ക് ക്‌ളെഗ് പറഞ്ഞു. പ്രധാനമന്ത്രി തെരേസ മേയ് അവതരിപ്പിച്ച ചെക്കേഴ്‌സ് പ്‌ളാന്‍ ബ്രിട്ടിഷ് പാര്‍ലമെന്റ് പാസാക്കുമെന്ന് ഉറപ്പില്ല. ഇതു നിരാകരിക്കപ്പെടുമെന്നു തന്നെയാണ് താന്‍ പ്രതീക്ഷിക്കുന്നതെന്നും ക്‌ളെഗ് വ്യക്തമാക്കി. എന്നാല്‍, ഈ കരാര്‍ ഇല്ലെങ്കില്‍ കരാറില്ലാതെ യൂണിയനില്‍നിന്നു പിന്‍മാറേണ്ടി വരുമെന്ന തെരേസയുടെ പ്രഖ്യാപനവും അദ്ദേഹം നിരാകരിച്ചു. ഇപ്പോഴത്തെ ധാരണയനുസരിച്ച് അടുത്ത വര്‍ഷം മാര്‍ച്ച് 29നാണ് ബ്രെക്‌സിറ്റ് നടപടിക്രമങ്ങള്‍ പൂര്‍ത്തിയാകേണ്ടത്. ബ്രെക്‌സിറ്റ് കരാര്‍ സംബന്ധിച്ച് ജനഹിത പരിശോധന നടത്തണമെന്ന് ആവശ്യപ്പെടുന്നവരുടെ മുന്‍നിരയിലാണ് ക്‌ളെഗ്. ജര്‍മനിയുടെയും ഫ്രാന്‍സിന്റെയും നിലപാടുകളില്‍ അയവ് കാണുന്നുണ്ടെന്നും, ഇതാണ് സമയം നീട്ടിക്കിട്ടാന്‍ സാധ്യതയുണ്ടെന്ന നിരീക്ഷണത്തിനു പിന്നിലെന്നും അദ്ദേഹം വിശദീകരിക്കുന്നു. എ എം    കണ്ണൂര്‍ വിമാനത്താവളത്തിന്റെ സ്വപ്ന സാക്ഷാത്കാരത്തിന് തടസമായി ഉത്തരേന്ത്യന്‍ ലോബിയുടെ കളികള്‍   

ഓണ്‍ലൈനിലൂടെ ലഭിക്കുന്ന അബോര്‍ഷന്‍ മരുന്നുകള്‍ക്ക് പ്രീയമേറുന്നു: മുന്നറിയിപ്പുമായി ഡബ്ല്യൂ.എച്ച്.ഒ

Updated on 12-10-2017 at 9:25 am

ഡബ്ലിന്‍: ഗര്‍ഭഛിദ്ര ഔഷധങ്ങള്‍ ഓണ്‍ലൈന്‍ വഴി വാങ്ങിക്കുന്നവരുടെ എണ്ണത്തില്‍ റിക്കോര്‍ഡ് വര്‍ദ്ധനവ്. 6 വര്‍ഷത്തിനിടയില്‍ മൂന്ന് ഇരട്ടിയിലധികം ഗര്‍ഭിണികള്‍ ഈ സേവനം ഉപയോഗിക്കുന്നതായാണ് റിപ്പോര്‍ട്ടുകള്‍. 2010 മുതല്‍ 2016 വരെയുള്ള കണക്കുകള്‍ പരിശോധിച്ചാല്‍ 40 ശതമാനം ഗര്‍ഭിണികള്‍ ഗര്‍ഭഛിദ്രത്തിന് ടെലി മെഡിസിന്‍ ഉപയോഗിക്കുന്നവരാണ്. ഇവരില്‍ 20 ശതമാനത്തിന് അനന്തരഫലങ്ങള്‍ ഉണ്ടായതായി കണ്ടെത്തിയിരുന്നു.

ലോക ആരോഗ്യ സംഘടനാ അയര്‍ലണ്ടില്‍ നടത്തിയ ആരോഗ്യ സര്‍വേയിലാണ് ഞെട്ടിക്കുന്ന ഈ വെളിപ്പെടുത്തല്‍ ഉണ്ടായത്. രാജ്യത്ത് ഗര്‍ഭഛിദ്രം നിയമ വിരുദ്ധമായതിനാല്‍ ഗര്‍ഭത്തിന്റെ പ്രാരംഭഘട്ടത്തില്‍ ടെലിമെഡിസിന്‍ സേവനത്തിലേക്ക് സ്ത്രീകള്‍ ആകര്‍ഷിക്കപ്പെടുകയാണ് ചെയ്യുന്നത്. ഓണ്‍ലൈന്‍ വഴി ഇത്തരം സേവനങ്ങള്‍ ഉപയോഗിക്കുന്നവര്‍ കൗണ്‍സിലിംഗിന് പോലും വിധേയമാകാതെയാണ് മരുന്ന് ഓര്‍ഡര്‍ ചെയ്യുന്നത്. ഇത് അത്യധികം അപകടകരമായ ഒരു പ്രവണതയാണ്.

മരുന്ന് കഴിച്ചുകൊണ്ടുള്ള ഗര്‍ഭഛിദ്രത്തെ പ്രോത്സാഹിപ്പിക്കുന്ന ഡോക്ടര്‍മാരും അയര്‍ലണ്ടില്‍ ഉണ്ടെന്നാണ് സൂചന. ഓണ്‍ലൈന്‍ സേവനം ചില അവസരങ്ങളില്‍ അപകടകരമാണെന്ന് ഓര്‍മിപ്പിക്കുകയാണ് ടെക്‌സസ് യൂണിവേഴ്‌സിറ്റിയിലെ പ്രൊഫസര്‍ അഭിഗല്‍ ഐക്കണ്‍. ഗര്‍ഭഛിദ്രം നടത്താന്‍ വിദേശ രാജ്യങ്ങളിലേക്കുള്ള യാത്രയും, ചെലവും ഒഴിവാക്കാന്‍ സ്ത്രീകള്‍ ടെലി സര്‍വീസ് സേവനത്തില്‍ സജീവമാവുകയാണ്.

അബോര്‍ഷന് ഉപയോഗിക്കാന്‍ പാടില്ലാത്ത മരുന്നുകളെക്കുറിച്ച് ആരോഗ്യ വകുപ്പ് മാധ്യമങ്ങളിലൂടെ പ്രചാരണം നടത്തണമെന്ന് ലോക ആരോഗ്യ സംഘടന നിര്‍ദ്ദേശിക്കുന്നു. അനന്തരഫലമുളവാക്കുന്ന ഗുളികകള്‍ ആരോഗ്യപരമല്ലെന്ന് ബോധവത്കരണ പരിപാടിയും ഊര്‍ജ്ജിതമാക്കേണ്ടിയിരിക്കുന്നു. ഗര്‍ഭഛിദ്ര ഔഷധങ്ങള്‍ ഭാവിയില്‍ ഗര്‍ഭധാരണത്തിന് തടസ്സമാകുമെന്ന് ആരോഗ്യ സംഘടനയിലെ ആരോഗ്യ വിദഗ്ദ്ധര്‍ മുന്നറിയിപ്പ് നല്‍കുന്നു.

 

ഡി കെ

 

comments


 

Other news in this section