Wednesday, September 19, 2018
Latest News
പീഡനക്കേസില്‍ ബിഷപ്പ് ഫ്രാങ്കോ മുളക്കലിനെ ചോദ്യം ചെയ്തു തുടങ്ങി    പുതിയ ഇറക്കുമതി നികുതി; ചൈനയ്‌ക്കെതിരെ വ്യാപാരയുദ്ധം ശക്തമാക്കി അമേരിക്ക    മുത്തലാഖ് ക്രിമിനല്‍ കുറ്റം; ഓര്‍ഡിനന്‍സിന് മന്ത്രിസഭയുടെ അംഗീകാരം    ബ്രെക്‌സിറ്റ്: ഐറിഷ് അതിര്‍ത്തി നിലപാട് മാറ്റാന്‍ യൂറോപ്യന്‍ യൂണിയന്‍ ബ്രസല്‍സ്: ബ്രെക്‌സിറ്റ് ചര്‍ച്ചകളില്‍ കീറാമുട്ടിയായി നില്‍ക്കുന്ന ഐറിഷ് അതിര്‍ത്തി സംബന്ധിച്ച വിഷയത്തില്‍ യൂറോപ്യന്‍ യൂണിയന്‍ നിലപാട് മാറ്റാന്‍ തയാറാകുന്നു. യുകെയുടെ പരമാധികാരത്തെ മാനിച്ചു കൊണ്ടുള്ള തീരുമാനം മാത്രമേ ഇക്കാര്യത്തില്‍ സ്വീകരിക്കൂ എന്ന് യൂറോപ്യന്‍ യൂണിയന്റെ ചര്‍ച്ചാ സംഘത്തിനു നേതൃത്വം നല്‍കുന്ന മിച്ചല്‍ ബാര്‍നിയര്‍ ഉറപ്പു നല്‍കി. ഇയുവുമായുള്ള അയര്‍ലണ്ടിന്റെ ബന്ധം പാറപോലെ ഉറച്ചതെന്നും നേരത്തെ പറഞ്ഞുറപ്പിച്ചപോലെ തന്നെ ഇയുവും ബ്രിട്ടീഷ് ഗവണ്മെന്റുമായുള്ള കരാറുകള്‍ അടുത്ത മാര്‍ച്ചില്‍ പൂര്‍ത്തിയാകുമെന്നും ഐറിഷ് വിദേശകാര്യ മന്ത്രി സൈമണ്‍ കോവ്നി വാര്‍ത്താ സമ്മേളനത്തില്‍ അറിയിച്ചു. ബ്രെക്‌സിറ്റിന് ശേഷം അയര്‍ലണ്ടും യുകെയും തമ്മില്‍ വേര്‍തിരിക്കുന്ന നോര്‍ത്തേണ്‍ അയര്‍ലന്റിലെ 310 മൈല്‍ അതിര്‍ത്തി സംബന്ധിച്ച ചര്‍ച്ചകള്‍ ബ്രെക്‌സിറ്റിന്റെ തുടക്കം മുതലേ ആരംഭിച്ചതാണ്. ആയിരക്കണക്കിന് ജനകളാണ് ദിവസവും ഈ അതിര്‍ത്തിയിലൂടെ ഇരു വശത്തേക്കും കടന്നുപോകുന്നത്. ആഹാരസാധനങ്ങളും, മരുന്നുകളും മറ്റ് ഉത്പന്നങ്ങളും ഇതുവഴി കടന്നുവരുണ്ട്. നിലയില്‍ ഇയു സിംഗിള്‍ മാര്‍ക്കറ്റിന്റെ ഭാഗമായതിനാല്‍ ഇത് പ്രത്യേക പരിശോധനകള്‍ക്കും വിധേയമാകാറില്ല. എന്നാല്‍ ബ്രെക്‌സിറ്റ് നടപ്പാകുന്നതോടെ ഈ പ്രവര്‍ത്തനങ്ങള്‍ക്കെല്ലാം തിരശീല വീഴും. അതിനാലാണ് ഹാര്‍ഡ് ബോര്‍ഡര്‍ ബ്രെക്‌സിറ്റിനെ പലരും എതിര്‍ക്കുന്നത്. ബ്രെക്‌സിറ്റ് നടപ്പാക്കുന്നതിന് താന്‍ അവതരിപ്പിച്ച പദ്ധതികള്‍ക്ക് ബ്രിട്ടീഷ് പ്രധാനമന്ത്രി തെരേസ മേയ് യൂറോപ്യന്‍ നേതാക്കളുടെ പിന്തുണ ആര്‍ജിക്കാനുള്ള ഊര്‍ജിത ശ്രമം തുടരുന്നതിനിടെയാണ് ബാര്‍നിയറുടെ വാഗ്ദാനം. ബുധനാഴ്ച സാല്‍സ്ബര്‍ഗില്‍ നടക്കുന്ന അത്താഴ വിരുന്നില്‍, ചെക്കേഴ്‌സ് പ്‌ളാന്‍ എന്നറിയപ്പെടുന്ന തന്റെ പദ്ധതിക്ക് കൂടുതല്‍ പിന്തുണ സ്വരൂപിക്കാനായിരിക്കും തെരേസ ശ്രമിക്കുക. തന്റെ പദ്ധതി നടപ്പായില്ലെങ്കില്‍, ഒരു കരാറുമില്ലാതെ യൂറോപ്യന്‍ യൂണിയനില്‍നിന്ന് വിട്ടുമാറാന്‍ യുകെ നിര്‍ബന്ധിതമാകുമെന്നാണ് തെരേസ നല്‍കുന്ന മുന്നറിയിപ്പ്. എന്നാല്‍, രാജ്യത്തിനുള്ളില്‍ പോലും തെരേസയുടെ പദ്ധതിക്ക് വ്യാപകമായ അംഗീകാരം ലഭിച്ചിട്ടുമില്ല. അതേസമയം ബ്രെക്‌സിറ്റ് നടപടിക്രമങ്ങള്‍ പൂര്‍ത്തിയാക്കുന്നതിന് യൂറോപ്യന്‍ യൂണിയന്‍ ബ്രിട്ടന് കൂടുതല്‍ സമയം അനുവദിച്ചേക്കുമെന്ന റിപ്പോര്‍ട്ടുകളുമുണ്ട്. കരാറില്ലാതെ ബ്രെക്‌സിറ്റ് പൂര്‍ത്തികുന്ന സാഹചര്യം ഒഴിവാക്കുന്നതിനാണിതെന്നും മുന്‍ ഉപപ്രധാനമന്ത്രി സര്‍ നിക്ക് ക്‌ളെഗ് പറഞ്ഞു. പ്രധാനമന്ത്രി തെരേസ മേയ് അവതരിപ്പിച്ച ചെക്കേഴ്‌സ് പ്‌ളാന്‍ ബ്രിട്ടിഷ് പാര്‍ലമെന്റ് പാസാക്കുമെന്ന് ഉറപ്പില്ല. ഇതു നിരാകരിക്കപ്പെടുമെന്നു തന്നെയാണ് താന്‍ പ്രതീക്ഷിക്കുന്നതെന്നും ക്‌ളെഗ് വ്യക്തമാക്കി. എന്നാല്‍, ഈ കരാര്‍ ഇല്ലെങ്കില്‍ കരാറില്ലാതെ യൂണിയനില്‍നിന്നു പിന്‍മാറേണ്ടി വരുമെന്ന തെരേസയുടെ പ്രഖ്യാപനവും അദ്ദേഹം നിരാകരിച്ചു. ഇപ്പോഴത്തെ ധാരണയനുസരിച്ച് അടുത്ത വര്‍ഷം മാര്‍ച്ച് 29നാണ് ബ്രെക്‌സിറ്റ് നടപടിക്രമങ്ങള്‍ പൂര്‍ത്തിയാകേണ്ടത്. ബ്രെക്‌സിറ്റ് കരാര്‍ സംബന്ധിച്ച് ജനഹിത പരിശോധന നടത്തണമെന്ന് ആവശ്യപ്പെടുന്നവരുടെ മുന്‍നിരയിലാണ് ക്‌ളെഗ്. ജര്‍മനിയുടെയും ഫ്രാന്‍സിന്റെയും നിലപാടുകളില്‍ അയവ് കാണുന്നുണ്ടെന്നും, ഇതാണ് സമയം നീട്ടിക്കിട്ടാന്‍ സാധ്യതയുണ്ടെന്ന നിരീക്ഷണത്തിനു പിന്നിലെന്നും അദ്ദേഹം വിശദീകരിക്കുന്നു. എ എം    കണ്ണൂര്‍ വിമാനത്താവളത്തിന്റെ സ്വപ്ന സാക്ഷാത്കാരത്തിന് തടസമായി ഉത്തരേന്ത്യന്‍ ലോബിയുടെ കളികള്‍   

