Wednesday, September 19, 2018
Latest News
പീഡനക്കേസില്‍ ബിഷപ്പ് ഫ്രാങ്കോ മുളക്കലിനെ ചോദ്യം ചെയ്തു തുടങ്ങി    പുതിയ ഇറക്കുമതി നികുതി; ചൈനയ്‌ക്കെതിരെ വ്യാപാരയുദ്ധം ശക്തമാക്കി അമേരിക്ക    മുത്തലാഖ് ക്രിമിനല്‍ കുറ്റം; ഓര്‍ഡിനന്‍സിന് മന്ത്രിസഭയുടെ അംഗീകാരം    ബ്രെക്‌സിറ്റ്: ഐറിഷ് അതിര്‍ത്തി നിലപാട് മാറ്റാന്‍ യൂറോപ്യന്‍ യൂണിയന്‍ ബ്രസല്‍സ്: ബ്രെക്‌സിറ്റ് ചര്‍ച്ചകളില്‍ കീറാമുട്ടിയായി നില്‍ക്കുന്ന ഐറിഷ് അതിര്‍ത്തി സംബന്ധിച്ച വിഷയത്തില്‍ യൂറോപ്യന്‍ യൂണിയന്‍ നിലപാട് മാറ്റാന്‍ തയാറാകുന്നു. യുകെയുടെ പരമാധികാരത്തെ മാനിച്ചു കൊണ്ടുള്ള തീരുമാനം മാത്രമേ ഇക്കാര്യത്തില്‍ സ്വീകരിക്കൂ എന്ന് യൂറോപ്യന്‍ യൂണിയന്റെ ചര്‍ച്ചാ സംഘത്തിനു നേതൃത്വം നല്‍കുന്ന മിച്ചല്‍ ബാര്‍നിയര്‍ ഉറപ്പു നല്‍കി. ഇയുവുമായുള്ള അയര്‍ലണ്ടിന്റെ ബന്ധം പാറപോലെ ഉറച്ചതെന്നും നേരത്തെ പറഞ്ഞുറപ്പിച്ചപോലെ തന്നെ ഇയുവും ബ്രിട്ടീഷ് ഗവണ്മെന്റുമായുള്ള കരാറുകള്‍ അടുത്ത മാര്‍ച്ചില്‍ പൂര്‍ത്തിയാകുമെന്നും ഐറിഷ് വിദേശകാര്യ മന്ത്രി സൈമണ്‍ കോവ്നി വാര്‍ത്താ സമ്മേളനത്തില്‍ അറിയിച്ചു. ബ്രെക്‌സിറ്റിന് ശേഷം അയര്‍ലണ്ടും യുകെയും തമ്മില്‍ വേര്‍തിരിക്കുന്ന നോര്‍ത്തേണ്‍ അയര്‍ലന്റിലെ 310 മൈല്‍ അതിര്‍ത്തി സംബന്ധിച്ച ചര്‍ച്ചകള്‍ ബ്രെക്‌സിറ്റിന്റെ തുടക്കം മുതലേ ആരംഭിച്ചതാണ്. ആയിരക്കണക്കിന് ജനകളാണ് ദിവസവും ഈ അതിര്‍ത്തിയിലൂടെ ഇരു വശത്തേക്കും കടന്നുപോകുന്നത്. ആഹാരസാധനങ്ങളും, മരുന്നുകളും മറ്റ് ഉത്പന്നങ്ങളും ഇതുവഴി കടന്നുവരുണ്ട്. നിലയില്‍ ഇയു സിംഗിള്‍ മാര്‍ക്കറ്റിന്റെ ഭാഗമായതിനാല്‍ ഇത് പ്രത്യേക പരിശോധനകള്‍ക്കും വിധേയമാകാറില്ല. എന്നാല്‍ ബ്രെക്‌സിറ്റ് നടപ്പാകുന്നതോടെ ഈ പ്രവര്‍ത്തനങ്ങള്‍ക്കെല്ലാം തിരശീല വീഴും. അതിനാലാണ് ഹാര്‍ഡ് ബോര്‍ഡര്‍ ബ്രെക്‌സിറ്റിനെ പലരും എതിര്‍ക്കുന്നത്. ബ്രെക്‌സിറ്റ് നടപ്പാക്കുന്നതിന് താന്‍ അവതരിപ്പിച്ച പദ്ധതികള്‍ക്ക് ബ്രിട്ടീഷ് പ്രധാനമന്ത്രി തെരേസ മേയ് യൂറോപ്യന്‍ നേതാക്കളുടെ പിന്തുണ ആര്‍ജിക്കാനുള്ള ഊര്‍ജിത ശ്രമം തുടരുന്നതിനിടെയാണ് ബാര്‍നിയറുടെ വാഗ്ദാനം. ബുധനാഴ്ച സാല്‍സ്ബര്‍ഗില്‍ നടക്കുന്ന അത്താഴ വിരുന്നില്‍, ചെക്കേഴ്‌സ് പ്‌ളാന്‍ എന്നറിയപ്പെടുന്ന തന്റെ പദ്ധതിക്ക് കൂടുതല്‍ പിന്തുണ സ്വരൂപിക്കാനായിരിക്കും തെരേസ ശ്രമിക്കുക. തന്റെ പദ്ധതി നടപ്പായില്ലെങ്കില്‍, ഒരു കരാറുമില്ലാതെ യൂറോപ്യന്‍ യൂണിയനില്‍നിന്ന് വിട്ടുമാറാന്‍ യുകെ നിര്‍ബന്ധിതമാകുമെന്നാണ് തെരേസ നല്‍കുന്ന മുന്നറിയിപ്പ്. എന്നാല്‍, രാജ്യത്തിനുള്ളില്‍ പോലും തെരേസയുടെ പദ്ധതിക്ക് വ്യാപകമായ അംഗീകാരം ലഭിച്ചിട്ടുമില്ല. അതേസമയം ബ്രെക്‌സിറ്റ് നടപടിക്രമങ്ങള്‍ പൂര്‍ത്തിയാക്കുന്നതിന് യൂറോപ്യന്‍ യൂണിയന്‍ ബ്രിട്ടന് കൂടുതല്‍ സമയം അനുവദിച്ചേക്കുമെന്ന റിപ്പോര്‍ട്ടുകളുമുണ്ട്. കരാറില്ലാതെ ബ്രെക്‌സിറ്റ് പൂര്‍ത്തികുന്ന സാഹചര്യം ഒഴിവാക്കുന്നതിനാണിതെന്നും മുന്‍ ഉപപ്രധാനമന്ത്രി സര്‍ നിക്ക് ക്‌ളെഗ് പറഞ്ഞു. പ്രധാനമന്ത്രി തെരേസ മേയ് അവതരിപ്പിച്ച ചെക്കേഴ്‌സ് പ്‌ളാന്‍ ബ്രിട്ടിഷ് പാര്‍ലമെന്റ് പാസാക്കുമെന്ന് ഉറപ്പില്ല. ഇതു നിരാകരിക്കപ്പെടുമെന്നു തന്നെയാണ് താന്‍ പ്രതീക്ഷിക്കുന്നതെന്നും ക്‌ളെഗ് വ്യക്തമാക്കി. എന്നാല്‍, ഈ കരാര്‍ ഇല്ലെങ്കില്‍ കരാറില്ലാതെ യൂണിയനില്‍നിന്നു പിന്‍മാറേണ്ടി വരുമെന്ന തെരേസയുടെ പ്രഖ്യാപനവും അദ്ദേഹം നിരാകരിച്ചു. ഇപ്പോഴത്തെ ധാരണയനുസരിച്ച് അടുത്ത വര്‍ഷം മാര്‍ച്ച് 29നാണ് ബ്രെക്‌സിറ്റ് നടപടിക്രമങ്ങള്‍ പൂര്‍ത്തിയാകേണ്ടത്. ബ്രെക്‌സിറ്റ് കരാര്‍ സംബന്ധിച്ച് ജനഹിത പരിശോധന നടത്തണമെന്ന് ആവശ്യപ്പെടുന്നവരുടെ മുന്‍നിരയിലാണ് ക്‌ളെഗ്. ജര്‍മനിയുടെയും ഫ്രാന്‍സിന്റെയും നിലപാടുകളില്‍ അയവ് കാണുന്നുണ്ടെന്നും, ഇതാണ് സമയം നീട്ടിക്കിട്ടാന്‍ സാധ്യതയുണ്ടെന്ന നിരീക്ഷണത്തിനു പിന്നിലെന്നും അദ്ദേഹം വിശദീകരിക്കുന്നു. എ എം    കണ്ണൂര്‍ വിമാനത്താവളത്തിന്റെ സ്വപ്ന സാക്ഷാത്കാരത്തിന് തടസമായി ഉത്തരേന്ത്യന്‍ ലോബിയുടെ കളികള്‍   

