Friday, April 20, 2018
Latest News
ഡബ്ലിന്‍ ബസ്സുകള്‍ക്ക് ഇനി സുവര്‍ണ്ണകാലം: റൂട്ട് റദ്ദാക്കല്‍ ഇനി ഉണ്ടാവില്ല; അടിമുടി മാറി ജനസൗഹൃദമാകാന്‍ ഒരുങ്ങി ഡബ്ലിന്‍ ബസ്    കോര്‍ക്ക് സെക്കണ്ടറി സ്‌കൂളില്‍ വിദ്യാര്‍ഥികളിക്കിടയില്‍ ക്ഷയരോഗബാധ കണ്ടെത്തി; സ്‌കൂള്‍ ജീവനക്കാര്‍ ഉള്‍പ്പെടെ നിരവധിപേര്‍ നിരീക്ഷണത്തില്‍; കടുത്ത ജാഗ്രതാ നിര്‍ദ്ദേശം നല്‍കി എച്ച്.എസ്.ഇ    പത്തു ദിവസം പ്രായമുള്ള കുഞ്ഞുമായി യുഎസ് സെനറ്റിലെത്തി ടാമി ഡക്വര്‍ത്ത് ചരിത്രമെഴുതി    വിമാനങ്ങളിലെ കാര്‍ഗോ ഹോള്‍ഡുകളില്‍ എയര്‍ബസ് സ്ലീപിംഗ് ബെര്‍ത്തുകള്‍ സ്ഥാപിക്കുന്നു    ഇന്ത്യയിലെ സ്ത്രീകളുടേയും പെണ്‍കുട്ടികളുടേയും കാര്യം ശ്രദ്ധിക്കൂ; മോദിയോട് ഐഎംഎഫ് മേധാവി   

ഇനി പാസ് വേഡുകള്‍ മറന്നേക്കൂ; ലോഗിന്‍ ചെയ്യാന്‍ പുതിയ രീതി വരുന്നു

Updated on 12-04-2018 at 12:18 pm

കാലങ്ങളായി ഡിജിറ്റല്‍ സാങ്കേതിക വിദ്യകളെ താഴിട്ടുപൂട്ടുന്നത് പാസ് വേഡുകളാണ്. സാങ്കേതിക വിദ്യയും ഇന്റര്‍നെറ്റുമെല്ലാം വികാസം പ്രാപിച്ച കാലത്ത് പാസ് വേഡിട്ട് പൂട്ടേണ്ട താഴുകളുടെ എണ്ണവും കൂടി. സുരക്ഷിതമായ പാസ് വേഡുകള്‍ ഓര്‍ത്തുവെക്കാന്‍ പ്രയാസം. ഓര്‍ത്തുവെക്കാന്‍ എളുപ്പമുള്ള പാസ് വേഡുകള്‍ വെച്ചാലോ അത് സുരക്ഷിതവുമല്ല. ഒരോ വെബ്സൈറ്റിനും വ്യത്യസ്ത പാസ് വേഡുകള്‍ ആണെങ്കില്‍ ഇവയെല്ലാം ഓര്‍ക്കാന്‍ പ്രയാസവുമാണ്.

എന്നാല്‍ പാസ്വേഡിന്റെ ഈ സങ്കീര്‍ണതകള്‍ അവസാനിപ്പിക്കാനൊരുങ്ങുകയാണ് പുതിയ വെബ് ഒതന്റിക്കേഷന്‍ സ്റ്റാന്റാര്‍ഡ്. ബയോമെട്രിക് വിവരങ്ങളും സ്മാര്‍ട്ഫോണ്‍ ഫിങ്കര്‍പ്രിന്റ് സ്‌കാനര്‍, വെബ്ക്യാം, സെക്യൂരിറ്റി കീ എന്നിവയുള്‍പ്പെടുന്നതാണ് പുതിയ തിരിച്ചറിയല്‍ രീതി. ഫിഡോ (FIDO), ഡബ്ല്യൂ3സി (W3C) വെബ് സ്റ്റാന്റാര്‍ഡ് ബോഡികളാണ് പുതിയ പാസ് വേഡ് ഫ്രീ പ്രോട്ടോക്കോള്‍ പ്രഖ്യാപിച്ചത്.

ഒന്നിലധികം പാസ്വേഡുകള്‍ ഓര്‍ത്തുവെക്കുന്നതിന് പകരം, തങ്ങളുടെ ശരീരഭാഗങ്ങള്‍ അല്ലെങ്കില്‍ സ്വന്തമായുള്ള ഉപകരണങ്ങള്‍ എന്നിവ ഉപയോഗിച്ച് ബ്ലൂടൂത്തിലൂടേയോ യൂഎസ്ബി അല്ലെങ്കില്‍ എന്‍എഫ്സി എന്നിവയുപയോഗിച്ചോ ആളുകള്‍ക്ക് ലോഗിന്‍ ചെയ്യാന്‍ പറ്റും. ഈ രീതിയിലുള്ള സുരക്ഷ മറ്റൊരാള്‍ക്ക് മറികടക്കാന്‍ പ്രയാസമാണ്.

അതായത് ഒരു വെബ്സൈറ്റില്‍ ലോഗിന്‍ ചെയ്യാന്‍ ഒരാള്‍ തന്റെ യൂസര്‍ നെയിം നല്‍കുമ്പോള്‍ നിങ്ങളുടെ ഫോണില്‍ ഒരു അറിയിപ്പ് ലഭിക്കുന്നു. ആ അറിയിപ്പിലെ ഒതന്റിക്കേഷന്‍ ടോക്കനില്‍ തൊടുമ്പോള്‍ വെബ്സൈറ്റ് ലോഗിന്‍ ആവും. ഓരോ തവണ ലോഗിന്‍ ചെയ്യാന്‍ ശ്രമിക്കുമ്പോഴും ഈ ഒതന്റിക്കേഷന്‍ ടോക്കന്‍ മാറിക്കൊണ്ടിരിക്കും. ഇങ്ങനെ ഒന്നിധികം മാര്‍ഗങ്ങള്‍ ഒന്നിച്ച് ചേര്‍ക്കുന്ന രീതിയാണ് പുതിയ സംവിധാനം. ഗൂഗിള്‍, മൈക്രോ സോഫ്റ്റ്, മോസില്ല തുടങ്ങിയ സ്ഥാപനങ്ങള്‍ ഇപ്പോള്‍ ഈ സേവനം നല്‍കി വരുന്നുണ്ട്.

ആളുകളുടെ സ്വകാര്യ വിവരങ്ങളുള്‍പ്പടെ അസംഖ്യം വിവരങ്ങള്‍ കുമിഞ്ഞുകൂടുന്ന വെര്‍ച്ച്വല്‍ ലോകത്ത്, ആ വിവരങ്ങള്‍ സംരക്ഷിക്കാന്‍ കൂടുതല്‍ ഉറപ്പുള്ള വഴികള്‍ സ്വീകരിക്കേണ്ടത് ആവശ്യകതയാണ്. ഈ സാഹചര്യത്തിലാണ് വിവരങ്ങളുടെ സുരക്ഷയ്ക്ക് പുതിയ മാര്‍ഗങ്ങള്‍ രംഗപ്രവേശം ചെയ്യുന്നത്.

 

 

ഡികെ

comments


 

Other news in this section