അവാര്‍ഡുകള്‍ രാഷ്ട്രപതി നല്‍കില്ല; ദേശീയ ചലച്ചിത്ര പുരസ്‌കാര വിതരണം പ്രതിസന്ധിയില്‍

Updated on 03-05-2018 at 8:48 am

ഇന്ന് നിശ്ചയിച്ചിരിക്കുന്ന ദേശീയ ചലച്ചിത്ര പുരസ്‌കാരവിതരണം പ്രതിസന്ധിയില്‍. കുറച്ച് പേര്‍ക്ക് മാത്രം രാഷ്ട്രപതി പുരസ്‌കാരങ്ങള്‍ വിതരണം ചെയ്താല്‍ മതിയെന്ന തീരുമാനമാണ് പ്രതിസന്ധി സൃഷ്ടിച്ചിരിക്കുന്നത്. തീരുമാനത്തിനെതിരെ മലയാളത്തില്‍ നിന്നുള്ള അവാര്‍ഡ് ജേതാക്കള്‍ ശക്തമായി രംഗത്തെത്തിയിരിക്കുകയാണ്. രാഷ്ട്രപതി അവാര്‍ഡ് സമ്മാനിച്ചില്ലെങ്കില്‍ ചടങ്ങ് ബഹിഷ്‌കരിക്കാനാണ് ഇവരുടെ തീരുമാനം. എല്ലാ അവാര്‍ഡ് ജേതാക്കളും ഒപ്പിട്ട പരാതി വാര്‍ത്താവിതരണമന്ത്രാലയത്തിന് നല്‍കി. ഇന്ന് നാല് മണിക്കാണ് പുരസ്‌കാര വിതരണ ചടങ്ങ്. അവാര്‍ഡ് ജേതാക്കള്‍ ഒപ്പിട്ട രേഖാമൂലമുള്ള പരാതി നല്‍കിയിട്ടുണ്ട്. അതില്‍ ഉചിതമായ തീരുമാനം ഉണ്ടാകില്ലെങ്കില്‍11 പേരൊഴിച്ച് ബാക്കിയുള്ളവര്‍ അവാര്‍ഡ് സ്വീകരിക്കാതെ മടങ്ങാനാണ് സാധ്യത.