അബോര്‍ഷന്‍ റഫറണ്ടം മേയ് 25-ന്. തെരെഞ്ഞെടുപ്പില്‍ വോട്ട് രേഖപ്പെടുത്താന്‍ നിങ്ങള്‍ ചെയ്യേണ്ടത്:

Updated on 23-04-2018 at 2:24 pm

ഡബ്ലിന്‍: അയര്‍ലണ്ടില്‍ ഗര്‍ഭച്ഛിദ്ര നിയമവുമായി ബന്ധപ്പെട്ട വിവാദങ്ങള്‍ക്ക് തിരശീല വീഴാന്‍ ഒരു മാസം മാത്രം. നീണ്ട ചര്‍ച്ചകള്‍ക്കും ആശയ സംഘടനങ്ങള്‍ക്കുമൊടുവില്‍ അബോര്‍ഷന്‍ വിഷയത്തില്‍ ഓരോരുത്തര്‍ക്കും വ്യക്തിഗത അഭിപ്രായങ്ങള്‍ രേഖപ്പെടുത്താനുള്ള തയ്യാറെടുപ്പുകള്‍ ആരംഭിക്കാം. ഐറിഷ് ജനതയുടെ മനസ്സറിയാന്‍ നടത്തുന്ന വോട്ടെടുപ്പിന് റഫറണ്ടം കമ്മീഷനെ നിയമിച്ചു. കമ്മീഷന്‍ വെബ്‌സൈറ്റിലൂടെ ആദ്യ പടിയായി തെരെഞ്ഞെടുപ്പില്‍ പങ്കെടുക്കാന്‍ ആഗ്രഹിക്കുന്നവര്‍ രെജിസ്റ്റര്‍ ചെയ്തിരിക്കണം.

2018 ഫെബ്രുവരി 15-ന് 18 വയസ്സ് പൂര്‍ത്തിയായ ഐറിഷ് പൗരത്വമുള്ളവര്‍ക്ക് വോട്ട് ചെയ്യാന്‍ അര്‍ഹത ഉണ്ട്. ഐറിഷ് പൗരത്വമില്ലാത്തവരും എന്നാല്‍ നിലവില്‍ അയര്‍ലണ്ടില്‍ സ്ഥിര താമസമായവര്‍ക്കും ഈ റഫറണ്ടത്തില്‍ അവകാശമുണ്ടാവുമെന്നാണ് സൂചന. കമ്മീഷന്‍ വെബ്‌സൈറ്റില്‍ checktheregister.ie-യില്‍ കയറി അപേക്ഷാ ഫോം ഡൗണ്‍ലോഡ് ചെയ്ത് പൂരിപ്പിച്ച അപേക്ഷകള്‍ തിരിച്ചറിയല്‍ രേഖ സഹിതം തൊട്ടടുത്ത ഗാര്‍ഡ സ്റ്റേഷനില്‍ പരിശോധനകള്‍ പൂര്‍ത്തിയാക്കി കൗണ്ടി കൗണ്‍സിലുകള്‍, പോസ്റ്റ് ഓഫിസ്, പബ്ലിക് ലൈബ്രറി എന്നിവിടങ്ങളില്‍ നല്‍കാം. മേയ് 8 ന് മുന്‍പ് അപേക്ഷകള്‍ നല്‍കിയിരിക്കണം.

വോട്ട് ചെയ്യാന്‍ നേരത്തെ രെജിസ്ട്രേഷന്‍ നടത്തിയവര്‍ക്ക് RFA5 അപേക്ഷാ ഫോമും പുതുതായി രെജിസ്ട്രേഷന്‍ നടത്തുന്നവര്‍ക്ക് RFA 2 ഫോമും ഉപയോഗിക്കാം. മേല്‍ വിലാസം മാറ്റേണ്ടവരും RFA2 ഫോം ഉപയോഗിക്കണം. അപേക്ഷാ ഫോമുകള്‍ കൗണ്ടി കൗണ്‍സിലുകള്‍ വഴി നേരിട്ടും വാങ്ങാന്‍ സാധിക്കും. തെരഞ്ഞെടുപ്പിന് 3.2 മില്യണ്‍ ഇലക്റ്ററല്‍ കോളേജുകളാണ് ഉണ്ടാവുക. വോട്ട് ചെയ്യാന്‍ അവസരം ലഭിക്കുന്നവര്‍ക്ക് വോട്ട് ചെയ്യേണ്ട പോളിംഗ് സ്റ്റേഷനുകള്‍ അറിയിച്ചുകൊണ്ടുള്ള പോളിംഗ് കാര്‍ഡുകള്‍ ലഭിക്കും.

വോട്ട് രേഖപ്പെടുത്താന്‍ ആഗ്രഹിക്കുന്നവര്‍ ഞായര്‍, പൊതു അവധികള്‍ ഒഴികെ 22 ദിവസം മുന്‍പെങ്കിലും രെജിസ്ട്രേഷന്‍ നടപടികള്‍ പൂര്‍ത്തീകരിക്കണം. അതുകൊണ്ട് തന്നെ വളരെ പരിമിതമായ ദിവസങ്ങള്‍ക്കുള്ളില്‍ വോട്ടര്‍മാര്‍ വോട്ടെടുപ്പിനുള്ള തയാറെടുപ്പുകള്‍ നടത്തേണ്ടതുണ്ട്. വോട്ടര്‍മാര്‍ക്ക് പോസ്റ്റല്‍ വോട്ടിലൂടെയും, പോളിംഗ് സ്റ്റേഷനുകളില്‍ നേരിട്ട് എത്തിയും വോട്ട് രേഖപ്പെടുത്താം.

പോസ്റ്റല്‍ വോട്ട് ആര്‍ക്കെല്ലാം ഉപയോഗിക്കാം?

– രാജ്യത്തിന് പുറത്തുള്ള ഐറിഷ് നയതന്ത്ര ഉദ്യോഗസ്ഥര്‍ക്കും അവരുടെ പങ്കാളികള്‍ക്കും പോസ്റ്റല്‍ വോട്ട് ചെയ്യാം.
– ഗാര്‍ഡ ജീവനക്കാര്‍ക്ക്.
– പ്രതിരോധ സേനകളില്‍ അംഗങ്ങളായവര്‍ക്ക്.
– അംഗവൈകല്യമുള്ളവരും മറ്റു ശാരീരിക അവശതകള്‍ അനുഭവിക്കുന്നവര്‍ക്കും പോസ്റ്റല്‍ വോട്ട് ചെയ്യാം.
– അയര്‍ലണ്ടിലെ ഏതെങ്കിലും വിദ്യാഭ്യാസ സ്ഥാപനത്തില്‍ മുഴുവന്‍ സമയ വിദ്യാര്‍ത്ഥി ആയിരിക്കുകയൂം ഇത് താമസ സ്ഥലത്തു നിന്നും വളരെ അകലെ ആയിരിക്കുകയും ചെയ്താല്‍ ഇത്തരം വിദ്യാര്‍ത്ഥികള്‍ക്ക് പോസ്റ്റല്‍ വോട്ട് സൗകര്യം പ്രയോജനപ്പെടുത്താം.
– ജോലി മറ്റു സ്ഥലങ്ങളില്‍ ആയതിനാല്‍ പോളിംഗ് സ്റ്റേഷനില്‍ എത്താന്‍ കഴിയാത്തവര്‍ക്കും ഇത് ഉപയോഗിക്കാം.
– തടവ് ശിക്ഷ അനുഭവിക്കുന്നവര്‍ പോസ്റ്റല്‍ വോട്ടിന് അര്‍ഹരാണ്.

പോസ്റ്റല്‍ വോട്ട് അപേക്ഷകള്‍ സ്വീകരിക്കുന്ന അവസാന തീയതി ഏപ്രില്‍ 28 ആണ്. പോസ്റ്റല്‍ വോട്ടിന് PV2 ഫോം ആണ് ഉപയോഗിക്കേണ്ടത്. പോസ്റ്റല്‍ വോട്ടിന് അപേക്ഷ നല്‍കിയവര്‍ക്ക് യാതൊരു കാരണവശാലും പോളിംഗ് സ്റ്റേഷനില്‍ നേരിട്ട് എത്തി വോട്ട് രേഖപ്പെടുത്താന്‍ അര്‍ഹത ഉണ്ടാവില്ല. അതുപോലെ ഐറിഷ് പൗരത്വമുള്ളവരും എന്നാല്‍ നിലവില്‍ വിദേശ രാജ്യങ്ങളിലുള്ളവര്‍ക്കും ഇതില്‍ പങ്കെടുക്കാനാവില്ല. ഏതെങ്കിലും കാരണവശാല്‍ സാധാരണ രെജിസ്‌ട്രേഷനില്‍ പെടാത്തവര്‍ക്ക് വേണ്ടി സപ്ലിമെറ്ററി രജിസ്ട്രേഷനും സൗകര്യമൊരുക്കിയിട്ടുണ്ട്. തെരഞ്ഞെടുപ്പിന് രണ്ടാഴ്ചകള്‍ക്ക് മുന്‍പ് മാത്രമാണ് ഈ രെജിസ്റ്റര്‍ പ്രസിദ്ധീകരിക്കുക. മേയ് 25-നു വെള്ളിയാഴ്ച 7 എ.എം മുതല്‍ 10 പി.എം വരെ 15 മണിക്കൂര്‍ സമയത്തിനുള്ളില്‍ നിര്‍ദ്ധിഷ്ട പോളിംഗ് സ്റ്റേഷനുകളില്‍ വോട്ട് രേഖപ്പെടുത്താം. തെരഞ്ഞെടുപ്പുമായി ബന്ധപ്പെട്ട കൂടുതല്‍ വിവരങ്ങള്‍ അറിയാന്‍ അതാത് കൗണ്ടി കൗണ്‍സിലുകളുമായി ബന്ധപ്പെടുക.

 

 

 

ഡികെ

comments


 

Other news in this section