അവാര്‍ഡ് ജേതാക്കളില്‍ 11 പേര്‍ക്ക് മാത്രം രാഷ്ട്രപതിയും ബാക്കുയുള്ളവര്‍ക്ക് വാര്‍ത്താവിതരണമന്ത്രി സ്മൃതി ഇറാനിയും അവാര്‍ഡുകള്‍ സമ്മാനിക്കാണ് തീരുമാനിച്ചിരിക്കുന്നത്. എന്നാല്‍ ഇതിനെതിരെ ഒരുവിഭാഗം അവാര്‍ഡ് ജേതാക്കള്‍ രംഗത്തെത്തി. മുഴുവന്‍ അവാര്‍ഡുകളും രാഷ്ട്രപതി തന്നെ വിതരണം ചെയ്യണമെന്നും ഇല്ലെങ്കില്‍ ചടങ്ങ് ബഹിഷ്‌കരിക്കുമെന്നും ഇവര്‍ വ്യക്തമാക്കി. ഇതോടെ പ്രതിഷേധക്കാരെ അനുനയിപ്പിക്കാന്‍ മന്ത്രി സ്മൃതി ഇറാനി ശ്രമം നടത്തിയെങ്കിലും പരാജയപ്പെട്ടു.

സാധാരണ എല്ലാവര്‍ഷവും രാഷ്ട്രപതിയാണ് മുഴുവന്‍ അവാര്‍ഡുകളും വിതരണം ചെയ്യുന്നത്. ഇത്തവണയും അങ്ങനെ ആയിരിക്കുമെന്ന ധാരണയിലായിരുന്നു അവാര്‍ഡ് ജേതാക്കള്‍. എന്നാല്‍ ബുധനാഴ്ച ചടങ്ങിന്റെ റിഹേഴ്സലിന് എത്തിയപ്പോഴാണ് പുതിയ തീരുമാനത്തെ കുറിച്ച് താരങ്ങള്‍ അറിഞ്ഞത്. 11 പേര്‍ക്ക് മാത്രം രാഷ്ട്രപതി അവാര്‍ഡ് നല്‍കുമെന്നും എന്നാല്‍ എല്ലാവര്‍ക്കും ഒപ്പം നിന്ന് ഫോട്ടോ എടുക്കുമെന്നും മന്ത്രാലയം അറിയിച്ചു. രാഷ്ട്രപതിയില്‍ നിന്ന് പുരസ്‌കാരം സ്വീകരിക്കാനുള്ള 11 പേരെ എന്ത് മാനദണ്ഡത്തിന്റെ അടിസ്ഥാനത്തിലാണ് തെരഞ്ഞെടുത്തതെന്ന ചോദ്യത്തിന് മറുപടി നല്‍കാന്‍ മന്ത്രി സ്മൃതി ഇറാനിക്ക് കഴിഞ്ഞില്ല. ഇതോടെയാണ് പ്രതിഷേധം ശക്തമായത്.

ഇത്തവണത്തെ ദേശീയ പുരസ്‌കാരങ്ങളില്‍ മലയാള സിനിമ വന്‍ നേട്ടമായിരുന്നു ഉണ്ടാക്കിയിരുന്നത്. മികച്ച സംവിധായകന്‍, മികച്ച ഗായകന്‍, മികച്ച സഹനടന്‍, പ്രത്യേക ജൂറി പരാമര്‍ശം, മികച്ച സാമൂഹിക പ്രസക്തിയുള്ള ചിത്രം, മികച്ച പ്രൊഡക്ഷന്‍ ഡിസൈര്‍ തുടങ്ങി 14 പുരസ്‌കാരങ്ങളാണ് ഇത്തവണ മലയാളം സ്വന്തമാക്കിയത്. എന്നാല്‍ ഈ 14 പേരില്‍ മികച്ച ഗായകനായി തെരഞ്ഞെടുക്കപ്പെട്ട യേശുദാസിനും മികച്ച സംവിധായകനായ ജയരാജിനും മാത്രമാണ് രാഷ്ട്രപതിയില്‍ നിന്നും അവാര്‍ഡ് സ്വീകരിക്കാന്‍ അനുമതിയുള്ളത്. ഫഹദ് ഫാസില്‍ ഉള്‍പ്പെടെയുള്ള ബാക്കിപേര്‍ക്ക് സ്മൃതി ഇറാനിയില്‍ നിന്നാണ് അവാര്‍ഡ് സ്വീകരിക്കേണ്ടത്.

 

 

ഡികെ

comments


 

Other news in this section